الرجاء المساعده فى تغيير مساعدين للأوبترا

[btob_3]

ياجماعه انا عندى المساعدين جابت زيت و عايز اغيرهم اجيب ايه ؟
روحت للعفشجى قالى هات الكورى العادى او تجيب الاصلى و انا بصراحه مش عايز اجيب الاصلى اللى هو ال GM فى ناس بتشكر فى المساعدين المنرو بس العفشجى قالى ناشفه و مش هتبقى كويسه مع الاوبترا ياريت حد يفيدنى و لو امكن بالاسعار و انا مش عايز حاجه غاليه انا اعرف ان الكورى الاربعه فى حدود 900 جنيه و المنرو ب 1200 و الاصل الجى ام ب 1500 ارجو الافاده
وشكرا

[Orok Egypt]

بعد السلام عليكم ورحمة الله وبركاته
انا عندي ليك حاجه كويسه ونوع مساعد كويس وانضف من الكوري الماندو
المساعدين دي اسمها اوروك موجوده في علبه زرقاء وثمنها من الشركة 360 للامامي 360 للخلفي
شركة جديده وبتحاول تعمل اسم في السوق المنتج حلو واغلب الميكانيكه تعرفة ولو اللي انت هتركب عنده مايعرفوش اشتري المساعدين من اي مكان وضمانها عندي انا وانا ممكن ارجعهالك واستردلك فلوسك في الحال من اي مكان تشتري منه ومش بقولك كده علشان حاجه انا عارف المساعدين وبشتغل فيها وبطمنك هتحطها في عربيتك وترتاح منها

[ahany]

فى مساعدين يابانى اسمهم KYB ممتازين وعن تجربة

[awad4]

السلام عليكم يا اخى الفاضل

انا غيرت الاربع
مساعدين
KYB
الى من شهر اكتوبر 2012 و كمان الاربع يايات و تقيمى لاداء المساعد اقل بكثير من الاصلى و الثبات بيقل بالاضافة ان السيارة لما بتركب فيها اربعة لازم تحك

فى الصباح عندما يكون الجو بارد تحس ان المساعد رياضى و لكن مع الحركة بيسخن المساعد تحسن ان العفشة ناعمة و لكن على حساب الثبات و هذا لن تصميم مساعد كى واى بى هو مزدوج الاسطوانة

هذا بلاضافة ان المساعد كى واى بى تايلاندى التصنيع لذلك انصحك بالاصلى لا بديل احادى الاسطوانة و احساس رياضى و ثبات افضل و لا تحك فى المطبات
هذا انطباع شخصى و انا غير متخصص و لكن حبيت انقل الصورة كاملة
و بالتوفيق

[btob_3]

المشاركة الأصلية كتبت بواسطة Orok Egypt بعد السلام عليكم ورحمة الله وبركاته انا عندي ليك حاجه كويسه ونوع مساعد كويس وانضف من الكوري الماندو المساعدين دي اسمها اوروك موجوده في علبه زرقاء وثمنها من الشركة 360 للامامي 360 للخلفي شركة جديده وبتحاول تعمل اسم في السوق المنتج حلو واغلب الميكانيكه تعرفة ولو اللي انت هتركب عنده مايعرفوش اشتري المساعدين من اي مكان وضمانها عندي انا وانا ممكن ارجعهالك واستردلك فلوسك في الحال من اي مكان تشتري منه ومش بقولك كده علشان حاجه انا عارف المساعدين وبشتغل فيها وبطمنك هتحطها في عربيتك وترتاح منها

الف شكر ليك ياباشا انا هسأل عليها العفشجى و انشاء الله خير