صيانة اكسيل مانيوال 1500 cc

[samirayad]

كل شىء ينفع

[حسام البورسعيدى]

المشاركة الأصلية كتبت بواسطة waelsalah معلش يجماعه بخصوص الموتور هل ينفع بعد يفتح الميكانيكي الموتور يحدد انه محتاج عمره كامله ولا نص وانه خرط قبل كده ولا لا ولا هيحتاج يخرط وبعد ما يحدد ينفع اقول نرجع كل حاجه زى ما كانت لحد ما اجيب موتور استيراد ولا مينفعش ده ؟ ولكم جزيل الشكر

لا صعب جدا ...

وهتحتاج تغير الشنابر اذا تم فك البساتم من الموتور + انك هتحتاج تركب طقم جوانات وش سلندر + مصنعية الميكانيكى هتبقى كإنه عمل نص عمره لان الصعوبة كلها فى الفك والتركيب تانى ...
ده زائد طبعا الوقت والمجهود اللى هيضيع على الفاضى ..

نصيحة لازم تعمل حسابك على كل حاجة قبل الشروع فى بدء العمرة ...

[samirayad]

+ انك هتحتاج تركب طقم جوانات وش سلندر

جوان وش سلندر فقط طالما الميكانيكى يعرف يطلع البساتم بالشنابر صح

والمصنعيه كده كده بتندفع

دا غير أنه حيتعرف على حالة غرف الحريق من الداخل

ويعمل ترويق شامل للبلوك بتسليك مجارى التبريد على الأقل

فيها حوالى 200 ج غرامه ( شامله سعر جوان الوش )

[حسام البورسعيدى]

[QUOTE=samirayad;336036]جوان وش سلندر فقط طالما الميكانيكى يعرف يطلع البساتم بالشنابر صح

QUOTE]

صعب يا فندم ..

وكمان لان الشنابر متآكلة وتحتاج تغيير لان العربية بتجيب دخنة مائلة للزرقة من الشكمان ..

كده هيبقى اهدار للفلوس والوقت والمجهود ع الفاضى ..

[samirayad]

ماهو طقم الشنبر بكام يا أستاذ : حسام

على فرض أن الميكانيكى برضه مش أد كده

وممكن يكسر شنبر زيت مثلا ( لأن شنبر الزيت هو أضعف الشنابر فعلا )

غالبا حيكون طقم الشنبر

200 ج ويمكن أقل ( لأن السياره أكسيل )

وبالتالى

لو حل وأنكسر شنبر بسبب خطأ الصنايعى

حيكون أستفاد برضه طقم شنبر حيديله نتيجه

أحسن مما كان

وبالتالى ممكن تروح معاه مشكلة هروب زيت من الشكمان

طبعا برضه

المفروض وهو حالل الوش

يطمن برضه على تطبيع الصبابات من أسفل الوش بالمره