مرعبه وخايف حد يشعجني ويفدني

[m_alex]

السلام عليكم وحمه الله وبركاته هقارن بين عربيات من وجهه نظري مرعبه وانا محتار وارجو الافاده انا عارف انكم كرهتوني واني مش مستقر علي حاجه بس اعمل ايه مليش غيركم يا اخواتي نبدأ رينو سانديرو كامله اتوماتيك مواتور ميجات 2 1600سي سي 110حصان فتيس سبترونك 82الف ولا رينو اسكالا 1600سي سي 107 حصان كامله اتوماتيك موديل 2011 للاس ف مفيش 2012 عليها عرض مغري بدل109 ل95الف بروتون جين2 كامله مانيوال 2012 نيسان صني 2012 مانيوال عاوز اعرف انهي احسن من حيث الثبات والسحب والاتزان والقوه وتوافر قطع الغيار والتوكيل واسلوب المعامله وهل الجين 2 فيها مشاكل جامده ومش بتتحل لان في واحد جبها وفي اول شهر جابت منو المكنه زيت محتجكم ضروري ارجوكم

[crime]

من رايي ان الجين تو افضلهم (راي شخصى )

تقبل تحياتى

[silverlite]

الرينو جميل و تحسسك بالرفاهيه ...بس ساعه الجد يا معلم مفيش هزار ..اسعار قطع غيار عاليه جدا و فنياتها كتير و تحت رحمه التوكيل و النصب كتير !! ..الاختيار الانسب - فى رايى - النيسان او اى يابانى وعلى فكره الرينو اسكالا هى نفسها النيسان صنى ..وبراحتك فى الاسئله ميهمكش!! ......, تحياتى

[Elsebily]

انا من رأيي النيسان بس انا فيه حاجه عاوز اعرفها هو الشكل الجديد نزل ولا لا لاني شفت واحد راكب العربيه الشكل الجديد من شهر شهرين تقريبا مع اني في نفس الوقت لقيت الناس بتقول انها منزلتش مصر وبصراحه لو كان نزل ارشحهالك هي طبعا اما بالنسبه للجين تو فمش هرشحهالك خالص بسبب توكيلها وثانيا شوف سعر اعادة البيع بتاعها كام وانت هتصرف نظر عنها لوحدك اما السانديرو فهي عربيه جميله جدا لكن مشكلتها قطع الغيار وعادي من حقك انك تسال مره واتنين والف لاني لازم تعرف انت هتحط فلوسك في ايه

[m_alex]

بجد انا بشكركم بس انا عاوز اعرف الجين ايه مشاكلها الجامده اوي يعني وكده