#1
|
|||
|
|||
اتمنى الرد من خبراء 131 .1600
من فضلكم ارجو الافاده فى فرش سياره 131 وايضا طريقه تجديد السياره وما هو الترتيب وما هو الجنط المناسب هل هو 14 او 15 بوصه ولو فيه صور يبقى كتر خيركم
|
#2
|
||||
|
||||
رد: اتمنى الرد من خبراء 131 .1600
السلام عليكم ورحمة الله فرش السيارة حسب امكانياتك بس لازم الاول الكراسى تكون متنجدة كويس والشاسية سليم وبعد كدة انت وميزانيتك فى حاجات تلبيس وفى حاجات بتتخيط على الكراسي واقلها سعرا مثلا 180 جنية وطريقة تجديد السيارة لو هاتعمل عمرة للموتور تفكة وتودية للميكانيكى وتودى العربية للسمكرى يعمل اللى فيها وبعدين تروح للبوهيجى تترش وبعدين الميكانيكى يسقط ماتورة تانى وتشوف العفشة والفرامل وضبط الابواب والكهربائي وبعدين تروح للبوهيجى تانى يفنشها وبعدين لو هاتركب كاوتش جديد وجنوط
__________________
يااااااااااااا رب إرحمنا بقدرتك علينا |
#3
|
||||
|
||||
رد: اتمنى الرد من خبراء 131 .1600
حاول تخلى طلبك اكثر تحديد علشان نعرف نجاوبك
__________________
لا تعش فى يومك ان كان يومك متعباً لك بل عش فى غدك تجد يد الله تمتد اليك
|
#4
|
|||
|
|||
رد: اتمنى الرد من خبراء 131 .1600
اعتقد ان الاخ الفاضل عاوز يشد العربية بالكامل فعاوز يعرف ايه ترتيب الشغل عند الصنايعيه
بالنسبة للجنوط الاصلي بتاعها فى العاده بيكون مقاس 13 هوا الجنط المروحه ( بيسموه كده ) الفرش لو تعرف تشوف الفرش بتاعها الاصلي او حاجه تكون اقرب له ( سواء استيراد او تفصيل ) الترتيب ( بعض الافكار ) فى حاله التجديد الشامل الراجل اللي بيركب وبيفك طقم الصوت ( لو فيه فى العربية طقم صوت يتفك الاول علشان الصنايعيه مش يعيشوا عليه و تلاقيه فى الاخر مش مساوي ) الكهربائي ( فك الفوانيس والعدادت وكهرباء التابلوه كافه متعلقات الكهرباء ) السروجي ( فك الفرش من صالون وباب و باكتات و كوبسته و اي كنسوله تابلوة لو موجوده و اعمل حسابك فى مكان أمين تشيل فيه حاجتك لان مفيش حد هيحافظ علي حاجتك غيرك بس لو مفيش مفر ممكن تبقي تسيب الكراسي و الكنبه والسجاده عند السروجي وتاخد الحاجات اللى ممكن تضيع من عنده بشرط انه مش يعلق اي حاجه منهم على الحائط ويسيبهم على الارض لان الكوبسته بتاعتي اتقطعت من كده ومش عارف الاقي زيها ) تغطي طارة الدركسيون بطارة قديمه او بحاجه او تلف عليها قماش وتربطه كويس علشان ايد الصنايعيه مش تلحوسها و ممكن فى الدوكو ان معجون يدخل فى المسامات المفتوحه فى الطاره ويكون صعب التنظيف ) و متخليش فى العربية اى ادوات غير الفرده الاستبن لو انت هترش ولو مش هترش شيلها منها وحطها فى الجراج وبعد كده تعمل زي ما الاخ الفاضل مستر استرا قال لو عمره او طقم شنبر الميكانيكي يفك الماتور السمكري ( يشوف شغله فى العربية ) ولازم تنقي سمكري كويس لان شغله هوا الاساس والبوهيجي ( يشوف شغله لحد قبل ما يفنشها ) مش تنقي سمكري وبوهيجي عارفين بعض ولا سمكري يوديك لبوهيجي عارفه علشان بيداروا علي عيوب شغل بعض و ترجع تاني للمكانيكي يسقط الموتور وتشوف العفشة والفرامل و تضبط الابواب والكهربائي وترجع تاني للبوهيجي يفنش شغله وربنا يبارك لك فيها ويكفيك شرها
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S |
#5
|
||||
|
||||
رد: اتمنى الرد من خبراء 131 .1600
الأخ الكريم تامر فرج بعد التحيه وفى ما يتعلق بمقاسات الجنط إللى ممكن تركيبه على عربية حضرتك فأنا ليا راى لو سمحتلى فى الموضوع ده وهو إنك لو ضرورى تركب جنط مقاس اكبر من الإستندارد بتاع العربيه فيكون مقاس نمره واحده اكبر مش أكتر من كده بمعنى إن فى حالتك دى تركب 14 بس مش 15 وده فى رايى افضل لعفشة العربيه وكمان لان المقاسات الاكبر هتكون حمل أكبر على أجزاء العفشه وممكن تدخلنا فى حسابات تانيه علشان نتلاشاها هنحتاج تعديلات زى مثلا أبعاد تجويف الرفرف وإحتمالية إن الكاوتش يحك اثناء الإنعطافات الحاده فى حرف الرفرف او اثناء المطبات الهوائيه وكمان ناس كتير إشتكت من إن عربياتهم بدأت تعوم بعد تركيب جنوط مقاسات أكبر بكتير من الإستندارد وزى ما قولت ده مجرد رايى الشخصى مع إحترامى لرأى الناس إللى بتقول إن المقاسات الكبيره بتدى تقل وثبات أكتر للعربيه على الطريق إلا إنى بختلف معاهم وطبعا لك مطلق الحريه فى النهايه وتقبل تحياتى
__________________
|
|
|