|
BYD من الشركات الصينية الطموحة التى تستثمر فى الابحاث والتطوير لانشاء سيارات وفقاً لاحدث المعايير البيئية ولديها مشاريع لانتاج سيارات هجينة |
|
أدوات الموضوع |
#1
|
|||
|
|||
عملت صيانه الالف كيلو النهاردة وياريتنى ماروحت
السلام عليكم ورحمة الله وبركاته ياأهل المنتدى الكرام
النهاردة انا لسه راجع من توكيل بى واى دى فرع القطامية عملت الحمد لله صيانه ال 1000 كم وهحكيلكم اللى حصل : يوم الأحد اللى فات إتصلت بالتوكيل علشان احجز أول صيانه للعربية فرد عليا واحد وقالى تعالى على طول قولتله يعنى مفيش رقم حجز قالى لا تعالى في اى يوم عادى قولتله ماشي . النهاردة وصلت قدام توكيل القطامية الساعه 8.10 صباحا علما بإنى جاى من المنوفية , قابلنى واحد على البوابة اخد الرخصة واخد بيانات العربية وقالى انت قدامك عربيتين ودخلت من البوابة ركنت ورا العربيتين وكانت بداية اليوم جميلة اتبسطت جدا من اول مقابلة , وبعدين الساعه جت 9 لقيت المهندس جه ومعاه امر الشغل وقالى في اى مشاكل في العربية قولتله على حكاية الصوت اللى بيجي من ورا في العربية وان الفتيس خشن ولمبة حزام الامان , وبعدين جه واحد اخد العربية دخلها الورشة الكلام ده كان الساعه 9.15 تقريبا , وبعدين طلعت الاستراحه علشان اشوف العربية من فوق وهى بتتعمل , الساعه جت 11 والعربية زى ماهى جوه الورشة محدش بص عليها , مع العلم ان كل العربيات اللى دخلت بعدى كانت بتمشي , قولت ما علينا نستنى ونصبر الساعه جت 12 , وانا خلاص زهقت بقي , المهم نزلت تحت اشوف ايه الحكاية قالولى اتصل بالمهندس على رقم 119 على الداخلى , اتصلت بقوله على العربية لقيته بيقولى ان مفيش امر شغل للعربية قولتله يعنى ايه قالى يعنى دور على اللى عاملك امر الشغل , روحت خرجت بره وقعدت ادور على اللى بيعملوا اوامر الشغل لحد مالقيت اللى كان عاملى وقولتله راح داخل معايا جوه علشان يشوف ايه الحكاية المهم لقيته خارج بيقولى امر الشغل جوه موجود , والعربية عشر دقايق وهتتعمل , قولتله ماشي , المهم طلعت فوق الاستراحه الساعه جت 1.10 ومحدش قالها سلامو عليكم , انا بقي خلاص اتنرفزت جدا وروحت داخل على مدير التوكيل قولتله حصل كذا وكذا , راح قالى هو انت حاجز ؟ قولتله انا اتصلت يوم الاحد وقالولى تعالى على طول ولو مش مصدقنى انا مسجل المكالمة على تليفونى اهو اسمعهالك ؟ , راح قالى انا على فكرة كنت تحت ولسه شايف العربية داخله دلوقتى الورشة , انا طبعا الكلمة دى استفذتنى كنت هخرج لفظ مش حلو خالص , المهم انا طلعت فيه بقي وقعدت ازعق وقولتله يعنى انا كذاب وانتوا بتستهبلوا والناس عمالة تمشي اللى جاى الاخر ومفيش نظام , المهم راح متصل بالمهندس تحت وقاله يعمل العربية , والعربية خلصت وطلعت واستلمتها الساعه 2.10 الظهر وقابلنى الراجل اللى دخل العربية واستغرب وقالى هو انت لسه ممشتش ؟ طبعا ضحت ومشيت بصراحه انا بقالى 3 سنين بتعامل مع توكيل رينو عمرهم ماعملوا فيها كده , انا لاحظت بقي في توكيل بي واى دى ان الخدمة زبالة مش سيئة وبس لان ناس كتير حصل معاهم زى ماحصل معايا النهاردة ومش هقول اكتر من كده |
#2
|
|||
|
|||
رد: عملت صيانه الالف كيلو النهاردة وياريتنى ماروحت
معلش بس دا العادى هتتعود على كدة
انت لما العربية تدخل ساعات بيعملو كدة فعلا فتسيبهم نصف ساعة و بعدها تنزل تعمل الحوار دة على فكرة انا كنت عندهم اقل من شهر و بردو امر الشغل ضاع بس و انا فى الاستراحة قالى امر الشغل فين هههههههههه بس الصراحة تتقال هما بيحلو المشكلة بس مشكلتهم الوحيد ان مافيش نظام عديها معلش هتتعود دى مرة كل فترة |
#3
|
||||
|
||||
رد: عملت صيانه الالف كيلو النهاردة وياريتنى ماروحت
مبروك العربية ... والحمد لله عدت على خير ... انت تشوفلك ميكانيكى وكهربائى محترم فى محافظتك وريح دماغك ... مش هاينوبك غير السفر وحرقت الدم والنرفزة وعمرهم ما هينصلح حالهم .... ده من الاخر
|
#4
|
|||
|
|||
رد: عملت صيانه الالف كيلو النهاردة وياريتنى ماروحت
ده العادى بتاعهم .... إستحمل لحد صيانة ال 5 أو ال 10 لحد ما تطمن على العربية إن ما فيهاش عيب خطير وبعد كده تاخد بنصيحة الأستاذ إيهاب
|
#5
|
|||
|
|||
رد: عملت صيانه الالف كيلو النهاردة وياريتنى ماروحت
شكرا ليكم ياجماعه على المرور بس حصل حاجة النهاردة لازم اقولها , اتصلت بيا الأستاذه داليا من خدمة العملاء واعتزرت جدا على اللى حصل امبارح ووعدتنى ان ده مش هيتكرر تانى , انا بشكرها جدا على زوقها واحترامها وانها اتصلت بيا , بس اهم حاجة ان فعلا في التوكيل يحلوا المشاكل اللى بتحصل دى مع العملاء ويمشوا بنظام اكتر لان تقريبا العربيات كلها مبتاخدش وقت في الصيانه فلو مشيت العملية بالدور وبنظام هيبقي جميل جدا والواحد يمشي وهو مبسوط , ويالا المسامح كريم لما نشوف المرة الجاية بقي
|
|
|