|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
|||
|
|||
جديد ولاّ مستعمل؟
أنا متعلّمه السواقه من 3 شهور بس .. و كنت عاوزه أشترى عربيه جديده .. و قرأت مشاركات كثيره هنا تعارض بشدّه هذا الاتّجاه و تنصح بشراء مستعمله فى الأوّل لمدّة سنه على الأقل و بعدين نشترى جديد ..
بس الفكره إن عشان أشترى عربيه مستعمله ماتعملش معايا مقالب و تكون اتوماتيك و فيها تكييف يبقى مطلوب ما لا يقلّ عن 50 ألف جنيه .. إن ماكانش أكتر و كما قرأت هنا فى المنتدى بردو أسعار المستعمل فى النازل يعنى أعتبر ال 50 ألف دول ضاعوا بعد سنه لو حبيت أشترى العربيه الجديده و بصراحه ده مبلغ كبير بالنسبه لى عشان أضحّى بيه ببساطه كده .. غير إن نفسى أشترى عربيه جديده و حاسّه لو اشتريت عربيه مستعمله هيكون فيه بينى و بينها حاجز نفسى و مش هابقى حابّاها .. يا ترى حد عنده أى تعليق أو نصيحه بشأن الموضوع ده؟ أنا حتى فكّرت أشترى العربيه جديده و أركنها تحت البيت و أخرج بيها كل أسبوع مرّه مثلا مشوار صعب لحد ما أتعلّم كويّس و أقدر أروح بيها الشغل كل يوم بس حاسّه لو عملت كده الناس هتقول إيه العبط ده؟ معلش أنا مش عارفه التبويب بتاع الموضوع صحّ كده ولاّ إيه بس ممكن طبعا تغيّروه للمكان الصح |
#2
|
رد: جديد ولاّ مستعمل؟
بصي يا فيروز
العربيه الجديده ليها طعم و احساس تاني غير كده حاجه مهمه اوي لما تتعلمي علي عربيه جديده معناها انك حتتعلمي صح و حتقدري تبني مهارات في القياده علي اسس سليمه لسبب بسيط و هو انك متعلمه علي عربيه جديده يعني كل حاجه فيها صح الصح بعكس العربيات القديمه زي ال 128 و ما الي ذلك يخلي الواحد يكتسب عادات غير سليمه و بتفضل معاه طول عمره و من الصعب انه يغيرها بسهوله يبقي الاحسن ليكي انك تجيبي عربيه زيرو او مستعمله استعمال خفيف تمشي و تتعلمي عليها و زي ما بتقولي كده تركنيها و تاخديها كل شويه تتعلمي عليها بالراحه لحد ما تتقنيها السواقه ممارسه اصلا. لو بتفكري في الاسعار فخلي بالك ان الزيرو بينزل اكتر من المستعمل بكتير يعني لو جبتي عربيه ب 50 الف زيرو توقعي السنه الجايه و انت بتبيعي حيتقال فيها 35 الف!!!! يبقي الافضل تجيبي عربيه مستعمله استعمال خفيف (كسر زيرو زي ما بيقولوا) حتبقي كأنك جبتي عربيه جديده و في نفس الوقت ما خسرتيش الخساره البشعه بتاع الزيرو لما تيجي تبيعي. و اركبيها و اعملي فيها اللي عاوزاه و يوم ما حتبيعي مش حتخسر 5000 جنيه علي بعضهم
__________________
حـازم خـضـر
|
#3
|
|||
|
|||
رد: جديد ولاّ مستعمل؟
ما هو من ضمن أسباب رغبتى فى شراء عربيه جديده إنّى مش بافكّر أصلا أبيعها بسرعه .. ده إذا فكّرت يعنى فى البيع من أساسه .. بصراحه أنا مش من هواة التغيير أوى و باتخيّل بعد ما آخد على العربيه و اعتاد عليها -إن شاء الله يعنى- مش هابقى حابّه أوى أبيعها غير لأسباب قهريه .. كمان بيبقى عندى شك فى موضوع كسر الزيرو ده .. إيه اللىّ يخلّى حد يبيع عربيه شبه جديده و يخسر فيها إلاّ إذا كان فيها عيب جامد؟ كمان الفرق بين سعر الزيرو و سعر كسر الزيرو حسب ما سمعت مش بيكون كبير يعنى هادفع تقريبا نفس المبلغ بس العربيه مش هتكون جديده ptmnlo123per144 ده اللىّ بافكّر فيه يعنى و يمكن أكون فاهمه غلط |
#4
|
|||
|
|||
رد: جديد ولاّ مستعمل؟
المشكله انك لسه بتتعلمى يعنى العربيه الجديده معرضه معاكى لانها تتبهدل وكده هتزهقى منها لما تشوفيها متبهدله ولو حبيتي تبعيها هتخسري فيها جامد اوى لانها زيرو وحالتها مش هتكون حلوه
خليكي في حاجه مستعمله حلوه تتعلمى فيها براحتك لحد ما تحسي انك بتسوقي كويس وبعدها هاتى زيرو علشان تقدرى تحافظى عليها وربنا يباركلك في العربيه اللى هتجبيها |
#5
|
|||
|
|||
رد: جديد ولاّ مستعمل؟
جديد ولا مستعمل هيتوقف علي اكتر من نقطة
1- طريقة الدفع كاش ولا قسط لو قسط يبقي الجديد أحسن 3- معرفتك بأشهر اعطال السيارات وكيفية التعامل معها وطالما انتي جديدة يبقي مش هتعرفي تتعاملي معاها هتسيبي العربية في الشارع وتاخدي تاكسي 4-مستواكي في القيادة لان لو مستواكي ضعيف هتخبطي العربية وبالتالي لازم متكونش زيرو لان الزيرو بيقل جامد وكامن متخبطة يعني هتطري ترشيها وبالتالي سعرها ينزل اكتر 5-غرض السيارة يعني لو عايزة تقضي الغرض يبقي حاجة صغيرة وخلاص طولت عليكي من الاخر ممكن تجيبي ماروتي استعمال سنة بالكتير اوي او اي عربية صغيرة كدة استعمال سنة اقصي حاجة |
|
|