ماهى مشكله أن يكون الزيت أعلى من علامه MAX ؟؟

[طارق المحلاوى]

كل ماأغير زيت الموتور فى التوكيل أو فى محطة خارجيه لازم يحطوا خمسه لتر زيت مع تغيير الفلتر...المشكله انى لما بشوف مقياس الزيت (طبعا وهى بارده) ألاقى الزيت أعلى من علامه max ..ولما أسال يقولوا مش مشكله ..طيب بيحطوا علامات ليه لما هوه مش مشكله؟؟ الحكايه دى مضايقانى وقلقانى ..فياريت لو حد من الزملاء الأفاضل عنده فكرة عن الموضع ده وبالتفصيل ..يتفضل بالمشاركة ونقل التجربه لينا ..وشكرا مقدما
نسيت أقول ان عربيتى اسبيرانزا 516 موديل

[cmatcho]

الموضوع ده اختفلت فيه الاراء ومحدش عارف الصح من الغلط فيه
لكن انا شخصيا ميال لاءنه 4/5 بالفلتر
ال 5 لتر دي بدعه مش عارف مين اللي طلعها

[mohtaia]

الكتالوج الأنجليزى الى ممكن تحمله من على موقع شيرى الرسمى للسياره بيقول ( 4 لتر بالفلتر )

فى الصفحة رقم 112

Engine Oil with Filter (all engines) = 4.0 L

ايضا بالنسبة لسؤالك نفس الكتالوج الرسمى بيقول فى صفحة 104 فى وسط مربع للأهميه
بخصوص مقاس الزيت :

CAUTION!
Do not overfill the engine oil. Overfilling will cause oil aeration, which can
lead to a loss of oil pressure and an
increase in oil temperature. This could
damage your engine. Also, be sure the
oil fill cap is replaced and tightened
after adding oil.

وده تحذير صريح بيقول ما تحطش زيت اكثر من الازم ( اعلى من علامة ال MAX )
لأن ده ممكن يؤدى الى فقدان لضغط الزيت ومن ثم تدمير الموتور

لتحميل الكتالوج من موقع الشركة
http://cheryinternational.com.s11770...com/en/manuals

اختار A5 manual

تحياتى

[احمد على 1999]

فعلا الزيت الزيادة يؤدى لتقليب الزيت جامد و تكون فقافيع هواء " كلمة aeration " و بالتالى فقدان الضغط

[طارق المحلاوى]

الكتالوج الأنجليزى الى ممكن تحمله من على موقع شيرى الرسمى للسياره بيقول ( 4 لتر بالفلتر ) فى الصفحة رقم 112 Engine Oil with Filter (all engines) = 4.0 L

اخى العزيز اشكرك شكرا جزيلا على المعلومه الرائعة الموثقة.. ومنهم لله بتوع التوكيل وصنايعية محطات البنزين.....