استفسار عن فك ابواب لانوس 2 كامله

[fesal.almasry]

عايز افك ابواب لانوس 2 كامله ازاز كهربا عشان عايز اركب عازل حراري ولباد عشان الصوت والحراره عشان لما بشغل التكييف واطلع برا واقفل الأبواب بلاقي سقوعه طالعه من اكر العربيه من برا يريت تفيدوني بالصور مش عايز صنيعيه يمدو ايديهم عشان مبثقش في حد

[الصقر_الجارح]

متابع باهتمام,

وياريت اعرف العازل الحراري واللباد دول عبارة عن ايه وبيتجابو منين وبيتعملو ازاي؟

لأني أنا كمان بفكر أعمل عزل كامل للعربية عندي.

[احمد على 1999]

بسم الله الرحمن الرحيم
بص يا باشا معلش هيا من الذاكرة
اكيد تقصد فرش الباب مش الباب كله
لو تقصد الفرش
فده اللى انا عارفه

1. تفك حلية الاكره مفك رفيع بشويش و يا سلام لو بحاجة بلاستيك شبه المفك عشان التجريح
2. تفك المسمار الرأسى اللى فى المقبض
3. بايدك تحاول تحرك وحدة الزرارير بتاعة الازاز لقدام او لورا مش فاكر بس حتتحرك معاك و تطلع بسهولة و بميل
4. تفك الفيشة اللى واصلة بوحدة التحكم عن طريق انك تضغط على المشقبية البلاستيك اللى فى الفيشة و انت بتشدها هيا جامدة شوية بس خلى بالك متشدش من السلوك
5. تفك المسامير اللى فى الحواف
6. بمفك رفيع بشويش تفارق الفرش من جسم الباب و تحط ايدك فى الاماكن اللى متثبتة جامد لان ديى اماكن كابس و بايدك لبره تنطر الفرش من مكانه واحدة واحدة تقريبا مكبوس فى 3 اماكن
7. كده الفرش بره
8. حتلاقى الباب متقفل بستارة بلاستيك بيضاء
9. غير انها ملزوقة تقريبا القاعدة اللى بيمسك فيها مقبض الباب بالمسمار الراسى تقريبا القاعدة ديى ماسكة على الستارة البلاستيك فحتحتاج تفكها عشان متقطعش الستارة
10. فك القاعدة سهل هيا ماسكة بمسمارين
11. بشويش حتفك لزق الستارة طبعا لما تيجى تركب حتستخدم سولوتيب عريض

لغاية كده تمام
لو عايز فك الازاز و المكنة و القضيب قول ؟

[fesal.almasry]

يريت صور للتوضيح جزاكم الله خيرا

[biomedo]

المشاركة الأصلية كتبت بواسطة احمد على 1999 بسم الله الرحمن الرحيم بص يا باشا معلش هيا من الذاكرة اكيد تقصد فرش الباب مش الباب كله لو تقصد الفرش فده اللى انا عارفه تفك حلية الاكره مفك رفيع بشويش و يا سلام لو بحاجة بلاستيك شبه المفك عشان التجريح تفك المسمار الرأسى اللى فى المقبض بايدك تحاول تحرك وحدة الزرارير بتاعة الازاز لقدام او لورا مش فاكر بس حتتحرك معاك و تطلع بسهولة و بميل تفك الفيشة اللى واصلة بوحدة التحكم عن طريق انك تضغط على المشقبية البلاستيك اللى فى الفيشة و انت بتشدها هيا جامدة شوية بس خلى بالك متشدش من السلوك تفك المسامير اللى فى الحواف بمفك رفيع بشويش تفارق الفرش من جسم الباب و تحط ايدك فى الاماكن اللى متثبتة جامد لان ديى اماكن كابس و بايدك لبره تنطر الفرش من مكانه واحدة واحدة تقريبا مكبوس فى 3 اماكن كده الفرش بره حتلاقى الباب متقفل بستارة بلاستيك بيضاء غير انها ملزوقة تقريبا القاعدة اللى بيمسك فيها مقبض الباب بالمسمار الراسى تقريبا القاعدة ديى ماسكة على الستارة البلاستيك فحتحتاج تفكها عشان متقطعش الستارة فك القاعدة سهل هيا ماسكة بمسمارين بشويش حتفك لزق الستارة طبعا لما تيجى تركب حتستخدم سولوتيب عريض لغاية كده تمام لو عايز فك الازاز و المكنة و القضيب قول ؟

الخطوه رقم واحد حاولت اعملها و معرفتش حطيت المفك تحتها و ارفع لفوق و متطلعش ممكن اي نصائح