هل استخدمت الكوسة علشان تطلع رخصة.؟

[samirsaid1]

انا اول مافكرت انى اطلع رخصة كانت كوسة وبعدين طلعتها مش بالكوسة

دفعت لواحد عشان يطلعها لانى كنت اشتريت اعربية فعلا ومش عارف امشى بيها

ونجحنى بالاشارات وجاء موعد السواقة قالى هاتمتحن شكليا كدة وهانجحك المهم امتحنت وسقط فسالتة لية قالة الظابط لقى كل المتقدمين وسايط ومش هاينفع ينجح كلة قالى تعالى السبوع القادم نفس المشكلة وسقط وكل ماكلمة يبقى فى مستشفى ولا عند الدكتور ولا أجازة المهم سألت علية مرة لقيتة توفى رد عليا إبنة قاللى انا تحت امرك وشوف اللى والدى اتفق معاك علية هاعملهولك لقيتة شاب بتاع 17 سنة قاللى انا باخد 1000 جنية . وانا متفق مع ابوه على 600 ودفعتهمله المهم اقتنع بعد ماكان بيصيع عشان يزود قاللى روح لفلان وقوله عاوز امتحن تانى كان فاضل 10 ايام على استكمال الثلاث شهور

روحت بعد كدة وكنا فى شهر رمضان قلت انا هاروح لوحدى والباقى على الله
أول مالظابط شاف الاورنيك قالى انت امتحنت مرتين ولو سقط المرة دى هاتتاجل سنة ؟؟؟؟

فلتلة انا فعلا بعرف اسوق لق كويس بس اللخبطة طبيعى لانى فى امتحان المهم قاللى خش وركز

والحمد لله ربنا كرمنى وعملتها مش عارف بقى عشان صعبت علية ولا اية بس الحمد لله بعرف اسوق كويس

والحمد لله تانى لانى قعدت 8 شهور العربية معايا ومش عارف امشى بيها

[ben attia]

في الاول انا حاولت اطلعها بالكوسة بس اتنصب عليا و مرة تاني الناس عرفوني علي مقدم شرطة يساعدني و ياخد هدية (رشا) و فشل و كان شكلو زبالة من الكسوف لان الظابط بتاع المرور كسفو.
و كنت بسوق كويس من 8 سنوات بدون رخصة و لكن الكل بيقول لو مافيش كوسة مش هتطلع
فقررت امتحن و امتحنت و نجحت و الفضل للاه فقط

[طارق ابوذيد]

الحمد لله طلعت الرخصه من اول اختبار بدون اى وسطه وكان هذا فضل من الله .

[lost2008]

انا طلعتها تبع مدرسة السواقة الى كنت بتعلم فيها " 4 ايام تعليم" سنة 98, خدو 150 جنية لزوم كوسة الرخصة, خادونا على المرور و طلبلنا شاى و بعد 10 دقايق خرجنا بالرخص !

[mf]

احسن حاجه اني مش معايا رخصه اساسا