محتار يا جماعة بليز - شيفرولية لانوس 2012

[albarbary]

الموضوع مش صعب أوى كدا ، و المبلغ اللى معاك يجيبلك عربية كويسة ، والناس هنا تقدر تفيدك كويس فى اختيارك فى المستعمل ، و عموماً العربية المستعملة اللى هتستقر عليها هتاخدها و تروح على بنزينة ، و ناس شكرت فى موبيل اللى فى شارع الطيران ، هيقيس لك كفاءة الموتور ، ويكشف لك على الشاسية و يشوفها مخبوطة ولا لا ، و يشوفلك الأرقام هى اللى موجودة فى الرخصة ولا لا

[blade2011]

المشاركة الأصلية كتبت بواسطة albarbary الموضوع مش صعب أوى كدا ، و المبلغ اللى معاك يجيبلك عربية كويسة ، والناس هنا تقدر تفيدك كويس فى اختيارك فى المستعمل ، و عموماً العربية المستعملة اللى هتستقر عليها هتاخدها و تروح على بنزينة ، و ناس شكرت فى موبيل اللى فى شارع الطيران ، هيقيس لك كفاءة الموتور ، ويكشف لك على الشاسية و يشوفها مخبوطة ولا لا ، و يشوفلك الأرقام هى اللى موجودة فى الرخصة ولا لا

مش عارف ياباشا انا مش من القاهرة واتعقدت اوى من المستعمل وخاصة انى مش بروح القاهرة كتير او سوق الجمعة كتير المشكلة الاكبر بقة انى اتنين اصحابي لما اشتروا العربية بتاعتهم مستعملة فعلا ادحك عليهم بجد وواحد منهم كان جايب سكودا فيليشيا وخدها وراح التوكيل قالولوة تمام ومافيهاش غلطة وبعد كدة بص لاقى العربية بعد شهر عاوزة يتغيرها وش سلندر فا انا مش متاكد اللى شايفة بجد ان المستعمل دة زى البطيخة ياما قرعة ياما حمرا وكتير اوى بتطلع قرعة وقليل حمرا دة من اللى شوفتة جايز يكون عند راى تانى بس النصب اليومين دول بقة على ودنة وخاصة ان سعل كل المستعمل رفع اوى فى الاونة الخيرة مش عارف لية فيرنا 2008 كاملة مانيوال ب 56 الف لية يعنى وفيرنا 2006 راشة برة ونصف كماليات ب 47 الف وكمان 150 الف كيلو مش عارف حاسس ان الاسعار حتى المستعمل رفعت الفين تلاتة مش عارف لية

[romioromio]

ما تبقاش معقد وموسوس

اتوكل علي الله

اكيد اكيد اكيد اشتري زيرو
وياسيدي ابقي اجر عربيه اتعلم عليها

وعموما انا زيك لسه شاري العربيه من شهر
وكنت محبط وكاره العربيه اول يومين وكنت مفكر لا يمكن اتعلم


بس السواقه فعلا ممارسه واحساس بالسياره بتاعتك ييعني متحكمش علي سواقتك زيرو ولا اتنين لسيارات زمايلك

المهم
بعد اسبوع كده او اتنين حتلاقي نفسك برنس
والله انا دلوقتي بسقط نقلات وبحس اني ملك الشارع مش تكبر بس بقيت حاسس بالسياره طبعا بعد ستر ربنا

باختصار لو ده مشكلتك بس يبقي اطمن
ثانيا متسمعش لتجارب كل الناس
لانها احداث فرديه فعلا
واكيد الناس اللي معندهمش حاجه مبتكتبش واللي بيكتب اللي عنده مشكله
فاكيد حتحس ان فيه شكاوي كتير

بس اياك تجيب مستعمل مصري

يا عم كفايه انك حتشتري عربيه وتنساها 5 سنين علي الاقل

وكمان اللانوس محترمه وماسكه نفسها
ومبروك عليك ان شاء الله

[blade2011]

المشاركة الأصلية كتبت بواسطة romioromio ما تبقاش معقد وموسوس اتوكل علي الله اكيد اكيد اكيد اشتري زيرو وياسيدي ابقي اجر عربيه اتعلم عليها وعموما انا زيك لسه شاري العربيه من شهر وكنت محبط وكاره العربيه اول يومين وكنت مفكر لا يمكن اتعلم بس السواقه فعلا ممارسه واحساس بالسياره بتاعتك ييعني متحكمش علي سواقتك زيرو ولا اتنين لسيارات زمايلك المهم بعد اسبوع كده او اتنين حتلاقي نفسك برنس والله انا دلوقتي بسقط نقلات وبحس اني ملك الشارع مش تكبر بس بقيت حاسس بالسياره طبعا بعد ستر ربنا باختصار لو ده مشكلتك بس يبقي اطمن ثانيا متسمعش لتجارب كل الناس لانها احداث فرديه فعلا واكيد الناس اللي معندهمش حاجه مبتكتبش واللي بيكتب اللي عنده مشكله فاكيد حتحس ان فيه شكاوي كتير بس اياك تجيب مستعمل مصري يا عم كفايه انك حتشتري عربيه وتنساها 5 سنين علي الاقل وكمان اللانوس محترمه وماسكه نفسها ومبروك عليك ان شاء الله

