فك الفرش لعمل عزل للعربيه

[امير المصري]

انا يا جماعه عضو جديد وكنت عايز طريقه فك فرش العربيه
انا ناوي افك العربيه واعملها عزل بطبقه لباد وفوم حراري ان شاء الله عشان الاصوات وتسريب التكييف والحجات دي
فيريت تساعدوني واوعدكم اني اصور خطوه خطوه بأذن الله

[Dr.Khaled Youssef]

المشاركة الأصلية كتبت بواسطة امير المصري انا يا جماعه عضو جديد وكنت عايز طريقه فك فرش العربيه انا ناوي افك العربيه واعملها عزل بطبقه لباد وفوم حراري ان شاء الله عشان الاصوات وتسريب التكييف والحجات دي فيريت تساعدوني واوعدكم اني اصور خطوه خطوه بأذن الله

منتظظظظظظرررررررر

[ALNAZER]

المشاركة الأصلية كتبت بواسطة Dr.Khaled Youssef منتظظظظظظرررررررر

بص يايا باشا اولا اللى بيكلمك سروجى سيارات و ليا جروب على الفيس بوك اسمه الناظر لفرش السيارات لما تحب تدخل و تشوف اعمالى
ومتسألنيش انت فاتح فين لانى بالتأكيد انا بعيد أوى أوى عنك لانى من أسوان
بالنسبة لفك الفرش : انت هتحتاج مفك عادة و مفك صليبة و زاوية 12/13 طويلة
1- فك الكرسى الامامى اليمين :
ترفع دراع المجرى بتاع الكرسى و ترجع الكرسى لورا على الاخر وتبص من قدام تحت الكرسى هتلاقى مسامرين فى طرف المجرى هتفكهم بالزاوية واحد موجود من برا ناحية الباب و التانى موجود من جوا ناحية قفل الحزام
بعد ما تفكهم ترفع دراع المجرى و تقدم الكرسى لقدام على الاخر و تبص على الكرسى من ورا تحت هتلاقى مسامرين عند الطرف الاخر للمجرى واحد من برا و التانى من جوا تفكهم بالزاوية و ترفع الكرسى تطلعو برا العربية
2- فك الكرسى الامامى الشمال : نفس خطوات الكرسى اليمين الظبط بس قبل ما تشيل الكرسى علشان تطلعو برا العربية تحط ايدك تحت الكرسى هتلاقى سلك فى نهايته فيشة لازم تفك الفيشة دى بايدك و هى فيشة حزام الامان و بعدها تطلع الكرسى برا العربية
3- فك المخدة الخلفية :
تفتح الباب الخلفى اليمين و تحط ايدك عند طرف المخدة و تشدها لفوق جامد هتطلع معاك تروح الناحية الشمال و تعمل نفس الخطوة بكده فكيت المخدة من برا و بعدين تيجى بين المخدة و المسند و فى النص بالظبط هتلاقى مسمار تدخل الزاوية بين المخدة و المسند و تفكه و تسحب المخدة على برا العربية
4- فك المسند الخلفى :
هتبص تحت مكان المخدة هتلاقى فى الاجناب مسمارين واحد ناحية اليمين و التانى شمال تفكهم بالزاوية و بعدين تزق المسند لفوق من الجنب اليمين و بعدين من الخنب الشمال و تطلعو برا العربية
و بكده يا حلو تبقى فكيت كل الكراسى بس ناقص حاجة مهمة و هى تشبط كل المسامير اللى انت فكيتها فى اماكنها الصحيحة مرة تانية علشان ما تضعش منك و كمان علشان لما ترجع تركب الكراسى تانى تبقى عارف اماكن تثبيتها و ما تتلخبطش
تيجى بقى لفبرة عصاية الفتيس و فبرة فرملة اليد ( الكنسولة )
تبدأ اولا بكنسولة فرملة اليد :
1- تطلع طفاية السجاير من مكانها هتلاقى تحتها مسمار تفكه بالمفك الصليبة
2- فى طرف الفبرة من قدام و تحت فرملة اليد هتلاقى فبرة صغيرة شكلها بيضاوى مغطية فتحة تستخدم طرف المفك العادة و تنترها بشويش هتلاقى فى الفتحة من جوا مسمار فكه بالمفك الصليبة و طلع الفبرة برا العربية
تيجى لكنسولة عصاية الفتيس :
بعد ما تطلع فبرة فرملة اليد هيظهر مسمار تحتها فى نهاية كنسولة عصاية الفتيس فكه بالمفك الصليبة و بعدين تنزل تحت التابلوه من قدام هتلاقى مسمار فى طرف الكنسولة المامى ناحية اليمين و مسمار تانى ناحية الشمال تفك المسمارين و تطلع الكنسولة بشويش و من غير استخدام العافية و خلى بالك تفك فيش كل من الولاعة و مفاتيح زجاج الكهرباء لو كانت عربيتك من النوع اللى بتكون المفاتيح فيها موجودة بالكنسولة
كده يفضل معاك العتب الفبر اللى عند الابواب و اللى ماسك اطراف دواسة الارضية و دا كله مثبت بكلبسات هتستخدم طرف المفك العادة بعناية و تشدها لفوق لحد ما تفك الكلبسات كلها تطلع معاك الفبرة و بكده بقت الدواسة معاك حرة من جميع الاطراف تطلعلها برا العربية و تبدأ شغلك يا ريس تحط لبادك مكان ما انت عاوز و تثبته بالكلة ( اللزق الخاص ) و ترجع تعمل نفس الخطوات اللى فاتت لكن من الاخر الى الاول بحيث تركب الكراسى الامامية اخر حاجة ......... و معاك ربنا يا مان

