هية البرايد كلها كده ولا انا اللى عربيتى بتستهبل؟؟!!

[mostafa_wahid]

سؤال لكل اللى معاه برايد وخصوصا البرايد السيدان ... وانا راكب جوة العربية وماشى فى طريق مش حنقول مكسر بس مفيش طريق فيكى يا مصر بيكون متسفلت كويس الا طرق معدودة ,المهم وانا ماشى بحس انى سامع كل حاجة العربية بتمشى عليها وبحس بيها وانا سايق ... مع انى لسة مظبط العفشة (مقصات ومساعدين وكبالن) ومش باقيلى غير علبة الدركسيون بس ..... السؤال هنا هية البرايد كلها كده طول مانت ماشى بتسمع وتحس بكل حاجة فى الطريق ,ولا المشكلة فى عربيتى انا ؟

[AbOnOrA]

بص هى البرايد العزل بتاعها ضعيف جداً طبعاً مقارنة بعربيات اعلى لكن الموضوع نسبى وممكن يكون فيه اسباب كتير لاحساسك ده اولهم موضوع علبه الدريكسيون ده وكمان ممكن نوع الكاوتش اللى بتستخدمة ناشف كمان

[Vanditta]

المشاركة الأصلية كتبت بواسطة mostafa_wahid سؤال لكل اللى معاه برايد وخصوصا البرايد السيدان ... وانا راكب جوة العربية وماشى فى طريق مش حنقول مكسر بس مفيش طريق فيكى يا مصر بيكون متسفلت كويس الا طرق معدودة ,المهم وانا ماشى بحس انى سامع كل حاجة العربية بتمشى عليها وبحس بيها وانا سايق ... مع انى لسة مظبط العفشة (مقصات ومساعدين وكبالن) ومش باقيلى غير علبة الدركسيون بس ..... السؤال هنا هية البرايد كلها كده طول مانت ماشى بتسمع وتحس بكل حاجة فى الطريق ,ولا المشكلة فى عربيتى انا ؟

انا زيك كدة (عربيتى مش برايد)
وكشفت على العفشة عند اكتر من واحد وكلة يقولى مية مية هى بس علبة الدركسيون اللى حالتها (متوسطة)
فتقريبا اللى استنتجتة ان سبب انك تسمع الاصوات دى كلها بعيدا عن العفشة
1- علبة الدركسيون طبعا بتفرق جااامد (عفشة )
2-لو مركب جنوط
3-البيبان لو مريحة ومابتقفلش كويس
4-لو بتعمل زييى ورامى حاجاتك كلها فى الشنطة ودرج التابلوة (مفكات -على مفاتيح على شوية قطع غيار قديمة -على الكوريك والصليبة من غير الشنطة بتاعتهم ....الخ)
الحاجات دى تسمعك مزيكا وانت ماشى على طريق غير ممهد

دة طبعا بالاضافة لكلام AbOnOrA بخصوص الكاوتش والعزل

[mostafa_wahid]

المشاركة الأصلية كتبت بواسطة AbOnOrA بص هى البرايد العزل بتاعها ضعيف جداً طبعاً مقارنة بعربيات اعلى لكن الموضوع نسبى وممكن يكون فيه اسباب كتير لاحساسك ده اولهم موضوع علبه الدريكسيون ده وكمان ممكن نوع الكاوتش اللى بتستخدمة ناشف كمان

انا فعلا محتاج اغير الـ 4 فرد كاوتش ,ومعاك برضوا فى موضوع العزل
شكرا يابو نورا ومنتحرمش من رايك اللى دايما فى الجون

[mostafa_wahid]

المشاركة الأصلية كتبت بواسطة Vanditta انا زيك كدة (عربيتى مش برايد) وكشفت على العفشة عند اكتر من واحد وكلة يقولى مية مية هى بس علبة الدركسيون اللى حالتها (متوسطة) فتقريبا اللى استنتجتة ان سبب انك تسمع الاصوات دى كلها بعيدا عن العفشة 1- علبة الدركسيون طبعا بتفرق جااامد (عفشة ) 2-لو مركب جنوط 3-البيبان لو مريحة ومابتقفلش كويس 4-لو بتعمل زييى ورامى حاجاتك كلها فى الشنطة ودرج التابلوة (مفكات -على مفاتيح على شوية قطع غيار قديمة -على الكوريك والصليبة من غير الشنطة بتاعتهم ....الخ) الحاجات دى تسمعك مزيكا وانت ماشى على طريق غير ممهد دة طبعا بالاضافة لكلام AbOnOrA بخصوص الكاوتش والعزل

هوة انا مش مركب جنوط ... بس باقى الحاجات دى كلها عندى :D
هية العربية اخرها معايا كاوتش وعلبة دريكسيون وبعد كده لو عملت مزيكا حسب الله مش حسأل فيها :D