سؤال بخصوص اكسنت 1300

[wael_fighter]

السلام عليكم انا استريت اكسنت موديل 2005 وعاملة 125000 كم وكانت بتنتش على الغيار الثانى ورحت لبتاع الكربيراتير وعملى اكس وباب وغيرلى البكات والعربية ظبطت وغيرت الزيت وكان اسود جدا وغيرت البوجيهات بس بشوف الصبح دخنة من الشكمان سوداء وبشم ريحة عادم مش بنزين والعربية ناعمة جدا والتكيف تمام والسحب كمان بس ساعات لما ادور الصبح فى البرد العربية بترتل وبزود بنزين وبتبقى بعد كدة تمام بس الموضوع دة مش دايما ارجو التوضيح اسباب العادم الاسود والترتيل فى الصباح الباكر وشكرا ليكم

[miam0502788391]

العادم الأسود احتراق غير كامل للوقود يعنى فى عرف الميكانيكية العربية مخنوقه شوية ودى حلها ان الميكانيكى يظبط الكهربا بتاعتها
مش فاهم يعنى ايه ترتيل ؟؟ قصد حضرتك تقطيع يعنى ولا ايه

[wael_fighter]

يعنى السلانسية بيبقى مش طبيعى المهم كدة تبقى مشكلة كرابراتير تانى ولا كهرباء زى ما حضرتك بتقول وشكرا على اهتمامك

[miam0502788391]

المشاركة الأصلية كتبت بواسطة wael_fighter يعنى السلانسية بيبقى مش طبيعى المهم كدة تبقى مشكلة كرابراتير تانى ولا كهرباء زى ما حضرتك بتقول وشكرا على اهتمامك

يعنى على ما فهمت من حضرتك ان المكنة بتعلى وبتوطى و RBM يتأرجح وهو على السلانسية وبعدين لما العربية تسخن كل حاجة تتظبط
دى حلها برضه ظبط كهربا وهنا الميكانيكى بيعليها سنة لكن هذا على حساب استهلاك الوقود
او النصيحة الافضل اعمل زى العربيات الحديثة اللى فيها elctronic shock اول ما العربية تدور دوس بنزين باستمرار الى ان يصل RBM الى 3000 مثلا لمدة 30 ثانية وبعدين سيب رجلك

[mr_astra]

ارجع لبتاع الكربراتير تانى لان الكربراتير مش مظبوط
وبصراحة انا مش فاهم اكس وباب اية لعربية موديل 2005 وعاملة 125الف بصراحة شىء لا يصدق
ونصيحة اسشتعوض ربنا فى الفلوس بتاعة الكربراتير وروح مركز الصفا لتحليل العادم هاترجع من هناك كربراتيرك زى الفل