#1
|
|||
|
|||
العربية مابتدورش
سلام عليكم, وانا مروح امبارح جت العربية تحت البيت بطلت مرة واحدة, فـاستغربت و دورت تاني دارت لمدة ثانيتين و فصلت و بعدها مرضتش تدور خالص كان البنزين قليل جدا اللي هو مابين أول شرطة و فاضي, فقلت ممكن البنزين خلص, رحت زقتها ركنتها و تاني يوم الصبح جبت 5 لتر بنزين يقفوني أروح أمون و حطتهم مفيش فايدة, رحت منادي كام واحد و بعد اذنكم نزق, مفيش فايدة, قالوا لي شرقانة سيبها شوية, سبتها كذا ساعة و جربت مفيش خالص, النهاردة جبت ميكانيكي تعبان كده يقولنا بس فيها إيه رجحلنا إن الكهربا مش وصلة للبوجيهات و لو وصلة يبقى البوجيهات عايزة تتغير, جه الكهربائي تمام الكهربا, المشكلة في البوجيهات, غيرتهم مفيش فايدة, بص على كذا حاجة تانية قال لي طلمبة البنزين تمام بتوصل بنزين و المارش تمام, شوف ميكانيكي. إيه ممكن تكون المشكلة؟
العربية رينو كليو 2001 باختصار: العربية مابتدورش, غيرت بوجيهات مفيش فايدة, طلمبة البنزين بتجيب بنزين عادي, المارش تمام على كلام الكهربائي, جربنا نزق مفيش فايدة, إيه المشكلة؟ -آه و حاجة تانية, كان فيه بوجيه بيجي عليه زيت والراجل قال لي طلاما بيجي عليه زيت يبقى المكنة خفيفة, مع العلم إنها ماشية 70ألف كيلو- |
#2
|
||||
|
||||
رد: العربية مابتدورش
حساس كرنك
قبل ما تغيره أتأكد ان الفيشة راكبه كويس
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
التعديل الأخير تم بواسطة romeoalmansour ; 31-08-2013 الساعة 09:25 PM |
#3
|
||||
|
||||
رد: العربية مابتدورش
يعنى الميكانيكى شاف بعينه الكويلات بتطلع شرارة قوية و المضخة بتضخ بنزين كويس؟
و سير الكاتينة على كلامك سليم لانها دارت بعد ما بطلت
__________________
سبحانك لا علم لنا الا ما علمتنا |
#4
|
||||
|
||||
رد: العربية مابتدورش
انا حصل معايا نفس العيب ده بالظبط بس طلع السلك الكهربه اللى بيوصل لطرمبة البنزين مبيوصلش كهربه كافيه وظبط السلك ومفصلتش من يومها بس كان فى لانسر
__________________
|
#5
|
|||
|
|||
Re: العربية مابتدورش
أول ماكلمت الميكانيكي بتاعي قال لي حساس كرنك أو طلمبة البنزين بتجيب بنزين ورا بس مبتوصلش لقدام. بس لما جه و جربنا ندور أول ماسمع الصوت قال لي سير تقسيمة و مفيش كبس. كان معايا سر تقسيمة قديم مغيرينه بس شغال فحيجربه لو دارت يبقى خير و بركة لو مش كده يبقى احتمال إنه عوج أو كسر البساتم و حيحتاجوا يتخرطوا و حاجات تانية تتغير زي مثلا جوان وش سيلندر و كام حاجة تانية مش فاكرهم دلوقتي.
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فية حاجة غريبة فى العربية عن 128 اتحدث | momen_bondok | منتدى الصيانة العام | 6 | 22-11-2014 03:55 PM |