العودة   مصر موتورز مجتمع السيارات > السيارات الأوروبية > سكودا skoda

سكودا skoda اسكودا Škoda بداءت كشركة تشيكية منذ عام 1895 على يد شريكين لورينما وكليمنت وهى حاليا احدى شركات مجموعة فولكس الالمانية من اهم موديلات سكودا اوكتافيا فابيا رومستر


إضافة رد
 
أدوات الموضوع
  #1  
قديم 25-04-2015, 05:37 PM
NEW 2014 NEW 2014 غير متواجد حالياً
 
تاريخ التسجيل: Nov 2014
المشاركات: 34
NEW 2014 is on a distinguished road
افتراضي كوارث فى الفليشيا عايز اولع فيها,,,أرجو النصيحة

الأخوة الأفاضل بالقسم أنا خلاص عايز اولع فى العربية بجد

المشاكل تتابعها كالتالى :

1 _ العربية وأنا ماشى وقع سير الدينمو وطرمبة المية النتيجة طبعا معروفة درجة حرار 110 جوان وش سلندر ضرب,,,العربية بقيت عمالة تنتش طبعا حتى بعد ماركبتة والطحينة ظهرت فى الزيت والقربة والحل كان طبعا تغيير الجوان فك ياعم الميكانيكى اكتشف ان الوش كان مخروط قبل كدة كذا مرة وواخد معجون روحنا المخرطة واحد مارضيش وواحد تانى قال فى حل يزودة بانة يسيح علية ألمونيا وبعد كدة يخرطة وبالفعل أتعمل المطلوب وجبناة تمام ركبة الميكانيكى واعربية جبتلها 2 جوان وش سلندر أصلى 1.8 مم وخدت الجوانين مع بعض بعد كدة خدت العربية تمام وزى الفل والميكانيكى ظبط الكهرباء والتاكيهات على 15 والعربية بقيت خرافة قولت بقى اظبطها وأروق عليها واعملها دورة غسيل للتبريد المهم بتاع الريدياتير فك الخراطيم وحط خرطوم مية كدة وشغل مية عادية من غير دفع ولا حاجة وقالى هات جيركن مياة خضراء أسمة ماستر بــ 17 جنية وحطة وقفل العربية فى دقايق ومشيت روحت عشان اغير زيت كمان وغيرت زيت وفلتر وكلة زى الفل...الكارثة الاولى طلعت من البنزينة كام متر ولقيت الحرارة بتجرى روحت راكن فورا أنزل أبص لقيت قربة المية فاضية ومافيش مية ولا أى حاجة أستنيت العربية بردت وبالعافية وصلت للميكانيكى تانى لأن القربة ترست ومش راضية تفتح ازود,,,المهم الميكانيكى لقى الزيت طحن والسحب مافيش وكل حاجة ظهرت تانى المهم فتح يحرق على جوان وش السلندر لقى المية الخضارء ضاربة فى الموتور قالى بتاع الريدياتر ماداهاش هواء طيب ياعم الحل أية قالى نغير الجوان تانى


