فريق تويوتا للفورميولا واحد: الفوز أو الانسحاب

[ahmed_kamel]

آه طبعا جاي على هواك الموضوع ده ياباشمهندس فادي بس لو الباش مهندس محمد mtema99 يشم خبر الموضوع ده كان زمانه كاتب تاريخ اليابان منذ الحرب الأهليه الأولى في التاريخ ليوضح للمهندس فادي وكافة الأعضاء كيف أن اليابان وخصوصا تويوتا لها الفضل الأول في هذه الرياضه وكيف تدخل إمبراطور اليابان لإنقاذ شباب اليبان من هذه الرياضه وحول إنتباههم لصناعة سيارات الركوب بدلا من صرف الملايين في السباقات
أنا بهزر والله بس عشان عارف محمد موسوعة السيارات وخصوصا اليابانيه حيجبلكوا تاريخ الموضوع ده أول مايدخل يشوف الموضوع وسيثري الموضوع بمعلومات تاريخيه وحتشوفوا بس هوه يدخل بس

[فادى]

هو اجمل حاجة فى سباقات الفورمولا واحد انو العربية هى الأهم من السواق,
و ده اللى صرح بيه العديد من السائقين, و منهم فانجيو, اللى قال انو 80% العربية و 20% السواق,
السواقين كلهم بيبقوا فى مستوى واحد أو متقارب و كلهم محترفين كل شغلتهم هو عدم ارتكاب الأخطاء و استغلال السيارة كأفضل ما يكون,
و لو نفتكر انو مايكل شوماخر قعد موسم أو اتنين على ما اعتقد لا يفوز لأن سيارة فيرارى وقتها مكنتش كويسة,
و دايمون هيل كان بيكسب مع ويليامز و لما انتقل الى جوردان على ما اذكر بقى ضيف دائم على المراكز الأخيرة,
السباق ده حكر على فيرارى فى معظم المواسم, مع تواجد لكل من ماكلارين مرسيدس و رينو,
و السباق ده هو اللى صنع اسم فيرارى, و لهذا هى السيارة الرياضية الأغلى و الأشهر.

[hazem_khidr]

ايوه يا فادي معاك
بس ما تنساش ان مايكل شوماخر طلع بعربيه فيراري لما كانت دون المستوي
الي ترتيببات اعلي و خصوصا في اعوام 96 و 97
معاك ان العربيه عليها عامل كبير
بس سائق زي شوماخر كده برضه عنده موهبه فذه
يعني لا ننكر ان كل 10 سنين او اكتر يطلع علينا سائق موهوب بحق
زي ايرتون سينا و مايكل شوماخر كده
حتي الناس دي لو راحت لفريق تعبان زي تويوتا
(ههههه حلوه تعبان دي و الاحلي ان مافيش حد من عشاق الياباني حيدخل يتناقش فيها هههههه)
حتلاقيهم بيطلعوا في مراكز معقوله مش حيبقوا متذيلين القائمه زي دلوقتي

[ahmed_kamel]

فينك يا mtema99 تيجي تشوف البهدله إللي بتتدبهدلها تويوتا هنا من غير ماحد عارف يدافع عنها ptmnlo123per1116

[hazem_khidr]

صدقني يا احمد باشا
محدش حيعرف يدافع عنها
لان ببساطه الاسيوين و تويوتا تحديدا جات للاوربين
و فيراري و مجموعه فيات تحديدا في عقر دارهم
الفورمولا واحد فعلا هيا المقياس الحقيقي لتقدم الشركات
في التقنيات و المحركات و اساليب ادراه الفرق
حيث الجزء من الثانيه يصبح له قيمه !!!!
تحيه الي الفريق الاحمر التي لم تغيب شمسه
عن البطوله منذ اطلاقها و حتي الان مستمره بتفوق
انه الشغف و الاصرار علي الفوز الدافع للتقدم
حيث لا مجال للاخطاء