|
الصينى العام الصين هى احدث صانعى السيارات فى العالم حيث بدأت فعلياً فى عام 1998 الا ان تعداد الصين والنمو الاقتصادى السريع جعل من الصين واحدة من اكبر الاسواق العالمية مما جعل الشركات العالمية تتهافت على تصنيع سياراتها فى الصين بينما تسعى الصين لغزو العالم بمنتجاتها المحلية اهم الشركات : هايما - ليفان - فاو - جاك - شانا بينى - شيرى و اسبيرانزا - جيلى - ايديا Zotye - FOTON - CHERY - Brilliance - Great Wall - Geely - FAW - Lifan - BYD - SPERANZA |
|
أدوات الموضوع |
#26
|
||||
|
||||
رد: الصينى التقليد <<<<<
حضرتك متأكد من الكلام ده
__________________
ولا نقول إلا ما يرضي ربنا إنا لله و إنا إليه راجعون
|
#27
|
|||
|
|||
رد: الصينى التقليد <<<<<
ياعم انت راجل غني ربنا يزيدك انا لو مليونير برضه مش حشتري صيني ولا اركب عربيه صيني رغم ان كله محصل بعضه وبيؤدي الغرض نفسه وبعدين المرسيدس عندك ب5000 دول مايجبوش نص توك توك عندنا فمصر...................:c optic_Egypt:
|
#28
|
||||
|
||||
رد: الصينى التقليد <<<<<
عارف يا أستاذ : أشرف أنت لسه متعرفش حاجه عن الصين الصين ......تقدر تقول بلد عارفه من أين تؤكل الكتف يعنى أيه برضه ............؟ الصين مش بس منتشره عالميا زى الأخطبوط أبدأ دى بتشوف بلد زى مصر إيه اللى يمشى معاها من سلع وتروح مصنعالها سلع على أد ظروفها وفى نفس الوقت بتشوف بلد زى اليابان أيه اللى يمشى معاها وبرضه تروح تصنع ليها سلع تبعا لظروفها _______________ يعنى بلد مخلصه وبتاعة كله شغاله أنتاج للبلدان الغنيه ( زى اليابان ) وللبلدان التعبانه ( زينا كده فى مصر ) نطلع من كده بأيه اللى أنت بتشوفه فى مصر عن الصين من بعض السلع التعبانه مش سببه الصين لأ أحنا السبب فيه علشان أقتصادنا تعبان __________________ بمعنى آخر علشان الحبايب لو أنت معاك 1000 ج ممكن تروح تشترى كل مالذ وطاب لأولادك من لحوم وفواكه أما لو ظروفك تعبانه يادوب ممكن تروح جنب الجزار وتتصور جنب اللحمه ( علشان أقتصادك تعبان ) حاول تفكر فى الكلام ده هتعرف أزاى الصين بلد أستطاع أن يخترق كل الأفاق وأحنا لسه بنقول تاته تاته ومتبصش للعربيات فقط لأ بص على كل الأتجاهات
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
#29
|
||||
|
||||
رد: الصينى التقليد <<<<<
كنت منتظر اجابة حضرتك علشان ارد بس على ما يبدو انك مش فاضي او مش عاوز ترد على العموم استكمالا لتوابع سؤالي الكمبيوتر الي حضرتك داخل منه على المنتدي هنا نسبة كبيرة من تكويناته صيني ( ان لم يكن كلها ) والكمبيوتر يعني كل حاجة من اول البروسيسرو لغايه الماوس او السماعات ولاعة البوتاجاز اللي بتستعملها لما النور يقطع والاشعال مش شغال صيني الكبريت يا اما صيني يا اما هندي يا اما باكستاني ( مع العلم ان شركة النيل للكبريت بتنتج نوع افضل منهم جميعا لكن نقول ايه بقى التجار عاوزة المكسب الاكتر ) لو حضرتك عندك اطفال القلم الرصاص اللي بتجيبه ليهم صيني ولو بتجيب اقلام سنون بص على الماركة هتلاقيها صيني او هندي او تايواني لكن في الاغلب صيني ( الا بقى لو فلوسك كتيرة هتروح تجيب علبة روترينك كل اسبوع ب 8 جنية ) لو عن حضرتك طفل رضيع والمدام حبت تجيبله السهاية الي بيحطها في بقه من الصيدليه فيه انواع كتيييييييييييييير نصها صيني بص في جهاز المدام كده والحاجة بتاعتها هتلاقي فيه اكواب واطباق صيني خصوصا الاستانليس ( ده لو حضرتك متجوز من حوالي 10 سنسن قبل مصانع الاستانليس المصرية ما تنتشر هنا ) التليفزيون اللي حضرتك بتتفرج عليه لو قلتلي انه مصري ايا كان نوعه هتلاقي البوردة اللي بيتجمع عليها كل التلفزيون ( يعني اساس الجهاز نفسه ) يا اما صيني يا اما ماليزي وكذلك الرسيفر والكاسيت المروحة لو مروحة بوكس او ستاند فيها لوحة تحكم قطعة بلاستيك صغيرة وفيها نقطة سوداء راكب عليها المفاتيح ( القطعة دي غالبا صيني ) التلاجة بتاعت حضرتك لما تفتحها فيها لمبة بتنور اللمبة دي صيني والزرار بتاعها كمان غالبا صيني كفاية كده والا فيك دماغ نقعد نعدد تاني للمنتجات الصيني في بيوتنا اما بقى عن مقولة حضرتك بان اي حاجة صيني تبقى زبالة فدي اعذرني الاساس اللي حضرتك حكمت عليه اساس خاطيء ليه بقى لان حضرتك حكمت بناء على اللي حضرتك شوفته بينزلك هنا في مصر وده مش عيب الصينيين ده عيب المستورد اللي استخف بعقليتك وادميتك وراح جابلك منتج اقل جودة لانه شايف انك كمصري متستهالش انه يستوردلك حاجة نضيفة بدليل ان الصين بتصدر منتجات كتيييييييييير قوي للولايات المتحدة الامريكية ولاوربا وانت عارف ولكنا عارفين ايه هيا شروط الدول دي علشان بضائع دوله اخرى تدخل بلادها ولو عاوز امثله أقولك بس انت شكلك صدعت مني أسف على الاطالة
__________________
ولا نقول إلا ما يرضي ربنا إنا لله و إنا إليه راجعون
|
#30
|
||||
|
||||
رد: الصينى التقليد <<<<<
فكرتني با باشمهندس بالفول الصيني مش فيلم فول الصين العظيم بتاع هنيدي لأ الفول الصيني وده كان في سنة 1995 على ما اذكر بعتوا مندوب يشوف الاستهلاك في السعودية والاسواق محتاجة ايه فلقوا ان فيه نسبة كبيرة من المصريين هناك بتفتقد الفول وكمان بعض السعوديين وكمان عامل الوقت والتصنيع مهم فراحو منزلين علب فول بقت تتخطف خطف من السوبر ماركت راحو منزلينه بالنكهات فول بالصلصة وفول بالزيت الحار وفول معرفش بايه وكانت كارثة وقتها المصريين في السعودية بياكلو فول صيني (على حسب ما ذكر لي لاني مروحتش السعودية قبل كده) وعلى فكرة الفول ده نزل مصر فترة بس معرفش لسه بينزل والا خلاص بطلوا ينزلوه بالذمة مش مصيبة اكبر بلد بتنتج وبتاكل فول تستورد من الصين فول هههههههه
__________________
ولا نقول إلا ما يرضي ربنا إنا لله و إنا إليه راجعون
|
|
|