|
سوزوكى Suzuki بدات شركة سوزوكى نشاطها فى عام 1909 كشركة اقمشة لاكن مع الثورة الصناعية فى اليابان تحولت لانتاج السيارات عام 1952 وهيا تخضع حاليا لشركة جنرال موتورز حيث تملك الاخيرة نسبة 20% من اسهمها كما تمتلك سوزوكى شركة ماروتى الهندية Maruti من اشهر موديلاتها: سويفت ماروتى التو ليانا وايجنيس وجيمنى وجراند فيتارا و SX4 XL7 |
|
أدوات الموضوع |
#1
|
|||
|
|||
توكيل سوزوكي الحراميه !!!
حجزت سوزوكي التو من 3 شهور في يوم 1/11/2012 و قالولي ان الااستلام بعدها من شهر الي 3 شهورو بنفس السعر المحجوز بيه و كان سعرها وقتها ب 48900 و كانت في المعارض ب 52000 ف قولت انا اونلي بالفرق و خصوصا اني مش معايا فلوس اصلا و واخد قرض يدوب ب 50000 فقولت الباقي هركب كاست و سنتر و ربنا يكرم بفلوس التامين !!....
و بعد انتظار 3 شهور و 4 ايام في يوم 6/2/2013 اتصلو بيا و قالولي ان العربيه جت بس ب 53000 يعني اغلي ب 4600 عن سعر الاتفاق !!! قولتلهم ازاي دانتو متفقين معانا و اكدنا عليكم مليون مره قولتلنا انها هتبقي بنفس السعر قالولي ده قرار من رئيس مجلس الاداره قلتلهم يعني انا مارضيتش اشتريها اغلي من من 3 شهور و مقضيها مواصلات عشان تغلوها قالو هو ده النظام ... مع العلم ان انا كنت حاجز ب 5000 جنيه و المكتوب في الوصل انها من ثمنم سياره التوو لكن مش مكتوب كام باضبط !!! ماذا افعل |
#2
|
||||
|
||||
رد: توكيل سوزوكي الحراميه !!!
للاسف ده حال كل التوكيلات ومعارض السيارات دلوقتى بعد ازمة تعويم الجنية وهم بصراحة معاهم بعض الحق انهم يزودو الاسعار بنسبة 10% مثلاً لكن بعض التوكيلات زودت الاسعار اكتر من نسبة زيادة الدولار او بالاحرى هبوط الجنية المصرى
كمان عايز اقول ان موضوع تغيير الاسعار ساعة الاستلام ده للاسف بيحصل من سنين حتى من غير مشاكل الجنية علشان كدة بنصح دايماَ بتجنب فكرة الحجز ديه وانك تشترى بضاعة حاضرة لان غير التوكيلات كمان فيه معارض بتستغل موضوع الحجز ده فى انها تشغل الفلوس وتضارب بيها وفيه بينصبو نصب حقيقى فعلاً الخلاصة ان ده السائد للاسف وهما بيبقو اخدين احتياطتهم القانونية كويس فاعتقد الشكاوى لجهاز حماية المستهلك مثلاً او بأى سبيل قانونى مش هتجيب فائدة فللاسف حضرتك مابين خيارين اما القبول بالزيادة او مطالبتهم بكامل المبالغ المسددة |
#3
|
|||
|
|||
رد: توكيل سوزوكي الحراميه !!!
و الله يا أخي انا مقدر مشكلتك
و لو حطيت نفسي مكانك كان هيبقى اختياري الوحيد ان أدفع الفرق و أقول حسبي الله و نعم الوكيل و أهيأ نفسي و أقول الخمسة الاف اللي زادو دول ممكن بعد شهرين يبقوا ستة سبعة مثلاً و بعدين لما هتستلم العربية و تفرح بيها هيهون الفلوس عليك أهم حاجة تبقى فرحان بعربيتك الجديدة بس طلع عينهم و انت بتستلم و شوف كل كبيرة و صغيرة في العربية و لو فيها خربوش متستلمش و غلس عليهم و ربنا يوفقك و يكفيك شرها و يديك خيرها |
#4
|
|||
|
|||
رد: توكيل سوزوكي الحراميه !!!
السلام عليكم ..
كما قلت انا مثلك .. انا ها شتري السيارة ان شاء الله من بنك فيصل.. وكنت دافع الف مقدم حجز بالتوكيل... وحصل نفس الشئ .. طبعا بقالي اكثر من شهرين ونصف... وطبعا لان السعر اتغير فلازم ادفع للبنك فرق السعر عشان هوه اللي ها يشتري . ودفعت الزيادة بعد ان استلفت .. لا اخفي عليكم... بصراحة لأني محتاج العربية ... ومتأكد ان الاسعار لن تعود الي ما كانت عليه حتي وان اصبح الجنيه ب 5 دولار لأن دي سياسة الوكلاء مع العملاء في مصر ... كمان دي اقصي ما يمكن ان اشتريه من السيارات الجديدة... ربنا يوفق الجميع.. وحسبي الله ونعم الوكيل ..... إلي الله المشتكي |
#5
|
||||
|
||||
رد: توكيل سوزوكي الحراميه !!!
حسبنا الله ونعم الوكيل
|
|
|