[aymangalal]

طيب يا باشا صاحب الموضوع (امير المصرى) حضرتك ماقولتش نوع عربيتك ايه اصلا عشان نعرف هانفك ازاى ازاى؟؟؟
والباشا الناظر كتر الف خير اجاب بإستفاضه وطبعا ده رجل خبره من خلال كلامه ومجال عمله لكن برضه ماوضحتلناش يا حضرة الناظر الخطوات دى بالنسبة لعربية ايه؟؟؟؟
لان كل عربية وكل نوع وكل ماركة او موديل له تركيبة مختلفة عن غيره
يعنى انا مثلا فكيت عربيتى ستروين ax وقبل ما اعمل كده دورت فى الموضوع ده لقيت طرق مختلفة عن الفك والتركيب كل طريقة على حسب العربية نفسها واللى ممكن ينفع معايا ماينفعش عند غيرى واللى مكانه فى الحته الفولانية عندى اكيد مختلف عند غيرى لكن انا عافرت ومن فضل الله فكيت حته حته وكنت بصور كل حاجه عشان ما اتوهش وانا بركب وبرضه ركبت بنفس ترتيب الفك وبرضه عشان موضوع السروجى والعزل وتجديد الصالون ده
وفى النهاية الف شكر يا حضرة الناظر مره تانية على العطاء

[biomedo]

