العودة   مصر موتورز مجتمع السيارات > السيارات الكورية والماليزية > شيفروليه الكورية CHEVROLET و دايو DAEWOO > ﻻنوس (دايو - شيفروليه)

ﻻنوس (دايو - شيفروليه) كانت و أصبحت chevy gold logo


مشاهدة نتائج الإستطلاع: من وجهة نظرك هل تستحق الشيفورليه لانوس تمنها
عربيه كويسه وتستاهل اكتر من تمنها 7 16.28%
عربيه وحشه وخساره فيها جنيه 23 53.49%
معرفش عنها حاجه 13 30.23%
المصوتون: 43. أنت لم تصوت في هذا الإستطلاع

إضافة رد
 
أدوات الموضوع
  #16  
قديم 05-01-2015, 09:10 PM
رجل_المستحيل رجل_المستحيل غير متواجد حالياً
 
تاريخ التسجيل: Jan 2015
المشاركات: 12
رجل_المستحيل will become famous soon enoughرجل_المستحيل will become famous soon enough
تجارب رد: نصيحه منى بلااااااااااااااااااااااا اااااااااش


المشاركة الأصلية كتبت بواسطة محمدصلاح القاضى مشاهدة المشاركة



طبعا اسم الموضوع مشوق
ودا هيخلينى اتكلم بصراحه وصدق كاملين دون خوف من احد او عمل حساب لاحد
لان اللى حصل كله حقيقه واذا كنت مش مصدقنى قسما بالله حصل
والحكايه تبدأ من هنا
انا كنت بحب الديوا لانوس جدااا وخصوصا لانوس (1) الكورى !!! لانى ركبتها بعد موديل العربيه ب 5 سنين وحسيت ساعتها انى راكب طياره عفشه صح موتور صح تقفيل صح قاعده مريحه جدااا وعزل جيد جدااا
وبعدين نزلت لانوس2 وكانت كويسه برضه وبعد كدا اشترى جنرال موتورز شركة دايو الام وغيرها لشيفورليه لانوس وهنا بقا تبدأ الانتكاسه الكبرى للسياره
وقسما بالله اللى هقوله دا حصل كله دون اى تحريف او تزويد من عندى فى الكلام
انا بسوق بقالى 6 سنين سواقه ممتازه جدااا (بس السواقه ملهاش كبير ) والحمد لله ركبت عربيات كتيير من اول 127 الى الاوبل فيكترا والكريسلر موديل 2011 والحمد عندى خبره واسعه بمميزات السيارات والفروق بينها
معلش خنقتكم شويه بس كان لازم اوضح
انا روحت النهارده ابارك لواحد صاحبى اشترى عربيه جديده وكانت المفاجأه انه اشترى شيفورليه لانوس الكامله (LS) سيبك من الكماليات والحورات الكدابه دى المهم باركت له على العربيه وقولته ربنا يديك خيرها ويكفيك شرها والمهم انه حلف عليا لازم اجرب العربيه وهو كان معاه دايو لانوس موديل 2008 عربيه كانت جميله جدااا وانا سوقتها اكتر من مره قبل كدا
المهم ركبت ودورت العربيه قالى افتح الكبوت اتفرج على الموتور اول مارفع الكبوت صوت الموتور اختلف على ودانى صوته عالى وخشن والتون بتاع الموتور مش موحد قلت عادى مش مشكله بلاش اقوله احسن يزعل ولا حاجه ركبت واديت الاول وطلعت وكأن اسطوانة الدبرياج متاكله لازم اوس بنزين زياده عشان تطلع المهم ان بيته على طريق سريع طلعت الخمس خطوات اللى قبل السريع على الاول وقولت واما امسك السريع ادى التانى واشوف السحب اديت التانى ويارتنى ما اديته خالص مفيش سحب خالص لازم اقرص على العربيه عشان تمشى المهم جبت 80 وداخل على ال 90 وحسيت انى راكب مراجيح العربيه مش ثابته خالص وخلال المده من اول ما مشيت على 40 لحد ال 100 لو ايدى حملت على طارة الدركسيون من ناحيه العربيه كلها تروح ورا ايدى مش حتى تنقل نفسها واحده واحده لا دى بتنقل مره واحده بصراحه اول مره اشوفها والدركسيون تقيل تحس انك راكب عربيه مش باور خالص والمناوره شبه معدومه تماما سيبك من دا كله تعالى بقا عند الفرامل وجرب تدوس فرامل مفيش فرامل خالص العربيه طبعا البويا من برا تعتبر من اجمل الاشياء بالسياره
المهم انه وانا طالع اجرب قالى هتغير الاسبرانزا اللى معاك من الصبح وهتجيب لانوس قولت له على البركه ياسيدى طبعا راجع ليه مزاجى اتعكر مش عارف اقوله ولا اخبى عنه لكن مقارنة بالاسبرانزا ال 1600 سى سى تعتبر الاسبرانزا برقبتها تماما لانى شارى عربيتى زيرو وطبعا اكيد كلكم عارفينها
بسم الله ماشاء الله ناعمة نعومة الحرير السحب جبار والثبات ممتاز لانى مشيت مره بيها 180 والمناوره 10 على 10 والفرامل ABS وجميله جدااا
انا لم اقصد اوضح مميزات الاسبرانزا
لــــــــــــــــكن حبيت احذر الكل من شراء الشيفورليه لانوس لانها لا تستحق ال 69 الف جنيه تمنها خالص
واللى شايف غير كدا يقول
وعلى فكرا الكلام اللى فوق كله حصل قسما بالله مش كدب ولا تاليف ولا من وحى خيالى

