#1
|
|||
|
|||
اشتريت اكسيل و محتاج مساعدتكم
السلام عليكم و رحمه الله و بركاته
الحمدلله ربنا كرمنى و اشتريت عربيه هيونداى اكسيل 1500 موديل 96 بمواصفات خليجيه و العربيه مش عايزه غير وش نظافه عشان فيها خربشه وخبطه تترد ع البارد مش اكتر و اشتريتها ب 34 الف مع العلم الرخصه و الفحص لحد 2015 يعنى سنتين و نص و التكييف شغال و الدواخل سليمه الحمدلله ..... 1 - السعر معقول و لا غالى شويه 2- عايز اغير زيت انضف حاجه ايه للاكسيل و اغير الزيت كل قد ايه ؟ و شكرررررررررررا |
#2
|
|||
|
|||
رد: اشتريت اكسيل و محتاج مساعدتكم
استعمل زيت اتشيل حلو كل الفين كيلو ولو انتا بتمشى كتير مافيش بقا عير موبيل ودا سعرة عالى شويا بس بيبقا منة 5 الف كيلو و10 الف كيلو |
#3
|
|||
|
|||
رد: اشتريت اكسيل و محتاج مساعدتكم
متشكر لحضرتك جدا بس معلش سؤال ع السريع دلوقتى عندى صوت ونه كده و لما بدوس دبرياج بيروح و كمان لما بجيب اول غيار العربيه بتنتش منى بس ف الغيارات التانيه بتكون عادى
ناس قالتلى بليه الدبرياج عايزه تتغير و ناس تانيه بليه الفيتيس او تغير الفيتيس كله طب لو مغيرتوش ده ممكن ياثر ع حاجه ف العربيه و شكرا |
#4
|
|||
|
|||
رد: اشتريت اكسيل و محتاج مساعدتكم
السلام عليكم ورحمة الله
ربنا يباركلك فيها يارب ويديلك خيرها ويكفيك شرها يارب بالنسبة للسعر طبعا حسب الحاله بالنسبة للزيت على حسب حالة الموتور لو مظبوط ومش خفيف او الزيت مش بينقص ودخان الشكمان مظبوط ممكن تستعمل مثلا شل الاصفر وتغيره كل 3 الاف كم او شل الاحمر متعدد الدرجات 20-50 وتغيره كل الف ونص او الفين كم بالنسبة للونه دى بلية فتيس لانك لما بتدوس دبرياج بتفصل احتكاك التروس فالصوت بيروح شوف حد يغيرها بس قوله قبل ما يشتغل لو الصوت مراحش والنقلة ظبطت مش هحاسبك ؟ لان ممكن تصرف وميتظبش وساعتها هتجيب فتيس استيراد وربنا يوفقك
__________________
لا اله الا انت سبحانك انى كنت من الظالمين اللهم ردنا الى دينك ردا جميلا تباركت ربنا وتعاليت
|
#5
|
||||
|
||||
رد: اشتريت اكسيل و محتاج مساعدتكم
مبروك يا باشا ع العربية ربنا يديك خيرها ويبعدك عن شرها وشر الطريق ..
السعر معقول لو العربية حالتها كويسه (الصالون والدواخل اهم حاجة) .. بالنسبه للونه دى بليه دبرياج واحتمال كبير على وصفك بالنسبه للتنتيش فى الطلعه تكون محتاج ديسك واسطوانه .. فنصيحتى ليك هات طقم دبرياج كامل (ديسك واسطوانه وبليه) .. وانصحك اوى بالطقم الاوريجينال بلاش الفاليو لانه مش بجوده الاوريجينال على عكس اللى هيقولك عليه الميكانيكى او بتوع قطع الغيار .. والكلام ده عن تجربة مع عربية فيرنا .. هو طبعا الاوريجينال اغلى (فى حدود 500 جنية) والفاليو بحوالى 380 جنية بس الفرق فى السعر يستاهل .. بخصوص الزيت انصحك بزيت شل سواء الاحمر (بيتغير كل 1500 الى 2000 كيلو) او الاصفر (من 3500 الى 4000) زيت نضيف اوى وبيتحمل الحر والسخونه .. ونصيحه بلاش موبيل ..
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ |
|
|