العربية بتترعش

[didos]

السلام عليكم وكل رمضان وانتو صايمين
فيه مشكله قلقانى وبقالها مده معايا
لما بكسر الدركسيون على الاخر يمين او شمال وانا واقف بلاقى صوت رجرجة او رعشة جامد فى العربية
فيه واحد قاللى ممكن الشاسيه يكون مشروخ او العفشة مش متربطة رحت عند حداد عفشة بص عليها وربط وقاللى تمام وبرضه الصوت موجود مش عارف من ايه ولا مين بالضبط يبص عليه ارجو الافاده

[samehlila]

بسم الله
ياباشا ده مالوش غير ان عربيتك فيها باور ستيرينج و فيه مشكله في الطرمبة بتاعة زيت الباور او في الاسكتره بتاعة الدركسيون لانك لما بتكسر الدركسيون جامد الضغط بيبقي عالي جدا فبيرجرج العربية او ان زيت الباور ناقص ممكن يعمل كده او ان قواعد الموتور مش مظبوطه فلما بتكسر العجل بتحمل عليها جامد و بتبين اهتزاز الموتور بس السبب الاول اكتر و هوه المشلكه فاتأكد منه الاول
م - سامح ليله

[didos]

دى مش باور خااااالص دى فيات 125 بولندى وعلى مقصات مش سكاترة

[samehlila]

بسم الله
يبقي قواعد الموتور عندك مش سليمة او الاسكترة مش متربطه كويس بالشدادات بتاعتها او الكاوتش بتاعها متآكل اللي بيمسكها او كاوتش الصداد الموجود علشان يصد زراع الاسكترة لما توصل للآخر و هوه ده اللي بيخليك تحس بهزة الموتور لما تكسر علي الآخر
و اي خدمة
م - سامح ليله

[youssef_elgbaly]

المشاركة الأصلية كتبت بواسطة didos السلام عليكم وكل رمضان وانتو صايمين فيه مشكله قلقانى وبقالها مده معايا لما بكسر الدركسيون على الاخر يمين او شمال وانا واقف بلاقى صوت رجرجة او رعشة جامد فى العربية فيه واحد قاللى ممكن الشاسيه يكون مشروخ او العفشة مش متربطة رحت عند حداد عفشة بص عليها وربط وقاللى تمام وبرضه الصوت موجود مش عارف من ايه ولا مين بالضبط يبص عليه ارجو الافاده

بص انا هاقولك على حاجة وانا متاكد انها هى شيل كفرات العجلتين الاماميتينى وبص على العمود اللى مربوط بصاملولة فى شاسية السيارة اكيد فى باروممة ولما بتكسر شمال اوى او يمين اوى العمود والصامولة بيعدى من الشاسية اللى خلف كفرات العجلة شوفها وقولى ومستنى