أنا آسف لكن موضوع الاسبيرانزا ده فيه أرواح وأنا حبيت أخش بس عشان أخلي مسؤليتي قدا مربنا يوم الحساب:

(الاسبيرانزا تؤدي الى الوفاة - بعد الشر على كل السامعين والمالكين لها)

1- الاسبيرانزا فيها عيوب تصميم (يعني في أي نسخة منها وفي الزيرو, مش في عربية واحدة بس) في الفرامل ونظام التوجيه الأمامي, وذلك بتقرير رسمي موثق بختم النسر من علماء ودكاترة في كليات الهندسة المصرية .. ودي عيوب ممكن تؤدي الى الوفاة لا قدر الله

2- الاسبيرانزا محظورة دوليا خارج مصر, ماعدا مصر وبعض الدول الفقيرة والنامية وذلك لعيوب الأمان الخطيرة جدا فيها .. يعني محرمة دوليا

3- أنا جربت سواقة اسبيرانزا مش بتاعتي على سرعة 60 بس لقيتها عايمة خالص بالنسبة لباقي العربيات اللي سوقتها, ومفيش اتزان نهائي !!!!

4- حصل موقف واحنا ماشيين بعربيتنا على طريق مصر اسكندرية الزراعي, كان فيه قدامنا عربية اسبيرانزا ماشية على 80 بس والطريق فاضي, وفجأة لقيت الاسبيرانزا لفت حوالين نفسيها بدون سبب !!! وراحت مرزوعة حتة رزعة في البلوكات اللي على جمب الطريق, والبطارية طارت والمقصات اكسرت, ووقفنا جرينا على الراجل بالطفاية بتاعتنا عشان نلحقه .. الناس اللي شافت كلها جالها ذهول كأن فيها عفريت أو اللهو الخفي أو الطرف التالت !!!!!

اللي يجيب عربية صيني في أي مكان في العالم , معلش يا جماعة يبقى غلطان .. هيا مش تلفزيون ولا غسالة عشان نجيبه صيني, دي أرواح بني آدمين .. أنا آسف يا جدعان محدش يزعل مني .. بس أنا بخلص ضميري يوم الحساب
رد مع اقتباس
  #17  
قديم 10-01-2015, 01:45 AM
الصورة الرمزية foolh_old_man2010
foolh_old_man2010 foolh_old_man2010 غير متواجد حالياً
 
تاريخ التسجيل: Apr 2010
المشاركات: 445
foolh_old_man2010 has much to be proud offoolh_old_man2010 has much to be proud offoolh_old_man2010 has much to be proud offoolh_old_man2010 has much to be proud offoolh_old_man2010 has much to be proud offoolh_old_man2010 has much to be proud offoolh_old_man2010 has much to be proud offoolh_old_man2010 has much to be proud of
افتراضي رد: نصيحه منى بلااااااااااااااااااااااا اااااااااش

دى مثل 128 فيات وهى ارخص سياره فى السوق والعفشه بتاعته زى الزفت ودائما كركبه من عند الميزان فى الصدر وعليته من الخلف
رد مع اقتباس
إضافة رد

الكلمات الدليلية
شيفورليه لانوس جديده, عيوب شيفورليه لانوس, لانوس

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 07:06 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017