#1
|
||||
|
||||
العربية بتطلع دخان اسود :( , دة جوان ولا طقم شنبر ؟!
مساء الخير عليكم جميعا
النهاردة و الحمد لله مضيت عقد ابتدائي لعربية مازدا 323 مو 88 ولما جيت تحت البيت وانا بلعب كدة زودت بنزين راحت مطلعة دخااااان بس بسيط من الشكمان , رحت جريت على واحد بوهيجى قاللي يا طقم شنبر يا جوان و قالي متخليش حد غشيم يركبها و يدوس اكسيلاتير "بنزين" جاامد.......رجاء الافادة ايه ده و يكلف كاام , دى لسه مكملتش ساعتين على بعض
__________________
أسألكم الدعاء لوالدي بالرحمة It's Nice to be Important but, It's More Important to be Nice |
#2
|
||||
|
||||
رد: العربية بتطلع دخان اسود :( , دة جوان ولا طقم شنبر ؟!
دخان اسود يعنى الاحتراق مش مظبوط و ده حله حاجة من اتنين يا ميكانيكى شاطر يظبط الكاربريتير و السبراتير
يا هى مظبوطة بس مخنوقة نتيجة ان بقالها مده ماشية جوه البلد و ده حلها مشوار طويل على سرعة 80 الى 90 كم/س نسيت ارد على سوئالك الاصلى لا هى محتاجة جوان و لا محتاجة طقم شنبر |
#3
|
||||
|
||||
رد: العربية بتطلع دخان اسود :( , دة جوان ولا طقم شنبر ؟!
شكرا على سرعة الرد
كلام جميل , انا بس المشكلة ان لو حد قاللي فى كذا بيقفلنى و بفضل شايل الهم , ياريت لو كنت اعرف فيها بس بالصبر هتعلم واحده واحده
__________________
أسألكم الدعاء لوالدي بالرحمة It's Nice to be Important but, It's More Important to be Nice |
#4
|
|
رد: العربية بتطلع دخان اسود :( , دة جوان ولا طقم شنبر ؟!
اولا الف مبروك العربيه و ربنا يديك خيرها و يحميك من شرها.
زي ما استاذ احمد قال كده في الغالب الموضوع كله ضبط كاربيراتير و ممكن يكون عاوز يتنضف. و بلاش تشيل الهم ياما حتشوف من العربيات
كل سنه و انت طيب
__________________
حـازم خـضـر
|
#5
|
||||
|
||||
رد: العربية بتطلع دخان اسود :( , دة جوان ولا طقم شنبر ؟!
ربنا يبارك لك فيها و يحفظها من كل سوء و ان شاء الله تبقى عربية زى الفل و كويس ان عندك استعداد لكسب الخبرة انا برضه كنت زيرو و اتعلمت غصب عنى بسبب المقالب بتاعة العربية و ربنا يخللنا google
|
|
|