مساعده فى عطل السنتر

[Memo-Kh]

السلام عليكم
لى إستفسار بخصوص سنتر الفيرنا الجميلة العربية مو 2009 كاملة ومؤخرا لما بقفل العربية بالريموت ممكن فى بعض الأحيان واحد من البابين اللى قدام ميقفلش يكون اللوك مغلق ولما احاول افتح الباب يفتح وطبعا الإنذار يشتغل وبأطر انى لما افقل اشيك على البابين دول فهل اى حد من الأخوة الأعضاء الكرام واجهتة مشكلة من النوع دة واية الحل لأنى بصراحة مش عاوز اروح لحد يشتغلنى ويخلينى اغير لحاجة ممكن تكون اسوأ من اللى هتتشال من العربية
اسف على الإطالة وشكرا

[mohamed200]

بص يا عم ميمو انت لو جربت تقفل المسوجر بايدك هتلاقيه تقيل شوية معاك فساعات السنتر مبيقدرش يقفله هتحتاج تفك الفرش وتحط حتة شحم على ماسورة الماسوجر بحيث يبقى سهل فتحه وقفله وهيشتغل معاك تمام ان شاء الله

[khaabas]

غسلت العربية قريب من جوه ؟؟؟

[lawyer9]

السلام عليكم ورحمة الله وبركاته
أخى العزيز العطل دا حاجه من أتنين أما صباع السنتر محتاج تغيير ودا متهيألى صعب يكون استهلك بالسرعه دى
أو أنتا لو فتحت الباب هتلاقى اسلاك حديد صلب موصله للحركه بين الاكرة وصباع السنتر والاكرة مربوطه بأربع مسامبر هتلاقى ميامير من الاربعه محتاجه ربط .. أربطها وقرط الربط على قد ما تقدر مع ملاحظة ان المفك لازم يكون مناسب جدا لرأس المسمار عشان يساعدك فى التقريط بشده وكمان رأس المسمار متتاكلش وحط شحم بسيط على كل حاجه بتتحرك فى الباب من جوا مع الفتح والقفل بالريموت هتلاقى كل حاجه بقت تمام .. بعد وضع الشحم افتح واقفل بالريموت عدة مرات حتى يدخل الشحم فى المفاصل المشحمه بعدها اقفل تنجيد الباب وبكدا كل حاجه هتبقى تمام
فى انتظار النتيجه

[pop2107]

غير صباع السنتر ودة بيتباع بالواحد مش لازم تشترى ال4

وثمنة 15 ج ..واى كهربائى يركبهولك وريح دماغك