2_ تانى يوم روحنا نغير الجوان تانى وجبت 2 جوان أصلى جديد ورايح اغير ونمشى البية وهو بيفك أكتشف ان فى طابات فى الماتور مشروخة هى اللى ضربت مية فى الماتور طيب ياعم الحل اية قالى نخرط زيهم ماشى ياعم خرطنا جديد وركبهم وقولت عشان مش ناقصة لن وش السلندر مش مستحمل غلطة تانى هيضرب فخليها على الجوان عشان أبقى مطمن ان الحرارة مابوظتهوش وغيرنا الجوان وكلة تمام قالى ماتغيرش بقى زيت أستنى تعالى كمان كام يوم احرقلك على الوش ونظبط التاكيهات عشان مش متظبطة والعربية فعلا بقيت بطيئة جدا فى السحب خصوصا السرعات الأولى تنزل من المطب تحس نفسك زحلفة والعربيات بتطير من جنبك المهم قولت مش مشكلة المهم أن الطحين اختفى فعلا من الزيت دة عبقرى والمية فى القربة ما بتنقص خالص وكلة تمام كدة,,,روحتلة بعد كام يوم يحرق على الوش ويظبط تاكيهات المهم البية وهو بيحرق على الوشط شرخ البلوك وماخدش بالة وبعد ما ظبط كل حاجة والتاكيهات وكل حاجة وجربنا العربية بقيت تمام قوى وانا ماشى قالى أستنى لقينا مياة تحت العربية جت منين بنبص لقينا شرخ جنب بصمة الماتور جايبة حنفية مية,,,أية دة ياعم الحاج يقولى معرفش مش منى مسكت فية والخلاصة صاحب الورشة قال نفك الماتور كلة عشان مش هينفع يلحم الشرخ عشان البصمة هتروح والعربية داخلة فحص ولما نفكة ممكن نغير فارغة وخلاص لما فكينا لقينا الفارغة مش هتنفع راح الميكانيكى أخترع نلحم المنطقة من جوة عشان البصمة وفعلا أتفور الماتور كلة وراحت المخرطة لحم من جوة الأمونيوم وحط كمان فوق اللحام أمبوبتين حديد وجنب البصمة حط كمان حاجة بسيطة بس بعيد عن الأرقام,,,المهم جبنا جوانات للمرة الثالثة أصلية وزيت جديد وكلة وكانت المفاجأة ودى الكارثة الثانية وهى أن الماتور طلع كان ملحوم قبل كدة أصلأ ألومنيوم من حتة مش باينة تحت كدة وكمان أسطوانة الدبرياج قالى دى معمولة عمولة مش بتاعتها ولأنى طبعا قرفان قولتلة قفلها مش هجيب حاجة وبعد كدة خلص الشغل وقفل كل حاجة,,,طبعا وهو شغال مش طايق نفسة ولقيتة بيحط فى الكربراتير بنزين وهو بيقفل مش إسبراى والعربية سامع فيها صوت سكسكة كدة قولتلة دة أية قالى دة الزيت لسة ماسخنش وهيروح لوحدة وفعلا راح بعد شوية بس بردة سامع أصوات فى المكنة ومش ناعمة زى الاول قولتلة انت ظبط تاكيهات قالى أة بس خليتها على 20 عشان 15 هتبقى محملة قولتلة ما انت عملتها 3 مرات 15 قالى عشان السحب يبقى كويس والبنزين أستهلاكة يبقى أأقل قولتلة طيب الصوت دة من أية قالى هيروح لوحدة عشان غسلت ببنزين,,,المهم لاحظت الشوكمان بيجيب مية لونها أسود تنقيط وكمان دخنة سوداء وساعات بيضاء قولتلة دة أية قالى دة تعريق الماتور ما شاء الله كويس بيعرق قولتلة طيب والدخنة قالى دة عشان الجوانات بتحمص ,,,المهم خدت العربية وحسيت أن العربية عمالة تنتش جامد ومثلا لو هديت وجيت تغذى بنزين تحس العربية بتخبط وتقعد تنتش ولو هديت قوى عشان مطب او أى حاجة العربية تبطل,,,المهم فجأة وأنا فى طريقى لقيت المؤشر اتحرك بتاع الحرارة والمروحة ما أشتغلتش روحت واقف العربية وصلت 90 والمروحة واقفة بردة مع إنها بتشتغل عندى على 70 عشان متركب ثيرموستات فيات ولما سألتة وإحنا فى الورشة قالى الثرموستات علية زيت عشان كدة بتعلق,,,المهم بعد كدة لقيت المروحة شغالة روحت مدور ومشيت لحد البيت عمالة ترجرج وتخبط وصوت التاكيهات وشخللة فى المكنة وقرف روحت راميها تحت البيت,,,بعدها بيومين جيت نازل لقيت المية قلت بس حاجة بسيطة قولت أشوف الزيت حسيت نزل بس فرق بسيط قوى يعنى بقى فى 2/3 المنطقة بين العلامتين يعنى,,,جيت بدور العربية بقيت عمالة تبطل ولازم أفضل مغذى بنزين عشان تفضل دايرة ولو
رفعت رجلى من الدواسة بتاعت البنزين تبطل مع انى سامع صوت المارش لكن الماتور مش بيلقط روحت مقفلها وسايبها وخدت قرار البييييييييييييييييييع

أسف جدا للإطالة بس حبيت أحكى كل حاجة لوحوش المنتدى عشان حد يقولى أعمل أية خصوصا أن ماليش نفس أبص حتى عليها ولا ألمس مفتاحها وكفاية مصاريف لحد كدة و15 يوم مرمطة مع الصنايعية وفكرة الإستيراد وتسقيط ماتور بردة هتبقى انت وحظك وهيبقى نفس المشكلة وهى يجى ميكانيكى يغلط غلطة بسيطة فى الماتور الجديد ( دة على إفتراض أن الإستيراد طلع كويس مش فية نصيبة ومش باين ) هلبس الماتور الجديد كمان وهبقى عمال أرمى فلوس فى الأرض والعربية مش هتجيب حتى ثمنها الأولى

ياترى الوضع كدة أية والنظام أية عشان الواحد ندم ندم حياتة أنة فكر فى المستعمل؟؟؟
رد مع اقتباس
  #2  
قديم 25-04-2015, 11:39 PM
الصورة الرمزية ahmed_eng2001
ahmed_eng2001 ahmed_eng2001 غير متواجد حالياً
 
تاريخ التسجيل: Jun 2008
المشاركات: 2,509
ahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond repute
افتراضي رد: كوارث فى الفليشيا عايز اولع فيها,,,أرجو النصيحة

الله يكون فى عونك .. اذا كنت مش حتبيع ...لازم حضرتك تجيب موتور استيراد ... و تغير الميكانيكى الى بتتعامل معاه
__________________

رد مع اقتباس
  #3  
قديم 26-04-2015, 12:29 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: كوارث فى الفليشيا عايز اولع فيها,,,أرجو النصيحة