المشاركة الأصلية كتبت بواسطة ALNAZER بص يايا باشا اولا اللى بيكلمك سروجى سيارات و ليا جروب على الفيس بوك اسمه الناظر لفرش السيارات لما تحب تدخل و تشوف اعمالى ومتسألنيش انت فاتح فين لانى بالتأكيد انا بعيد أوى أوى عنك لانى من أسوان بالنسبة لفك الفرش : انت هتحتاج مفك عادة و مفك صليبة و زاوية 12/13 طويلة 1- فك الكرسى الامامى اليمين : ترفع دراع المجرى بتاع الكرسى و ترجع الكرسى لورا على الاخر وتبص من قدام تحت الكرسى هتلاقى مسامرين فى طرف المجرى هتفكهم بالزاوية واحد موجود من برا ناحية الباب و التانى موجود من جوا ناحية قفل الحزام بعد ما تفكهم ترفع دراع المجرى و تقدم الكرسى لقدام على الاخر و تبص على الكرسى من ورا تحت هتلاقى مسامرين عند الطرف الاخر للمجرى واحد من برا و التانى من جوا تفكهم بالزاوية و ترفع الكرسى تطلعو برا العربية 2- فك الكرسى الامامى الشمال : نفس خطوات الكرسى اليمين الظبط بس قبل ما تشيل الكرسى علشان تطلعو برا العربية تحط ايدك تحت الكرسى هتلاقى سلك فى نهايته فيشة لازم تفك الفيشة دى بايدك و هى فيشة حزام الامان و بعدها تطلع الكرسى برا العربية 3- فك المخدة الخلفية : تفتح الباب الخلفى اليمين و تحط ايدك عند طرف المخدة و تشدها لفوق جامد هتطلع معاك تروح الناحية الشمال و تعمل نفس الخطوة بكده فكيت المخدة من برا و بعدين تيجى بين المخدة و المسند و فى النص بالظبط هتلاقى مسمار تدخل الزاوية بين المخدة و المسند و تفكه و تسحب المخدة على برا العربية 4- فك المسند الخلفى : هتبص تحت مكان المخدة هتلاقى فى الاجناب مسمارين واحد ناحية اليمين و التانى شمال تفكهم بالزاوية و بعدين تزق المسند لفوق من الجنب اليمين و بعدين من الخنب الشمال و تطلعو برا العربية و بكده يا حلو تبقى فكيت كل الكراسى بس ناقص حاجة مهمة و هى تشبط كل المسامير اللى انت فكيتها فى اماكنها الصحيحة مرة تانية علشان ما تضعش منك و كمان علشان لما ترجع تركب الكراسى تانى تبقى عارف اماكن تثبيتها و ما تتلخبطش تيجى بقى لفبرة عصاية الفتيس و فبرة فرملة اليد ( الكنسولة ) تبدأ اولا بكنسولة فرملة اليد : 1- تطلع طفاية السجاير من مكانها هتلاقى تحتها مسمار تفكه بالمفك الصليبة 2- فى طرف الفبرة من قدام و تحت فرملة اليد هتلاقى فبرة صغيرة شكلها بيضاوى مغطية فتحة تستخدم طرف المفك العادة و تنترها بشويش هتلاقى فى الفتحة من جوا مسمار فكه بالمفك الصليبة و طلع الفبرة برا العربية تيجى لكنسولة عصاية الفتيس : بعد ما تطلع فبرة فرملة اليد هيظهر مسمار تحتها فى نهاية كنسولة عصاية الفتيس فكه بالمفك الصليبة و بعدين تنزل تحت التابلوه من قدام هتلاقى مسمار فى طرف الكنسولة المامى ناحية اليمين و مسمار تانى ناحية الشمال تفك المسمارين و تطلع الكنسولة بشويش و من غير استخدام العافية و خلى بالك تفك فيش كل من الولاعة و مفاتيح زجاج الكهرباء لو كانت عربيتك من النوع اللى بتكون المفاتيح فيها موجودة بالكنسولة كده يفضل معاك العتب الفبر اللى عند الابواب و اللى ماسك اطراف دواسة الارضية و دا كله مثبت بكلبسات هتستخدم طرف المفك العادة بعناية و تشدها لفوق لحد ما تفك الكلبسات كلها تطلع معاك الفبرة و بكده بقت الدواسة معاك حرة من جميع الاطراف تطلعلها برا العربية و تبدأ شغلك يا ريس تحط لبادك مكان ما انت عاوز و تثبته بالكلة ( اللزق الخاص ) و ترجع تعمل نفس الخطوات اللى فاتت لكن من الاخر الى الاول بحيث تركب الكراسى الامامية اخر حاجة ......... و معاك ربنا يا مان

شكراً
بس هو انت بتشرح على اني عربيه