للرد على استفسارات الاعضاء والدعم الفنى لمالكى الفيرنا

[احمد سويلم]

المشاركة الأصلية كتبت بواسطة waelsalah السلام عليكم ورحمة الله العربيه بدات اول حكة تقريبا فى علبة الشكمان مع ان لسه اسطوانة الغاز فاضيه مع حمولة شخصين بالخلف ايه هى التعلية المثلى للعفشه الخلفيه من فضلكم يعنى صداده ولا كاوتش علايه ولا سست ناشفه مختلفه ولا ايه ؟ وشكرا جزيلا

هو انا كنت سن\معت انهم غيروا علبه الشكمان الحقيره الكبيره اللى فى الفيرنا اللى كانت فى موديلات 8 و 9 و 10
يعنى موديلات 11 و 12 علبتها هى العلبه الصغيره فالمفروض متحكش ولا حاجه الا اذا كان مطب غبى
عموما انا منصحكش نهائيا انك تعلى العربيه لانها هتحدف منك صدقنى عىل الطرق وانت ماشى على 100 و ال120
انا عربيتى 2010 وشاكك انها اواخر 2009 لان كذا واحد اكدلى ان الموديل 10 علبته هى الصغيره
المهم انها مفيش مطب فيكى يامصر الا والمطب والشكمان بيعانقو ابعض
والحل
باخد المطب بجمب بمعنى انه وانا طالع على المطب باخده وانا جايب الدرسكيون شمال لان لو لمين هيحك
وده يعمل على توزرع حمل العربيه على الاربع عجلات
وبصراحه محاولتتش ومفكرتش اعلى العربيه
اولا عشان أجبر نفسى اعدى المطب بأقل سرعه ممكنه وكده هايفور معايا كاوتش وعفشه
ثانيا عشان اجبر نفسى ان انا اخد المطب على الاول ومخليش المكنه تسقف

[sikon sadek]

عربيتى فيرنا 2012 عاملة 4500 كيلو بعد صيانة 1000 بمدة بدات تظهر مشكلة رخمة هى ان عداد
الار بى ام بيعلى لحد 2 واوقات 2.5 مع بداية الدوارة لمدة دقيقة مثلا ويرجع مكانة تانى حتى لو نزلت اشتريت طلب ورجعت ركبت العربية بس مكنش بيعمل الحركة دى علطول يعنى كل فترة وبصراحة ان قولت يمكن بنزين مش نظيف مع انى بحط 92
من فترة قريبة لقيت الموضوع بدا يزيد لدرجة ان مشيت 4 كيلو والعداد عالى وقررت اروح التوكيل عندنا بالاسماعيلية فى طريق نفشية البشوات قالولى هات العربية وهى فيها المشكلة لكن العربية كدة من مشكلة مينفعش اشوفها طبعـــا اضطريت اقل ادبى عليهم لحد مطلع مهندس محترم وقالهم حطوا العربية على الكمبيوتر وشوية وقالى العربية مفيهاش حاجة وظبطتلك العربية واطلع جرب وفعلا بعد ظبطها خربها وبدا الموضوع يبقى يوميا .

ممكن حد يقولى المشكلة دى ممكن تكون من اية لانى الموضوع خلاص بقى يخنق وخصوصا ان ان قولتهم ممكن يكون حساس ايدل المهندس قالى كان بان على الكمبيوتر

مش عارف اعمل اية وهروح صيانة 5000واكلمهم تانى بس انا عايز اعرف العيب ممكن يكون اية

[amirel]

ياجماعة انا عندى مشكلة بسيطة بس معقدانى فردة الكلاكس الكبيرة بتعلق بالليل بس او لو ماشى طريق طويل عالزراعى او الصحراوى لما رحت التوكيل ماعمليش حاجة
عربيتى فيرنا 2012

[M.TONSY]

المشاركة الأصلية كتبت بواسطة amirel ياجماعة انا عندى مشكلة بسيطة بس معقدانى فردة الكلاكس الكبيرة بتعلق بالليل بس او لو ماشى طريق طويل عالزراعى او الصحراوى لما رحت التوكيل ماعمليش حاجة عربيتى فيرنا 2012

روح لتوكيل ابو رواش وما تمشيش من عندهم الا لما يغيرولك الكلاكس والكتاوت بتاعه

[ahmedsaeed22]

فيرنا 2005 كورى اتوماتك كاملة فبريكة برة وجوه تعمل في حدود كام يا جماعة بسرعة الله يخليكم