السيارات الصيني. . . .لمـــاذا

[ihabyahia]

بشمهندس إسلام

كلامك لا يعترض مع كلامى إلا فى شىء واحد هو إن حضرتك بعدت عن مفهوم الهندسة القيمية value engineering

و هو ببساطة لو أخدنا مثال واقعى لمصنعين يطبقوا الهندسة القيمية من ماركات سيارات فى مصر هتلاقى مثلاً الإلانترا مواصفات مصرية و نقارنها بالإلانترا المواصفات الخليجية هتلاقى إن المساعدين اللى بتنزل فى الخليجى مختلفة عن اللى بتنزل مصر من حيث التكلفة
كذلك قربة مياه الرادياتير فى الأوبترا الخليجى خامتها مختلفة عن المصرى بالرغم من تطابقهما شكلا و أبعادا و لكن المصرى من خامة أرخص برضه و الى يعرفها لازم يكون عنده خبرة فى البلاستيك

و كلامى اللى فات بيوضح أن الغرض من الهندسة القيمية تحقيق الهدف من المنتج المراد إنتاجه حيث أن معطيات تطبيقها هى:
السعر السوقى التنافسى و التصميم و التكاليف التصورية و التكاليف السوقية( لكل شىء و لا يغفل حتى أصغر صامولة )
و نتائجها هى الوصول بالمنتج إلى أقل سعر مع الإحتفاظ بالجودة التى يطلبها العميل

نيجى بقى لفكرة التقليد الصينى للموديلات الشهيرة
هنلاقى إن الموضوع إبتدا يقل فى الصين من أول 2005

بدليل موديلات كتير موجودة فى مصر و ممكن تذكر إنت أكتر من ماركة عشان أنا لو ذكرت هيقولوا متحيز

و صلت ولا أقول كمان

[wawoo]

المشاركة الأصلية كتبت بواسطة ihabyahia و هو ببساطة لو أخدنا مثال واقعى لمصنعين يطبقوا الهندسة القيمية من ماركات سيارات فى مصر هتلاقى مثلاً الإلانترا مواصفات مصرية و نقارنها بالإلانترا المواصفات الخليجية هتلاقى إن المساعدين اللى بتنزل فى الخليجى مختلفة عن اللى بتنزل مصر من حيث التكلفة كذلك قربة مياه الرادياتير فى الأوبترا الخليجى خامتها مختلفة عن المصرى بالرغم من تطابقهما شكلا و أبعادا و لكن المصرى من خامة أرخص برضه و الى يعرفها لازم يكون عنده خبرة فى البلاستيك

الكلام دة مش سليم , انت عاوز تقولى مثلا ان هيكل السيارة الاوبترا المصدرة للخليجى مختلف عن هيكل السيارة المصدرة لمصر ,
يعنى نفس السيارة حتنزل مصر بخمات و حتنزل الخليج بخمات تانية ,ازى يعنى
انا اسف بس الشركة اللى تعمل كدة تبقى شركة فشلة حقيقى سؤاء كانت اوبترا او غيرها .

ممكن يكون فى اختلاف فى التجهيزات و الاوبشين حسب مستوى كل موديل , انما اختلاف نفس المكونات من بلد لبلد ازى يعنى , يعنى نفس الموتور اللى نازل للسيارة المصرية مصنوع من خمات اقل من الموتور اللى نازل للسيارة الخليجية , معقولة فى شركات بتعمل كدة ....!!!!!!

انما لو قصدك على سيارة مجمعة محليا مثلا مقارنة بخليجى , وارد انة يكون فى اختلافات طبعا لان السيارة المجمعة محليا ممكن تاخد بعض المكونات من المصانع المغزية المحلية , و دى مش مشكلة طلما الاجزاء المستبدلة محليا ليها نفس الموصفات اللى حطها الشركة الام .

انما فى اجزاء لا يمكن الشركة الام تتهاون فيها مثل الموتور و هيكل السيارة و اجهزة التعليق مثلا و لو فى اختلاف فى احد هذة المكونات فدة ممكن يكون بسبب طبيعة الاستعمال و الطقس فى كل بلد مش نتيجة التكلفة .

و عاوز اقولك كمان ان فى مصانع مصرية مغزية بتعمل اجزاء من مكونات السيارت و الاجزاء دى بتصدر لمصانع شركات كبيرة زى مرسيدس و بى ام فى اوروبا و غيرها .

[ihabyahia]

المشاركة الأصلية كتبت بواسطة wawoo الكلام دة مش سليم , انت عاوز تقولى مثلا ان هيكل السيارة الاوبترا المصدرة للخليجى مختلف عن هيكل السيارة المصدرة لمصر , يعنى نفس السيارة حتنزل مصر بخمات و حتنزل الخليج بخمات تانية ,ازى يعنى انا اسف بس الشركة اللى تعمل كدة تبقى شركة فشلة حقيقى سؤاء كانت اوبترا او غيرها .

لأ طبعاً مش شركات فاشلة ولا حاجة إلا إذا حضرتك عايز كدة

و تغيير الخامات و تبديلها تحقيقاً للتوفير مع الوصول لطلب العميل (سواء كان وكيل أو مستخدم نهائى) هو مبدأ الهندسة القيمية و يعتبر هذا التحقيق قمة الذكاء الصناعى و نجاح فى السوق فى نفس الوقت

أقول مثال تانى يعضد كلام سيادتك و هو سياسة الlocalization يعنى إستخدام المكونات المصنعة محلياً مثلاً فى مصر موجود صناعات مغذية للسيارات زى مصانع تاكى و مصانع أبو اليزيد للجكمانات و شركة إسكندرية للمنتجات المعدنية و زجاج دكتور جريش أقوى دليل على كلامى حيث أن المصانع المذكورة على سبيل المثال لا الحصر أكيد عندها تفاوت فى طرق التصنيع و خلافه للمكونات التى تنتجها و بالرغم من كدة تسمح بإستخدام منتجاتها الشركة الأم للسيارة لأنها فى حدود تحقيق أقل سعر مع تلبية رغبة العميل

[حازم شاهين]

المشاركة الأصلية كتبت بواسطة ShekeeS انا عندى راى مخالف ليست السيارات الصينية بكل هذا السوء يوجد الكثير من السيارات الكورية واليابانية والالمانى على مستوى منخفض فى الامان .. ومعظم السيارات فى مصر ساج زى الورق مثل اللانوس و الفيرنا و اللانسر وكثير >>>> http://www.youtube.com/watch?v=nW_FT...eature=related انظر الى السوناتا افخم السيارات الكورية __ وانظر الى BMW 5 محدش يقدر يقول عليها حاجة وعملت ازاى ....... م

اللى فهمته من الفيديوهات دى إن العربيات صحيح اتحطمت لكن قدرت تحمى الركاب اللى جواها من خبطات قاتلة
و بكدة تكون نجحت فى الاختبارات
مش مهم العربيه بعد الصدمة شكلها بقى ايه المهم اللى جواها حصلهم إبه

[anaskhal]

محترف كبـــــــــــــــــــــــ ـــــــــــــــــــــــــ ــــــــــــير و بارك الله فيك