آشتباه بطقم (شنبر)

[محمد حسن عبد الرحمن]

السلام عليكم أنا وانا قاعد مع واحد سواق تاكسى معرفة من الشارع كانت بخلية يبص على حاجة عندى فى الرادراتير بخصوص ظهور فقاقيع هواء داخل الردراتير فقال لى أن هذا محتاج جوان وش سلندر.
ثانيا : جه بص على خرطوم فايظ الزيت اللى هو بيركب فى العمة واللى أغلبية الناس مبتحطهوش أو تركبة فى العمة علشان بيلغبط المحرك المهم هو قال وسالنى هل المحرك بيأكل زيت فأجبت بالنفى حيث أننى أساسا عندى مشكلة بتسريب الزيت من ناحية رداغ البنزين وأحتمال من عند الكرتير بتاع الزيت سالته قولتله لية قال دوس بنزين وراح ماسك الخرطوم بتاع الفايظ لقيته بيطلع بخار على خفيف قال لى طقم شنبر وأعمل حسابك على 800 جنية علشان الله أعلم قد يكون هناك داخل المحرك عمل عتب أو حسب ما الميكانيكى يقول بس هو نبهنى بأن الميكانيكى غالى شوية لو الحاجة عند الصانيعية برة تعمل 2 قرشين هو هيأخد 2.5 أثنان ونصف أو 3 ثلاثة قروش يعنى هيكون حراق بس هو بيشكر فية حيث عمل له قبل ذلك عمرة لموتور سيارته ويقول أنها رجعت أحسن مما كانت علية عند أستلامه للسيارة من الصالة.
المهم :
أنا بقى عايز أتاكد أنه شنبر أزاى علشان أعرف أن العربية بها طقم شنبر أعمل أيه.
وشكر مقدما لكل المساهمين.

أخوكم محمد

[محمدصلاح القاضى]

اديها غيار زيت
موبيل دلفاك MXlll وعلبة زيت شنبر ابرو وفلتر زيت
الناس كتييير هنا اوووى بيشكروا فيه وخصوصا فى الحالات دى

[محمد حسن عبد الرحمن]

شكرا لسرعة رد حضرتك عليا يا باشا بس أنا عايز أتأكد هل كده العربية تحتاج إلى طقم شنبر ولا لا أنا قولت من ناحية تسريب الزيت مع أنى مغير جوان الرداغ ثالث مرات عند ميكانيكى حيوان حرام أطلق عليه ميكانيكى فقلت أعمله بنفسى وجيب جملكة وأركبه وأكيد هيبقى أحسن من الميكانيكى علشان الميكانيكى ده معندهوش زمة ثانيا انا شاكك بجوان الكرتير بتاع الزيت أو الكرتير نفسه قد يكون محتاج الى تغيير فانا عايز بعد ما اعمل كل الحاجات دية أغسل المحرك لكى أتاكد من عدم وجود تسريب للزيت وبعد كده اتأكد من أن السيارة فعلا بحاجة الى طقم شنبر ولا لا هو ده الموضوع .

[amr elsisi 1]

المشاركة الأصلية كتبت بواسطة محمد حسن عبد الرحمن السلام عليكم أنا وانا قاعد مع واحد سواق تاكسى معرفة من الشارع كانت بخلية يبص على حاجة عندى فى الرادراتير بخصوص ظهور فقاقيع هواء داخل الردراتير فقال لى أن هذا محتاج جوان وش سلندر. ثانيا : جه بص على خرطوم فايظ الزيت اللى هو بيركب فى العمة واللى أغلبية الناس مبتحطهوش أو تركبة فى العمة علشان بيلغبط المحرك المهم هو قال وسالنى هل المحرك بيأكل زيت فأجبت بالنفى حيث أننى أساسا عندى مشكلة بتسريب الزيت من ناحية رداغ البنزين وأحتمال من عند الكرتير بتاع الزيت سالته قولتله لية قال دوس بنزين وراح ماسك الخرطوم بتاع الفايظ لقيته بيطلع بخار على خفيف قال لى طقم شنبر وأعمل حسابك على 800 جنية علشان الله أعلم قد يكون هناك داخل المحرك عمل عتب أو حسب ما الميكانيكى يقول بس هو نبهنى بأن الميكانيكى غالى شوية لو الحاجة عند الصانيعية برة تعمل 2 قرشين هو هيأخد 2.5 أثنان ونصف أو 3 ثلاثة قروش يعنى هيكون حراق بس هو بيشكر فية حيث عمل له قبل ذلك عمرة لموتور سيارته ويقول أنها رجعت أحسن مما كانت علية عند أستلامه للسيارة من الصالة. المهم : أنا بقى عايز أتاكد أنه شنبر أزاى علشان أعرف أن العربية بها طقم شنبر أعمل أيه. وشكر مقدما لكل المساهمين. أخوكم محمد

اخي محمد طالما اشتركت معانا في المنتدي لازم تكون ايجابي
قم بتصنبع هذا الجهاز لنفسك ولغيرك

http://www.masrmotors.com/vb/showthread.php?t=90049

وقبل كدة قم بتغير زيت مع علبة ابرو
مش انت كنت عملت عمرة للموتور

[محمد حسن عبد الرحمن]

المشاركة الأصلية كتبت بواسطة amr elsisi 1 اخي محمد طالما اشتركت معانا في المنتدي لازم تكون ايجابي قم بتصنبع هذا الجهاز لنفسك ولغيرك http://www.masrmotors.com/vb/showthread.php?t=90049 وقبل كدة قم بتغير زيت مع علبة ابرو مش انت كنت عملت عمرة للموتور

أزى حضرتك يا عمر باشا أنا شاكر لحضرتك جدا بس أنا حاليا معنديش سيولة حتى لتغيير الزيت وكان من المفترض أغيرة أمبارح علشان خلص ثلاثة الف ولسة ماشى بالعربية لغاية دلوقتى وكانت أيضا فى وجود نقصان للزيت من جوان الرداغ وأحتمال من الكرتير أو الجوان الخاص به وفى سواق تاكسى قال لى حط زيت موبيل دلفاك علبة لونها أسود بس بيتهيالى أن الزيت ده لمحركات الديزل بالنسبة لو غيرت الزيت أحط أد أية من الزيت وأحط أد أية من أبرو علما بأننى لن أغير الفلتر بتاع الزيت وبالنسبة لعمرة المحرك أنا ما عملتش عمرة للمحرك الراجل اللى أشتريت منه السيارة كان عامل عمرة للمحرك قبل شرائى للسيارة بحوالى من 5 الى 6 شهور عند ميكانيكى بشارعنا وحسبى الله ونعم الوكيل بهذا الميكانيكى وحرام أطلق عليه أسم ميكانيكى هو أمفروض أطلق عليه كلمة (هذا الشيئ) لا عنده ذمة ولا ضمير.

أخوك محمد