vectra 2001

[that's me]

انا لسا ميح في العربيات كل اللي بعرف اعمله اني اسوق و لكن عمري ما اشتريت عربيه و لا عارف اعمل ايه لما اجي اشتري عربيه بس ياريت يا جماعه انا ان شاء الله هشتري اوبل فكترا 2001 لانها من كلامكوا كده جامده و اهم حاجه ثابته و انا الصراحه في السرعه ربنا يحفظني بجد المهم انا معرفش هعمل ايه ياريت لو تقولوها خطوات يعني منهم اني اروح التوكيل و اعرف ازاي ان العربيه متخبططش يعني من الاخر لو واحد فيكم رايح يشتري عريه هيعمل ايه و هياخد مين معاه يعني ميكانيكي و كده ياريت تقولوها خطوات

[geuvara_2010]

تاخد العربيه ترفعها في التوكيل او اي مركز صيانه محترم و تقولها انا هاشتري و عايز اكشف عن العربيه و تاخد معاك حد بفهم في العربيات و تتاكد ان الشاسيه سليم و القايم مضبزط و كبس الموتور كام في الميه و سعر العربيه مناسب ولا و العربيه رشه ولا مش رشه

[that's me]

اول حاجه شكرا بجد علي ردك
تاني حاجه كل الحوار ده يتلكف كام

[Ahmed_lol2007]

ياباشا أنا كنت رديت عليك فى الموضوع التانى بس المهم
السلام عليكم ورحمة الله وبركاته
حضرتك بالنسبة لأوبل فيكترا لو مش هى اللى تستحمل السفر مين اللى هيستحمل حضرتك أنا معايا 98 ومخيط لانسر 2007 وصنى كتير وثبات أحسن من أى يابانى وقطع الغيار موجودة عندك أستيراد وجديد والجديد فى منه كذا درجة بس طبعا الاصلى بيعيش يعنى تركبه وتنساه لان العربية معمرة جدا مميزاتها ملهاش حصر من أول الباور لحد ABS والمفتاح المشفر والايموبلايزر وحاجات كتير جدا من الاخر والله العربية محترمة جدا بس أهم حاجة الحالة العامة للعربية لو كويسة أتوكل على الله وخدها لو تعبانة يبقى بلاش منها واهم حاجة تكشف على التكييف بتاعها . ولو أحتجت أى حاجة فى الفيكترا أنا معاك هنا

[mgkandeel]

ممكن حد يقول ايه مميزات العربية والعيوب بصراحة شديدة