استفسار ضروري للاهميه

[jojojojojo]

السلام عليكم وكل عام واعضاء المنتدي بخير انا من المنصوره وكنت عايز اسال عن مركز خدمه وصيانه نيسان اللي في المنصوره وبالتحديد ميت القرما انا سالت خدمه عملاء نيسان اقلي ان المركز ده تحت الاختبار ومش معتمد بس ممكن التعامل معها بس لو فيه مشكله مش مسؤل عن العربيه وان اقرب مركز ف طنطا وطبعا هي بعيده عني فانا عايز اسال رايك حضرتكم ايه ولو حد من المنصوره معه صني يقلي هوه راح مركز ايه واتعامل مع المركز اللي ف المنصوره ده وتجربته معاه ايه عشان انا قربت علي صيانه الاف كيلو ان شاء الله وكنت عايز رقم مركز خدمه اللي ف المنصوره عشان مش في الدليل وشكرا وكل عام وانتم بالف خير

[HaMaDa-ToUBaR]

خليك فى مركز طنطا احسن يا عبد الفتاح ومضمون

وبعدين حكاية ان لو حصل حاجة فى العربية فى فرع المنصورة ملهومش دعوة مش داخلة دماغى ازاى يعنى ملهومش دعوة مش تبعهم وبعدين انا اول مرة اسمع عن مركز صيانة معتمد تجريبى ... جايبين ناشئين مثلا ولسة بيجربوهم فى الناس ..

اسمع الكلام وخليك فى مركز طنطا وسيبهم هما يجربو براحتهم دول بيتلككو لاى حد علشان الضمان والكلام دة وميمهمش لما تروح مشوار طنطا مرة وتريح دماغك بعد كدة احسن ما تكسل ولقدر الله ممكن يحصل حاجة وتبهدل نفسك

[الفهد الاسمر]

مركز المنصورة دة مركز خاص بالسبع اوتوسيرفيس ودة طبعا توكيل متعمد وقوى لنيسان والاكتر من كدة انة بيقبل تغير قطع الغيار فى الضمان ودة اكبر دليل على ان نيسان معتمدة للمركز دة وكمان بيختم الفاتورة بختم السبع اوتوسيرفيس وكمان كتيب الصيانة والضمان بنفس الختم
الموضوع كلة ان المركز جديد فعلا ولسة منزلش فى كتيب الصيانة ومتعملش تحديث للبيانات فى الاستعلامات
ودى الصفحة الرسمية لمركز السبع اوتوسيرفيس
http://www.facebook.com/Elsaba.Autoservice
خش اسئلهم وافهم منهم بشكل اكبر

[jojojojojo]

انا متشكر جدا ياباشا بس هوه حضرتك اتعاملت معاه وومكن رقم تليفون المركز