وأخيراااااااااااااااااااا ااااااااااااا اشتريت لانشيا ديدرا ( مطلوب خبرة مالكيها القدامى)

[فرفوش]

اخيرا بعد بحث مضن وممل لمدة شهران ونصف اشتريت سيارة لانشيا ديدرا (lancia dedra) موديل 95
السيارة الحمد لله كويسة ومريحة نفسيا وثباتها كويس جدا على الارض وحالة ماتورها جيدة والعفشة والاساسيات كلها كويسة بس العربية محتاجة شوية تظبيط في الصالون بالاضافة الى ان التكييف محتاج كباس لكن في المجمل العربية حلوة وعجباني وحاسس انها فخمة وليها وضع بين العربيات اخواتها في الشارع والعربية لسه مكملتش اربع وعشرين ساعة عندي فكل شوية بكتشف فيها حاجة . المهم :-
انا كان ليا شوية أسئلة وكنت اتمنى خبراء اللانشيا ديدرا يقولو لي عليها يا ريت مع العلم اني دي تاني عربية لي بعت ان بعت عربيتي الاولى (لادا 2107) وعمري ما حطيط فيها كماليات ولا احترت في قطع غيار وعمري ما غيرت لها فرش او عملت معاها اي واجب نبدأ !

هم 10 اسئلة مين يستطيع ان يساعد في اي منهم فلا يبخل على وتتردلكوا في عربياتكم يا رب

- 1 -

الفرش بتاعها الفابريكة تعبان شوية فاعمل فيه ايه ؟ اغيره ولا اجيب فرش احطه فوقه وده من اي حد بتاع فرش عادي يعني ولا ايه ؟؟

صورة الفرش



- 2 -

في اكسسوارة في اخر مسند كل باب كده مش موجودة اجيبها منين انا معرفش ؟؟

صور الابواب الخلفية






- 3 -

مسند باب السائق والباب الامامي يمين عاوز يتظبط و الزجاج الكهرباء الماكينة شغالة بس عاوز تظبيط برده فهل تنصحوني بحاجة معينة ولا اوديه لحد بتاع زجاج وسنتر وبس

صورة باب السائق


صورة باب امامي يمين



- 4 -

فرش السقف ساقط شوية ومهترئ قليلا عند فتحة السقف فده اعمل فيه ايه ؟؟

صورة سقف السيارة



- 5 -

في شاشتين في مسند الكرسيين الامامين دول اصلا فابريكة ولا ايه ؟؟ هو قالي انهم عاوزين تظبيط وجهاز دي في دي يوصل عليهم فايه رأيكم فيهم انا حاسس انهم قدام جدا بس

صور شاشات دي في دي





- 6 -

في حاجة اسفل المخدع بتنور وراه بس مش عارف هي ايه ولازمتها للجالسين وراه ايه ؟؟

صورة من الصالون الخلفي



((( الى هنا انتهت الصور )))

- 7 -

السقاطات بتاعة الأبواب في منها مش موجود فاجيبها منين ولا دي سهلة من اي حته
ونور الصالون مش شغال والوش بتاعه هو لازقه بأمير فاكيد هيتكسر كده لو حاولت افكه فهل ده سهل ولا لازم اجيب وش غيره

- 8 -

ممكن اماكن اجيب منها قطع غيار العربية سواء ميكانيكا او اكسسوارات . انا عارف ان قطع غيارها ميكانيكا هي هي التمبرا بس ياريت لو في اماكن حد يقولي عليها مع العلم اني ساكن في الهرم

- 9 -

ممكن حد يقولي الصيانة الدورية اللي اعملها ايه بحيث العربية متفتحش فمها معايا
يعني اغير زيت كل اد ايه و السيور والكاوتش كل اد ايه بشكل تقريبي حتى . وزيت الباور ايه نظامه (مالكها السابق قالي لي ان زيت الباور بينقص بشكل بسيط بسبب حاجة تحت في العفشة هل ده خطر ولا ايه )

- 10 -

صاحبها كان مركب لها زينون في الواطي جمب المر كده وفي في الشنطة ماكينة زينون مش متركبة للفوانيس الامامية بس قالي انها شغالة بس بتعمل مشاكل في الكماين وكده فمركبهاش فهل فعلا ليها مشاكلها ولا ايه


*************
*************
*************

ارجو ان لا اكون اثقلت عليكم . قد تجدو بعض الأسئلة بسيطة وسهلة لكن بما اني لم اكن اعرف عن السيارات غير اركب ودور فاحتاج لمعونتكم ولو تذكرت شئ اخر سوف اضعه في الردود
شكرا لكم

[svneleven]

حضرتك أنا رأيي كل الحاجات المكسرة ديه تكتب بيها ورقة و تطلع علي محمد يوسف بتاع الفيات في الدقي أو فيصل. تجيب اللي أسعارة معقولة و بعد كده تطلع علي مكان محترم تعمل فيه فرش للعربية و طبعا علي الفرش للقديم لكن حاجة محترمة عشان العربية تفوق و قبل ده كله تغسل العربية غسلة من بتوع العيد. العربية ديه ما حصلتش لكن عاوزة شوية اهتمام و روقان بال و كل حاجة واحدة واحدة.

[حسام البورسعيدى]

شوف ..

لو عاوز تفوق العربية دى هاتلها اربع فروشات ابواب كاملين .. انضف بكتيير من تلصيمهم ..

واطلع على سروجى محترم اعمل فرش للكراسى والسقف بخامه نضيفه وممكن بالمره تعمل ارضيه جلد وتصلح فرش السقف ..

بالنسبه للباقى امره سهل ..

زيت الباور ممكن يكون فى اويل سيل بيسرب من عند الاسكترا ولا حاجه .. عفشجى محترم يبصلك عليه ..

بالنسبه لفتح وقفل الازاز الكهربا بتاع ابواب نضيف يظبطهولك وممكن تركب عليه وحده رفع وانذار عند الكهربائى بالمره ...

ومبروك عليك العربية يا باشا ربنا يديك خيرها ويكفيك شرها وشر الطريق ...

[حسام البورسعيدى]

بالنسبه للبتاعه اللى بتنور اللى ورا المسند دى هوايه تكييف للركاب الخلفيين .....

[فرفوش]

الف شكر ليكم يا جماعة على الردود
انا بدات فعلا انفز والزجاج الكهربا اتصلح بس الباب اليمين عاوز شوية شغال عشان عاوز كهربائي محترم يفهم في الكتاوت بتاعتها وفرش السقف بشده الان موقتا لحد ما اركب فرش جديد
طيب بالنسبة للسؤال 9 و 10 ؟؟؟