والله ياباشا متشكر اوى على ردك دة لانى فعلا بدات اخد الامل بس بعد اما الناس فعلا هنا حسسونى هنا ان الانوس دى ماتنفعش الاعربية كبدة مش عارف لية هية اة مش اوبل ولا كورولا لانها حاجة كدة على اد فلوسنا فا اكيد مش هاتبقة محترمة اوى اوى لكن انا حسيت انها مش وحشة اوى يعنى مثلا كان فية عضو بيقول دة صوتها عالى بس فعلا انا لما وقفت ادام الللوجان والعربية دارت مع العلم انها كانت معدية ال 10000 كم يعنى مخلصة على الاقل التلين لقيتها ولا شيفرولية الدبابة فعلا صوتها عالى اوى وكمان شغل التكيف صوتها اعلى واعلى مش عارف فعلا بس هل رايك بنك عودة كويس ولا اى كلام ؟

[blade2011]

المشاركة الأصلية كتبت بواسطة blade2011 محتار اوى يا جماعة :الموضوع باختصار انى استقريت على الشيفرولية اللانوس 2012 وكدة واستقريت على بنك عودة كبنك اللى هايقسطلى واستقريت بردة على المصرية اللى هوة المعرض الى هايدنى العربية بس اللى محينى بردة كزا حاجة وعاوز بجد رايكم فيها بجد يا جماعة ضروروى : 1-انا عاوز لانوس حبيت شكلها بس لما بقرا اللى بيكتبة الاعضاء هنة على اللانوس الجديدة بلاقى انها احسنلها تشتغل عربية كبدة بجد مشاكل كتير اوى ليها وسوء تقفيل فا بجد بليز دلونى يا جماعة 2-هل الفيرنا احسن بجد منها يعنى ولا اية انا بصراحة انا حابب شكل الانوس الجديدة جدا وخاصة 2012 والازاز الفامية وكمان شكلها متغير شوية من جوا من 2011 من حيث الطارة والفرش وكمان الكاسيت وكمان استريحت فى قدتها عن الفيرنا حيث ان انا طويل 185 سم وحسيت انى مرتاح قدام وورا كمان بس الاعضاء هنة بجد محسسنى انها ماتنفعش الا عربية كبدة فا انا قلقان اوى بجد 3-انا هاقسط مع بنك عودة هل بنك عودة كويس ولا مقرف فى التعامل ولا اية وخاصة انى ماينفعش اقسط مع بنك تانى لظروف شغلى هوة فيلم كدة بس فعلا طلع ماينفعش اة انا مرتبى كبير بس انا لا بقبض بشرايط قبض ولا محول مرتبى على بنك انا حاجة كدة اسمها فى الدولة صناديق خاصة يعنى فا يعنى ماينفعش احول مربتى تبع بنك فا عشان كدة ماينفعش فى حالتى الا عودة او البنك الوطنى وقولت عودة عشان ناس زمايلى مقسطين عندة بس انا حبيت اعرف منكوا هل تعاملوة رخم يعنى ولا هل فى خطورة وهل فعلا ان انا هامضى على شيك بمبلغ القسط فى سنة او نصف سنة 4-التامين انا عاوز اعملة مع مصر للتامين هل كويس ولا مش كويس وهل لا قدر الله لو جرا حاجة فى العربية فعلا هايعملها ولا لا 5- المشكلة الازلية بتاعتى انى مش اد كدة فى السواقة بصراحة هل دة مشكلة فى ظل اول عربية ليا زيرو بس انا فعلا دورت كتير والله على مستعمل ومالقيتش حاجة كويسة وكنت هالبس فى اكتر من واحدة اى كلام بس ربنا بينجينى على اخر لحظة عشان كدة اتعقدت وقولت اهو الزيرو زيرو بس انا خايف من موضوع السواقة بصراحة هل فعلا هابهدل العربية فعلا بس انا شايف ان الخبطات والحوادث بتاعة ربنا يعنى العربية بتبقة تحت البيت يعنى وبتتخبط 6-المصرية كويسة ولا لا 7-اهم حاجة عاوز اركب انذار هل لو ركبتة الضمان هاتيتلغى ولا اية عشان الاعضاء هنة بيتشكوا جدا من الموضوع دة 8- اخر حاجة لو ربنا اراد وشاء هاستلم اية مع العربية بجد انا اسف يا جماعة انا طولت عليكوا بس اخوكوا قلقان اوى اوى اوى اوى ومش عارف يعمل اية وخايف بردة مااكدبش عليكوا بس بجد يا جماعة ساعدونى فعلا انا محتاج مساعدتكم

اية يا جماعة مافيش مساعدة لاخوكوا 112 مشاهدة و8 ردود بس !!!!!!!!!!!!!!