|
جولف GOLF من أنجح موديلات الشركة الألمانية بدأ إنتاجها عام 74 و بيع منها أكثر من 25 مليون نسخة حتى الآن |
|
أدوات الموضوع |
#1
|
|||
|
|||
الافادة بالله عليكم فى الجولف 3
قبل اى حاجة السلامو عليكم يا رجالة بامانة انا مصدقتش لما شفت الموقع دة بالصدفة فى جوجل وبجد هو دة اللى بدور علية وبالامانة موقع حامد واللى مجمدة استجابة اعضائة ومساعدتهم ندخل فى الموضوع 1- سعر الجولف 3 فى بورسعيد كام على فكرة هى منطقة حرةبصوا يا رجالة انا من بورسعيد وعاوز اجيب عربية جولف 3 فكنت عاوز اعرف كام حاجة كدا بالله عليكم تفيدونى فيها على شان ميضحكش على 2-انا مش فاهم موضوع 1400 سى سى دى مهمة 3-انا كنت عاوز اعرف اية الامكانيات اللى اصلا متاحة فى الجولف 3 يعنى كلها بتكون فول اوبشن ولا فى وفى 4-تنصحونى باية وانا بكشف عليها وهل فى حاجة معينى اكشف عليها 5- عازم العربية دى جامد ولا لالا ولو جامد اعرفة ازاى 6-فى حاجة مهمة جدا عاوز اعرفة موديل الجولف 3 موديل واحد بمعنى الجولف 3 دى فى منها انواع تحت اسم الجولف 3 ولو فى موديلات افرق بنهم ازاى يا جماعة شكرا ليكم وان شاء الله تفيدوانى ومعلش تستحملونى مع اتعبار انى مبتداء فى السيارات |
#2
|
||||
|
||||
رد: الافادة بالله عليكم فى الجولف 3
اولا مرحبا بيك في المنتدى
ثانيا اسعار المنطقه الحره في الجولف 3 بيبقى من 20 ل 30 الف ثالثا اكبر متور عندكم بيبقى 1500 و 1400 دي بيتحكم في قوة المتور و استهلاك البنزين و ضريبه ترخيص عربيتك رابعا الجولف هتلاقي من غير كماليات و بكماليات زي اي عربيه في الدنيا خامسا اهم حاجه تكشف عليها شاسيه العربيه حاله المتور و العفشه سادسا عزم اي عربيه الماني شديد و تعرفه لما تيجي تطلع بالعربيه تلاقيها طلعت معاك من غير مناهده سابعا الجولف 3 موديل واحد عندكم في بورسعيد المنطقه الحره اما اسامي الجولف الحقيقيه بتغير حسب المتور الي راكب فيها و ده ابيزا يقولك عليها |
#3
|
|||
|
|||
رد: الافادة بالله عليكم فى الجولف 3
بص يا باشا
الجولف كلها عربيات بسم الله ما شاء الله في ركوبتها ممتعه بجد ده الالماني عامه اللي اعرفه ان الجولف 3موديل 1994 كانت عامله 55 الف جنيه وكانت فعلا 1400 سي سي بس طبعا مكنش في بورسعيد لكن في بور سعيد اعتقد ان العضو dr 3eeshoجاوب حضرتك وبالنسب للامكانيات في وفي يا باشا بس العربيه الفول اوبشنز للي هي ازاز كهربا وفتح سقف وتكييف بس للاسف مش في منها باور علي ما اعتقد وبالنسبه للكشف عليها فلازم طبعا يا باشا تاخد ميكانيكي وسمكري معاك واهم حاجه الشاسيهات والشنب والعربيه طبعا لازم تخلي ميكانيكي يجربها وانت معاه ده لو انت مبتعرفش تسوق وخليه يقرص علي الغيارات كده اخر سؤال معرفش يا باشا والله اتمني اكون جاوبت اسألتك واهلا معانا في مصر موتورز |
|
|