رجاء = طلب = لقسم اللادا

[adham.com]

[محمد فيصل]

دائماُ اقول لكل اصحاب العقول ان لادا 2107 حتى موديل 2025 هى فيات 124 موديل 1974
ولذلك لا يوجد اى فرق فى موديل عن آخر
كل الإضافة هى بعض السيارات اصبحت إنجشيكشن وعلى كارت
ليس اكثر من هذا
ولذلك تعتبرتقنية قديمة فى صورة من موديل حديث فى الترخيص فقط ليس إلا
وكما قال العضو الكريم ادهم مشاكل الكهرباء والإسبيراتير واضف على ذلك الكرونة وما شابه

[zing0]

رغم إن اللادا تقنية قديمة لكنها ناجحه جداً و ده لعدة أسباب لا تخفى عليكم من بساطه الميكانيكا و رخص الصيانه و قطع الغيار فى ظل الظروف الحاليه.
و الغريب إن فيه موديلات زى الماروتى, برضه نفس الميكانيكا البسيطه و برضه مفيهاش حساسات و كمبيوتر و إسكنر و برنتر و الكلام الفاضى ده و مع ذلك برضه شغاله و برضه لنفس الأسباب الماديه.
يعنى الموضوع كله إقتصادى مالى بحت, ليس حباً فى اللادا و لا كرهاً فى الجيب و المرسيدس مثلاً

هاتلى بديل بصحته (موديل السنه) و صيانته رخيصه و قطع غيار عند أى حد و بـ 52000 و أكيد هنسيب اللادا و نقاطع روسيا للأبد.
و إلى هذا الحين الذى لن يأتى, تظل اللادا عربيه معمرة, رخيصه, عمليه, قويه, موفرة و ربنا يعيننا نستحمل تعذيبها فينا و يجعلنا من الصابرين الشاكرين.

[sokrat703]

الف الف شكر على كل الردود ديه بس انا عايز اعرف كمان اجيب الروسى ولا المصرى طبعا جميع الكماليات مع ان مفيهاش بس ما علينا وسعرها كام تقريبا عشان انا سالت فى المصرية للسيارات قلى 63000 ديه الروسى جميع الكماليات

[zing0]

مفيش لادا روسى زيرو فى مصر, الموجود كله مصرى دلوقتى
المعروف إن تقفيل المصرى مش دقيق زى الروسى (يعنى لو العامل المصرى بيربط مسمار و حرق عليه و فوت بيسيبه, إنما الروس بيعتبرو العربيه كلها فيها عيب و متتباعش غير بعد الصيانه)
كمان الصاج الروسى أقوى شويه من المصرى بس دى حاجه مش عيب أوى, برضه اللادا لادا قصاد العربيات الورق بتاعة اليومين دول.
التكييف فى اللادا مش حلو لأن العزل الداخلى للكبينه زى الزفت فبيضيع أداء التكييف
بإختصار, لو فلوسك جاهزة كاش أرشحلك حاجه روسى موديل 2011 (أعتقد دى آخر سنه للروسى فى مصر) و طبعاً تكون حالتها فوق الممتازة