|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
![]() |
|
أدوات الموضوع |
#1
|
|||
|
|||
![]()
طرائف حقيقية شخصية عن السيارات
كل واحد مننا حصل لة طرائف وحكايات مع السيارات عيزين كل واحد يكتب ويقولنا طرائف حصلت لية او لى حد فى مصر بس طرائف حصلت بجد لها علاقة بالسيارات ويمكن عن نفسى حصلى امور كثيرة وان شاء الله اقولكم عليها اول وحده كنت مطلع رخصة القيادة من زمان جدا ايام مكانت مش كمبوتر بالحجم الكبير يعنى ال كانت بتتشال فى محفظة من الحجم الكبير المهم مدتها كانت 10 سنوات وعمرى فى حياتى طول 10 سنوات مطلعتها من المحفظة او اى حد سالنى عليها فى المرور او لجان او اى شى عمرى مستخدمتها خالص ونسيت موعد نهايتها وتجديدها خالص وعد وقت كبير وتشاء الظروف اكون بعد نهاية الرخصة ب حوالى سنة ونصف اكون فى مشوار فى فايد وخارج من هناك وكنت تاية وفجاة فى ملف غريب اجد كمين اول شى سالنى حزامك مش ربطة لية قولت لة انا تاية وكل شوية اسال على الطريق ولسة حالا كنت راجب العربية قبل حضرتك بحوالى 30 متر وبسال على الطريق قالى رخصك المهم ان رخصة السيارة ال كنت ركبها كانت منتهيا وانا كنت عارف الكلام دة وكنت بخلص ورق تجديد رخصة السيارة ال انا ركبها بس اطريت اروح فايد مشوار على السريع المهم سالنى الظابط رخصت السيارة ورخصتك ولانة ظابط معرفتش الاغية ومكانش معاة امين علشان رغم محاولتى معاة المهم قالى رخصة العربية منتهيا قولت لة معلش بجددها وملحقتش انهى الاجرائات قالى ورخصة القيادة بتعتك منتهيا قولت لا مش ممكن ازاى وبصيت فيها لقتها منتهيا قالى لازم اسحب رخصة السيارة من هنا الى هنا قولت لة لا اسحب رخصة القيادة اهون علشان العربية فى فترة تجديد ومش هلحق انتظر على متيجى الرخصة المهم رخصتى اتسحبت وجلست بالايصال مدة كبيرة جدا اكثر من 6 اشهر بايصال منتهى وجيت لازم اجبها كفاية كدة ومن هنا بدات الحكاية رحت اجيب رخصة القيادة بتعتى ملقتهاش فى المرور التابع لى قالولى اطلع على مرور الدراسة علشان دة اتسحبت طرق سريع رحت ولم اجدها ولفيت من هنا الى هنا ومش لاقى الرخصة بتعتى خالص ويقولولى بكرة وبعدة المهم قولت دة موضوع متعب انا اروح اطلع رخصة جديدة وخلاص واجيب شهادتان طبيتين وخلاص وبلفعل عملت كدة ودخلت امتحان السواقة تخيل حصل اية بعد مسوقت قالى فوت بعد 10 ايام سالت لية قالى ساقط فى القيادة قولت لة ازاى قالى ريس الوحدة شايف كدة ياعم مش ممكن قالى هو كدة واحد صديقى بحكى لة الموضوع قالى دة العادى هيفضل يسقطك الى ان تجيب وسطة او بعد 4 مرة ينجحك بعد حوالى شهر ونصف تخيلوا انى بسوق بقالى اكثر من 15 سنة ويسقطونى بقيت هتجنن اقول لى حد الكلام دة ميسدقش ولانى محبش موضوع الوسطة دة قولت اروح اسال عن الرخصة القديمة وبالصدفة اجدها وطبعا رجعت المرور التابع لى وكان لازم اسحب ورق التقديم بتاع الرخصة الجديدة دخلت على العسكرى وقولت لة ممكن اخد ورقى اصلى مش هقدم على الرخصة وطبعا لغيتة علشان اخد الورق القديم وبعد يومان رحت قدمت على رخصة جديدة وانتهيت من الموضوع الغريب ان من يوم مجبت الرخصة الجديدة وكل شوية اجد كمين ويقولى رخصك مع العلم ان ايام الخصة القديمة مكانش حد بسال نهائيا والاغرب ان الرخصة الجديدة كل شوية بعد مجبتها جلست مدة سنة كل شوية تنسحب منى حزام او رادرا اسكندرية المهم انها متعدش معايا ولما تنسحب ملقيش حد يقولى رخصتك وافضل جالس 3 او 4 اشهر من غيرها ولما افضى واروح اجبها بعديها بقل من 24 ساعة تنسحب اخر مرة بقول لراجل للضابط انتم مش عيزين امشى برخصة وشايف انكم حبين انى امشى من غير رخصة دة بيريحكم وانتظروا طرائف جديدة منى ومن كل الاعضاء |
#2
|
||||
|
||||
![]()
موضوع جميل يا سيف باشا
اخوك برضو رخصتة اتخرمت من كتر الدبابيس ومشيت قبل كده بوصلين منتهيين وكان فاضل يسحبوا نمر العربية ptmnlo123per171 |
#3
|
||||
|
||||