والله بجد قلبى عندك خاصة انى عايش الهم اللى انت بتحكية فيه ده دلوقتى مع عربيتى يمكن انت بقالك اسابيع انا بقالى فيه شهور دلوقتى من العيد الكبير اللى فات يعنى داخل فى سنة اهوه
فمن كل قلبى بقولك ربنا يعينك وتطلع من الغمة ديه على خير ومتدايقش نفسك قضاء اخف من قضاء وربنا يجعله فى ميزان حسناتك

نيجى بقى للمشكلة بص يا سيدى المشاكل فى الدنيا كلها نوعين ملهمش تالت
مشكلة عادية وليها حل
ومشكلة مركبة وبرضو ان شاء الله ليها حلول
انت مشكلتك مركبة يعنى مش حاجة بايظة وتتغير وخلاص لاء ده كذا حاجة لازم تتحل مع بعض علشان ميبقاش للمشكلة ديول تانى

مشكلة جوان وش السلندر من النوع التانى مشكلة مركبة علشان كدة بنصح اى حد يخش فى جوان ميستلمش العربية من الميكانيكى الا بعد ما تدور عندة ساعات وايام كمان لو امكن علشان نلاحظ اداء المكنة ولو فيه اى حاجة لسه مش مظبوطة يظبط شغلة بدل ما نعيد تانى

عادة فى المشكلة ديه بيبقى فيه سبب اصيل للسخونية والميكانيكية بتعمل الجوان وتقفش الفلوس وتسلم من غير ما تعرف ايه سبب نقصان المية من الاول
كمان وصول المكنة للسخونية الجامدة ده بيعمل مشاكل تانية زى شروخ البلوك فلازم بعد ما يخلص يتاكد ان مفيش اثار تانية للمشكلة

لكن قدر الله وماشاء فعل والحال دلوقتى ان المكنة فتحت بقها على البحرى كمان وفى الحالة ديه الافضل تتغير المكنة وتتظبط كل حاجة صح وبتأنى ده لو عندك خلق لكدة وناوى تأنى العربية
قفلت منها يبقى بيع واحسبها فى الحالتين سواء بعت على الحالة ديه خسارتك ايه
وسواء هتقف عليها لحد ما تظبطها هتكلفك ايه فلوس ووقت ومشاوير
الحسبة حسبتك والقرار قرارك

وفى حالة انك قررت تكمل معاها فانت لازم محتاج ميكانيكى استاااااااااذ ورايق وعندة ضميييييييييييير
سواء هيروح يشترى معاك مكنة تانية ويجربها ولو فيها حاجة يحل ويروح يغير وتجيب غيرها وتركب وهكذا يعنى هتعيشو مع بعض فترة طويلة شوية

فكر واستخير وخد قرار واحنا معاك
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #4  
قديم 26-04-2015, 03:07 AM
NEW 2014 NEW 2014 غير متواجد حالياً
 
تاريخ التسجيل: Nov 2014
المشاركات: 34
NEW 2014 is on a distinguished road
افتراضي رد: كوارث فى الفليشيا عايز اولع فيها,,,أرجو النصيحة

أولا شكرا ليكم على إهتمامكم وإنكم حاسين بالواحد مع ان بالعكس العربية جايبها 32500 جنية وماسترخصتش ولا حاجة وأتفحصت كويس الفكرة ان المالك السابق كان مدارى الأخطاء بطريقة رهيبة مستحيل تكتشفها غير لو أتفك الماتور من العربية ودة طبعا عمرة ما كان هيحصل,,,المشكلة دلوقتى الواحد خايف يدخل دوامة الماتور الإستيراد ويندم بعد كدة تانى خصوصا أن الغطلة المرة دى هتبقى بكارثة يعنى عشان أسقط ماتور وأركبة هيدخلة فى 5000 جنية لو لاقدر الله طلع فية حاجة بعد فترة هتبقى الخسائر عمالة تزيد ونرجع لنقطة الصفر تانى وبردة العربية عيبها المعروف بتاع السخونة ممكن فى أى لحظة حتى لو الماتور الإستيراد كويس وعليت الحرارة لأى سبب زى ما حصل من مجرد سير وقع الاقى نفسى مدمر الماتور وكأنى ماعملتش أى حاجة
رد مع اقتباس
  #5  
قديم 26-04-2015, 08:55 AM
الصورة الرمزية mr_astra
mr_astra mr_astra غير متواجد حالياً

 
تاريخ التسجيل: Oct 2010
المشاركات: 6,818
mr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond repute
افتراضي رد: كوارث فى الفليشيا عايز اولع فيها,,,أرجو النصيحة

الحل من وجهه نظرى
اعلان بسيط على مواقع البيع
عربية موديل كذا كذا محتاجة شورت بلوك وتتباع على كدة
انما خلاص طالما نفسك شالت من العربية يبقى كدة شكرا
تتباع ويجى غيرها واستعوض ربنا فى المصاريف اللى راحت على الارض دى
__________________

يااااااااااااا رب

إرحمنا بقدرتك علينا

رد مع اقتباس
إضافة رد

الكلمات الدليلية
مشاكل

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 05:37 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017