المعاملة من البداية مش ...............ظريفة

[ahmed000mon]

المشاركة الأصلية كتبت بواسطة gad_fcis سيدي الفاضل أولاً نصيحة مني خليك في ال-BYD حتى لو كان التعامل مش كويس و ذي ما قلت قبل كدة كبيري هتأخر شوية في الإستلام بس هكسب عربية أنا عارف قيمتها و كمان فيه الأستاذ عماد حبيب و الاستاذة داليا من الصيانة فمشاكل الصيانة تكاد تكون محلولة من قبل ما اشتري العربية و كمان العربية حتى لو مش عايز تعملها صيانة في التوكيل ممكن بسهولة تعمل الصيانة برة لتوافق قطع الغيار مع عربيات أخرى و انتشارها taxi ثانياً أنا كنت اشتكت من سوء معاملة العاملين بفرع النزهة ، بس للأمان بعد كتابة الموضوع على المنتدى لقيت تغير كلي في المعاملة من أستاذ مدحت (و إن كان أستاذ خالد مدير المعرض لسة على نفس الوتيرة)و الراجل أصبح في منتهى الذوق و الاحترام معايا و نصيحة أنا رأيي لو عايز تستفسر عن حاجة أو حتى تحجز العربية تعامل معه هو بسسسسسس و لو عايزني أبعتلك رقمه على الخاص أنا معنديش مانع و ابقى قوله أنا من طرف محمد جاد عشان هو حفظني خلاص :D

هو حضرتك لم تتسلم سيارتك حتي الان لعل المانع خير

[tifa_1979]

انا ليا رائى فى موضوع المعامله فى المعارض شركة الامل
اولا لازم نعرف كلنا ان شركة الامل قبل الحصول على توكيل byd كانت اقرب الى شركة قطاع عام او حكومة شوية يعنى ناس مش متعوده على ضغط الشغل اوالتعامل مع العملاء
ومش معقولة ان الشركة سوف تغير جميع العاملين بها بعد الحصول على توكيل ولكن اعتقد الشركة عملت على تعيين ناس جديده فى مراكز الخدمة سواء من مهندسين استقبال اومهندسين فى الورشة واعتقد الفترة الجاية سوف يقوموا بتعيين ناس فى المعارض لتفادى هذه المشكله
ثانيا : انا شايف انه فى متابعة دقيقة جدا من استاذ/ عماد والاستاذه/ داليا لاى مشكله تكتب فى المنتدى على السيارة يعنى معاك ناس نشيطه هتساعدك فى المشكله
ثالثا : ان شايف ان التاخير فى الاستلام وتكون السيارة كويسه احسن من تستلم سيارة بها مشاكل وتعمل على حلها فى التوكيل
رابعا : ارجو من القائمين على شركة الامل ان يبلغوا المعارض بتواريخ الاستلام بدقه حتى تتفادى حدوث مثل هذه المشاكل
والله الموفق

[Kilany2011]

المشاركة الأصلية كتبت بواسطة samirsaber اخوتي اعضاء المنتدى قمت اليوم باخذ رقم معرض السيارات بتاع شركة الامل اللي فى باب اللوق بعد ماسمعته عن سوء المعاملة فى معرض النزهة من الاخ الكريم محمد جاد من بعض العاملين وذلك للسؤال عن سعر السيارة و الالوان المتوفرة منها و كانت المكالمة كالاتي : انا : السلام عليكم القائم بالرد: و عليكو السلام انا: معرض الامل للسيارات القائم بالرد :إن شاء الله ( بمنتهي البرود وعدم الاهتمام بالمتصل أو ترغيبة حتي فى اكمال المكالمة) انا: كنت بسأل عن سعر العربية BYD القائم بالرد: 69000ج ( الكلمة على اد السؤال) انا : مانيوال القائم بالرد :إن شاء الله انا: ايه الالوان المتوفيرة الان؟ القائم بالرد :إن شاء الله ( بنفس نبرة الصوت وعدم الاهتمام بالمتصل أو ترغيبة حتي فى اكمال المكالمة) انا : يعني كل الالوان موجودة القائم بالرد :إن شاء الله (و بنفس نبرة الصوت وعدم الاهتمام بالمتصل أو ترغيبة حتي فى اكمال المكالمة) انا: شكراً _ثم اغلق التليفون انا مستغرب هي المعاملة هتكون كده من البداية و لا إيه؟؟؟؟؟؟؟؟؟؟؟؟؟ حد يفيدني لاني فعلا بفكر اجيب العربية ديه .........و لا اغير رأي و ارجع للانوس

الاخ الفاضل
نصيحة لوجه الله تعالى توكل على الله واشترى العربية لانها اكثر من رائعة وتوكل على الله واذهب الى معرض رياض عمران بباب اللوق فقد قمت بشراء سيارتى من هناك باقل 500 جنية عن معرض الامل منذ 4 اشهر والتسليم خلال اسبوع اواسبوعين على الاكثر وهم اناس اكثر من محترمين وعن تجربة .

[Egy News]

المعامله في كل التوكيلات كده

انا عمري ما شوفت زي معارض العربية ديه بجد ده تقريبا مش النزهه بس ده كله كدا قلة ادب ولا يعرفوا معني التعامل مع العملاء فاكرين نفسهم بيعاملوا صوماليين