![]() موضوع جميل ،، و لو حكيت مواقفي المضحكة مع العربيات مش هاخلص ،، بس ماشي نبتدي ،، مرة كان عندي عربية 128 ،، و انا كنت ساكن في حته مقطوعه ،، المهم نزلت ادور مبتدورشي ،، اجرب و اعيد و ازيد مفيش فايدة ،، المهم روحت جبت ميكانيكي بعربيته من اخر الدنيا ،، فضل يجرب و يحاول و يحط كل الاحتمالات و مفيش فايدة بتاع تلت اربع ساعة و هوا فاتح الكابوت و عايش و انا جوه الهربية و هاطق و هوووب افتكرت المفاجأة كان معمولها مفتاح فصل ابص عليه الاقيها مفصولة بصراحة بقيت في نص هدومي مش عارف اقول ايه للميكانيكي قمت رافع الزرار ، طبعا العربية دارت ،، و الميكانيكي هلل و فرح و ايتدي يشرحلي ازاي و صل للمشكلة و حلها مردتشي احرجه و كمان احرج نفسي قلتله الله ينور و طبعا حاسبته عادي جدا علي الاقل عشان وقته اللي ضاع و لسه فيه مواقف تانية ليا عودة |
#4
|
![]()
فى يوم من21 سنة كان عندى سيارة سيات 133 محترمة جدآ ولسه كنت مولد ابن أخى البكرى فى منزلهم من طول الليل حتى آذان الفجر وبصراحة كده كنت مستلف بعض الآدوات الجراحية من المستشفى التى كنت أعمل به وتبعد 10 كم من المنصورة حيث كنت أعيش أيامها- المهم رجعت الآلات ومضيت حضور و رجعت علشان أطمن على الوالده والمولود ثم أنام ودا كان فى 1//2/1986 وفىطريق العوده وهو طريق أسفلت بس ضيق وليس به طبان ولكن أشجار ضخمة على الجانبين وجزورها داخلة أسفل الآسفلت ومن الناحية الآخرى على ترعة أو فى الهوا - المهم الجو كان عاصفة شديدة جدآ لا أعتقد أنها تكررت حتى يومنا هذا والساعة كانت حوالى 8 صباحا - طبعآ ولا همنى ولكن لاحظت على بعد 50 متر تقريبا أمامى بشجرة تميل بشكل غريب فقلت لنفسى دا من الهوا وعلى بال لمأوصلها حترد مكانها تانى ! لكن فى لحظات لقيت الدنيا أمامى كلها أخضر فى أخضر ففهمت انها بتقع على - كل اللى عملته دست فرامل بكل قوتى وثبت الدركسيون مع ان ممكن السرعة كانت أفضل ولكن لاوقت للتفكير - ثم الدنيا نورت تانى ولقيت نفسى واقف بالسيارة عدل والسيارة دايرة و100 فل وعشرة ! نزلت بعد فترة أتفقد الآضرار كل اللى لقيته كان المساحه اليمين طارت وقايم البربريز اليمين ملوى ازاى معرفش والزجاج لم ينكسر وسطح السيارة سليم بس كأنه متخربش بأظافر جودزيلا صغيرة وبس - وكملت المشوار عادى ! ولكى تعرفوا ضخامة الشجرة فهى قطعت الطريق نصفين ولم يفتح الطريق الا بعد ازالتها بونش ! والله العظيم ده حصل ولكم أن تتخيلوا ماذا كان ممكن أن يحدث -المهم روحت نمت من التعب صحيت من النوم لقيت أخى والد المولود قام باصلاح السيارة تماما - أخيرآ هذه السيارة عاشت معى 16 سنة فى حالة جيدى وبعتها وجبت كورولا 97 زيرو الشكل القديم فى سنتها وبرده لسه معى والحمدلله - أرجوا ألا أكون أثقلت عليكم وشكرآآآآآآآآآآآآآ
|
#5
|
||||
|
||||
![]()
كنت فى شم النسيم و اخويا كان مسافر و سايب عربيته لادا و انا كنت عاوز اسافر كان عند حوالى 20 سنه المهم العربيه فيها فردتتين كاوتش نصف كم و فرده بها داخلى و الثالثه ماشيه تيوبلس بالعافيه
المهم واحد صحبى قالى ابن عمى عنده فيلا فى الاسماعيليه و عازم العيله ماتيجى معايا ( صدق مقرب جدا جدا ) قولتله ازاى نسافر باكاوتش التعبان ده و مش معانا حتى استبن و كمان مافيش فلوس و البنزين ضايع قالى دى لادا يعنى 200 كيلو فى الصفيحه على اسواء تقدير قولتله طيب و عداد الكيلو متر قالى نفصله و بخصوص الكاوتش ناخد منفاخ معانا و كمل واحد فينا دفع 10 اللى كانت معانا و الله يعنى المجموع 20 جندى و خطينا 20 ليتر بنزين (ايام العز ) اول ماو صلنا عند الاسماعيليه كانت الصدمه ان مش معانا فلوس الكارته اللى ندخل بيها انا مش معايا غير نصف جندى و هو ربع شوفوا الفقر المهم الواد قالى تعالى نحاول مع عسكر الشرطه العسكريه و قد كان انهم عدونا بس الولد اصلا والده ظابط و قد كان قصلنا العداد و رحت الاسماعيليه و احنا ارجعيين لمبه البنزين منوره من ساعه ما و صلنا اصلا و هيه منوره نعمل ايه دى مش هتمشينا 25 كيلوا قام صحبى رايح للباه و قاله انا عاوزه 5 جنيه اشترى بيهم اكل قام قايله اكل ولا تحط بنزين عموما انا مش هاديلك غير 5 جنيه علشان متجروش بالعربيه و تحروقوا البنزين
__________________
![]() سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
![]() |
|
|