الحمد لله-لوح خشب وقع علي سقف الفيرنا-نصايحكم

[dr_3eshoo]

قدر الله و ما شاء فعل
انا ليا رايي العربيه تتعمل صح الصح و حضرتك زي مابتقول مش هاتبع الوقتي يبقى حضرتك تعملها صح و لما تبيع تصارح المشتري بالحقيقه ان العربيه رشه سقف
و خد بالك لو قعدت تحسبها من النهرده لحد اما تبيع العربيه و عاتشوف هاتتخبط كام مره هتلاقي ان عربيتك هاتشحتها مش هاتبيعها
صلحها و توكل على الله و ماتخفش على فكره نفس القصه معايا في النيسان اتخبطط مرتين في يوم واحد بابا قالي لما نيجي نبيع يبقى يحلها ربنا من عنده و كده كده هانقول انها اتخبططت هيا قدرها كده و ماتخفش

[محمد_فراج]

بسم الله الرحمن الرحيم احنا نقول اولا الحمد لله وانا متأكد انك حامد ربنا وشاكر فضله انها جت ف حديد انا كنت عايز افرجك على عربيتى انا عايز ادخلها فرن واسمكر بس السمكريه وبتوع الرش بيعملوا عليا شغل فأنا كبرت دماغى وناوى مرشش ولا اعمل حاجه بس انا عندى الاكصدام والرفريين الاماميين يترشوا وسمكره خفيفه والمهم سمعت انها هتتكلف حوالى 1000 جنيه من السمكرى واللى بيرش بس مش دى المشكله المشكله ان العربيه ف شهر السماح بس سيبك منى لو عايز نصيحتى اقولك تعمل ايه .
اولا:روح لسروجى بيفهم خليه ياخد المقاسات كلها واتفق معاه انه يركب الفرش زى الاول بالضبط مع انك مش هتعرف تاخد منهم لا حق ولا باطل بما ان الناس الحلوه دى حذرتك من الشركات الحلوه ورشهم الحلو وبعدين تروح لسمكرى بيفهم يخلصلك السقف وتحاول على قد ما تقدر تعملها على البارد تقوله كده ولما تخلص سمكره خالص ومتنساش الشنطه .
حاول معها بالكمبوند والتلميع وربنا يسهل وتتلمع معاك بدل موضوع رش السقف اقولك تجنبه تماما ولو مقدرتش تلمع ممكن تفيم السقف اسود
لو انت عايز العربيه كلاسيك يبقى تسيبها على الله وتروح لواحد بيفهم وتتفق معاه انه يرش السقف نفس اللون السقف بس مش العربيه كلها وتبقى تطمننا عملت ايه

[Ahmed Anwer]

هوا الموضوع خلص ،،

الحمد لله يا أ / محمد

فكيت فرش السقف عند سروجي كويس

و فكه بمنتهي السهولة لان الفيرنا مش اختراع زي ما كنت فاكر

و اترد السقف علي البارد و اتلمع الدهان من غير رش طبعا

و ركب فرش السقف بدون خسائر

و الحمد لله

بس طبعا باين اثار في السقف

بس طبيعيه تعدي يعني كان كلب طلع علي السقف او حد جرحه

و دي صور السقف و هوا مفكوك







و دي صورة الخبطه الصغيرة في الشنطة بعد التصليح



و دي صور السقف بعد التصليح








و اتكلفت بتاع 130 جنية باين ،،

و اخونا ابو نورا كان خير عون الصراحة

انا طبعا اتضايقت ،،

بس الحمد لله ،،

[ayman abdelrazek]

ولا يهمك ياباشا الحمد لله انها جت على اد كدة فداك وفدا اولادك .......

بس انا عندى اقتراح...........


السقف يا احمد بتاع اى عربية بيبقى فلات يعنى خالى من السوك والدورانات زى اللى موجودة فى

الجناب والرفارف وخلافة ومادام كدة كدة هتفك السقف علشان ترده سواء على البارد او عشان ياخد

حموات يبقى ترشه احسن وصدقنى مش هيبان وفك وتركيب السقف خاصة فى الفيرنا سهل وبسيط

جدا مش شغلانة جامدة ماتقلقش بس خللى السمكرى ميفكش هو السقف وديها عند استرجى

محترف يفك السقف والسمكرى يشتغل فيه ويبعد عن ضفيرة الكهربا اللى موجودة داخله ويرد ويسحق

ويحط بنط اللحام ويعمل التقويات الداخلية .............




وفيما يخص الرش انت عندك رقم لون العربية احتمال على الشاسية او لو مش موجود هاته من التوكيل

وبالرقم تقدر تتطلع اللون بالضبط وبعد لما تخلص رش وتمام ترجع للأستورجى يرجعلك الفرش الداخلى

وانشاالله مش هتبقى باينة خالص................




ولما تيجى تبعها محدش عمره هيلاحظ انها اتقلبت او عملت حادثة او ما شابه ذلك لأن اللى بيعمل

حادثة وعربيته بتتقلب على سقفها عمر قوايمها ما بتبقى سليمة............




اهم حاجة تظبط العربية وسيب موضوع البيع ده ماتفكرش فية يمكن ربنا يرزقك وتجيب عليها وماتفكرش

تبيعها اصلاااااا


والف مليون سلامة يابو ياسين ......فدا ضافر ياسين الصغير








ايه ده الموضوع قديم ياعم احمد ماخدتش بالى من التاريخ

عموما انا والله قلقت عليك ورديت بسرعة عشان كدة ماركزتش فى تاريخ الموضوع

ربنا يباركلك فيها يا بشبوش

[sam ram]

الرش بيبان لأن العربيه بقالها سنه و نص و بالتالي حتى لو بالرقم حيكون في فرق نتيجه العوامل الجويه و التراب و الشمس والغسيل و خلافه
انا كانت عربيتي اتعملت سندويتش بعد 3 شهور و كان السمكري عايز يرد باب الشنطه بحموات و يرش .. لكن انا مرضتش و رديت على البارد و باينه طبعا القرقعه في الصاج بس نفسيا مستريح اني مرشيتش

الحمد لله و حصل خير
واللي ييجي في الريش بقشيش
وادينا قلبنا عليك المواجع