هام جدا مشكلة في الاكسنت الاوتوماتيك

[MmFFoR]

معانا لانسر 1300 اوتو مفيهاش الكلام ده و العربية بتمشي سلانسيه من غير بنزين او صوت عالي و حتى لو الطريق منزل - و الغيار بيلقط علطول
ممكن تخللي حد غيرك يجرب يسوق السيارة؟؟
في احتمال بسيط انك بتعملي حاجة غلط في القيادة

[د.هبه77]

المشاركة الأصلية كتبت بواسطة mmffor معانا لانسر 1300 اوتو مفيهاش الكلام ده و العربية بتمشي سلانسيه من غير بنزين او صوت عالي و حتى لو الطريق منزل - و الغيار بيلقط علطول ممكن تخللي حد غيرك يجرب يسوق السيارة؟؟ في احتمال بسيط انك بتعملي حاجة غلط في القيادة

2 مهندسين ساقوها شخصيا واحد في قليوب والتاني في ابو رواش الاول وحصل معاهم نفس الشئ الاول قالي دة كدة عادي!!!! والتاني قالي هتروح مع التليين وبعدين ما انا العربية القديمة كانت اوتوماتيك برضة ومكانش بيحصل فيها كدة ومعانا اوبترا 2007 بسوقها برضة مفيهاش الكلام دة نهائي

[أحمد الشبكشى]

انا معايا RB اتوماتيك والكلام دة محصلش معايا خالص.ال D حتى لو فى مطلع ماشالله بتسحب قبل ما ازود لها بنزين ونفس الكلام R.

[Dr KeNaWy]

خللى العربية كدا بعيبها
واعملى محضر فى الشرطة الاول اثبات حالة
واول ما يتعمل لهم استدعاء من الشرطة فى الوقت دة تعمللى شكوة فى حماية المستهلك
الاول المحضر وثم حماية المستهلك
ولازم لازم العربية تبقى معاكى وبعيبها ما تصلحيش ولا توجعى دماغك
ولا تروحى لغبور خالص دول ولاد ...................
وحرامية ونصابين
وانا تحت الامر فى اى استفسار

[د.هبه77]

السلام عليكم ورحمة الله وبركاته
شكرا لكل من ساهم بالرد
والله يا جماعة بعد ما قريت في المنتدي
وخصوصا رد د.قناوي واللي حصل معاة ومواضيعة ف المنتدي كان الله في عونة
انا بفكر جديا في اني ارجع اصلح العربية القديمة واسوقها هيكون اهون شوية
انا اصلا جبت زيرو عشان مفكرش لا في ميكانيكي ولا ابقي قلقانة من ناحية العربية نهائي واي نصيحة لواحدة من زميلاتي لو هتشتري عربية اقولها بلااااااااش مستعمل
لكن بما ان الموضوع بسيط اوي كدة (صوت عالي=خناقة, اطلب مدير الضمان - اطلب مدير الصيانة- اطلب مدير الفرع-اعمل محضر شرطة- ابلغ حماية المستهلك- ابلغ المركز الرئيسي بكوريا "طالبين في موقعهم ع النت contact us (VIN numberوانا اصلا الكتيب اللي معاية خانة الرقم دي فاضية )
مش عارفة حاسة ان قلبي هيتخلع من مكانة و في الم في الناحية الشمال وبيسمع في ظهري وان مفيش هوا
يا رب بس ألحق احجز معاد!!!!

انا هستخير واخد معاد واروح , كلة بأمر الله
الله المستعان