الى كل اللى بيقول فى مشاكل فى السيراتو يتفضل ...!!

[el_Doctor]

بسم الله الرحمن الرحيم

طبعا بهدى تحياتى كلها لكل القائمين على الموقع من مديرين واعضاء واجواء المناقشات الموجوده فى هذا المنتدى الجميل

بعد اذنكم بقى انا هتكلم شويه فى موضوع المشاكل اللى انا شوفتكوا بتتكلموا فيها على المنتدى عن الكيا السيراتو

اولا حوار االعفشه والجنط الـــ 17 اللى الناس بتتكلم عليه

دلوقتى يا جماعه الكلام على نشوفيه العفشه من المفترض ان العفشه الناشفه دى حاجه كويسه لو هنفترض ان عمرها الافتراضى 5 سنين لا دى تبقى 7 سنين - بالنسبه لحوار الجنط الــ 17 دلوقتى يا جماعه الشركه منزله الجنط فى العربيه بتلات مقاسات

15-16-17 الاختيارات قدامك وانت بتختار اللى انت عايزه
بالنسبه لى انا قولت خير الامور الوسط ومعايا الجنط 16 والحمد لله عربيه زى الفل ولا كلمه وسوقت الــ 17 حاجه ولا كلمه ثبات جامد اوى ماشيه هو شويه ترزيع بتسمعهم لما تبقى ماشى فى مطبات ولا حاجه بس ده العادى برضوه الجنط الــ 17 كبير اوى والعيب برضوه من الطرق عندنا فى مصر .

بالنسبه لموضوع العربيه اللى بتعوم وخفيفه

بصوا يا جماعه بصراحه اللى انا شايفه ان فى ناس مركبتش العربيه دى وبيتكلموا عليها من منطلق ان العربيه وحشه وخلاص واحد بيقنع نفسه ان العربيه خفيفه
اللى عايز اقوله ان العربيه دى واحد صاحبى جايب بيها 200 على طريق مصر اسكندريه الصحراوى والعربيه ولا اى كلام وجنط 16 كمان
العربيه زى الفل وشوفت برضوه عضو معانا هنا فى المنتدى مصور الامبير وهو جايب بيها 220 على طريق الساحل الشمالى
مش معقول يا جماعه يبقى الكلام على العربيه دى ان هى خفيفه .

موضوع الفرامل اللى بتخبط

دلوقتى للعلم بس هى كلمه واحده هقولها ياريت الجماعه يدخلوا على النت ويعملوا سيرش عن ايه هى فرامل الــ ABS بس ده اللى انا هقوله

انتشار العربيه ...
بالنسبه لموضوع انتشار العربيه اولا انا بكلم الناس العمليين انا دلوقتى واحد بحب ان العربيه اللى ابقى راكبها تبقى فخمه وحلوه وفى نفس الوقت قطع الغيار بتاعتها متوفره وفى ناس كتير وميكانيكيه فاهمين فيها وده اللى عملته كيا سيراتو فعلا العربيه انتشرت انتشار رهيب فى اى شارع تلاقى على الاقل منها اتنين تلاته :D بصراحه ده اللى انا شايفه ان الانتشار دى حاجه كويسه

اللانسر انتشرت وكان عليها كلام برضوه ونزل واتقال عليها العربيه معيوبه وكلام كتير اتقال عليها وبرضوه كان الكلام عن الوحش الكورى الهيونداى النترا واتقال ان العربيه دى باور كهربا وخطر وكلام كتير

الخلاصه فى الكلام يا جماعه صراحه مفيش عربيه هتنزل من بلدها مش مظبوطه العيب مبيبقاش فى العربيات وممكن مشكله تظهر فى عربيه واحده من خلال كلام الناس بقى ده عيب فى العربيه >..

فى انتظار ردودكم اخوانى وكل سنه وانتم طيبيبن

[Eng . Mano]

العربية فعلا ممتازة و جميلة جدا فى كل حاجة .
مع صاحبى السيراتو الهاى لاين الجنط ال 17 ، بصراحة ركبتها معاه 100 مرة و سوقتها كتيييييييير اوى ، و موضوع الثبات ده لا اساس له من الصحة ( قفلنا بيها العداد على طريق العلمين و كانت بسم الله ماشاء الله مكلبشة فى الارض ) .
فراملها تحفة و عفشتها رياضية ، و موضوع الترزيع ده مش عيب العربية ، لانها نازلة كده من المصنع و دى مواصفاتها ، و هى مصممة للطرق المستوية و المحترمة مش لطرق العصر الحجرى اللى عندنا دى .
عامة العربية فعلا محترمة و تستحق انتشارها و المكانة اللى احتلتها فى مصر

[اسماعيل نصار]

انا معايا سيارتو

عربية تستحق تنافس البى ام و المرصيدس

[mahmoud hany]

العربية دى فعلا جامدة جدا فى كل حاجة والناس اللى بتتكلم عليها دى بيقولوا من غير تجربة عشان الناس بتقول حلوة يقول حلوة .... الناس يقولوا وحشة يقول وحشة.....

[hamadajana]

جزاك الله كل خير بصراحة طمنتمي جدا لاني كنت قررت اصرف نظر بعد الاراء المتضاربة اللي قرأتها هنا في الموقع لكن كده انا اطمنت وان شاء الله هي هتيجي من الكويت