تكة فتيس أوتوماتيك سيراتو

[baby_koko]

السادة الزملاء،

معايا سيارة سيراتو خليجي 2010 فتيس أوتوماتيك ستيبترونيك.
المشكلة اني اليومين دول لاحظت صوت غريب تقريبا في الفتيس مش عارف.

لو أنا واقف مثلا في إشارة والفتيس على D ودايس فرامل بسمع صوت تكة في الفتيس لما امشي، أو مثلا كبست فرامل أوي وبعدين مشيت بسمع نفس صوت التكة.

بعض الاصدقاء قالوا:
1. زيت فتيس عايز يتغير: أنا ماشي 35000 وقياس الزيت ولزوجته مضبوطة.
2. تيل الفرامل خلص: لسه عامل صيانة ال 30000 ومجبوش سيرة تيل.
3. عادي ده غيار الفتيس وده طبيعي أنت مركز أوي معاه.

انتم رأيكم ايه، أنا مش عايز اروح التوكيل علشان هاتنفخ ومش هايكون فيه حاجة بس هما هايطلعوا مليون حاجة

[screamseko]

يباشا اعتقد والله اعلم ان الصوت مش من الفتيس اصلا
ده صوت دوسة الفرامل عشان انت يعتبر عالدي وانت محجم العربيه علي بالفرامل فاول سنه بتشيلها فرامل دي صوت الحكه بتاعة التيل مش اكتر
عموما لو الموضوع ده لسه جديد ماك بص علي تيل الفرامل

[tamer.koko]

بص علي قاعده الفتيس
ياهتلاقيها سايبه يا اما هتلاقي الكاوتش اتا كل

[ahmedaboghadir]

المشاركة الأصلية كتبت بواسطة baby_koko السادة الزملاء، معايا سيارة سيراتو خليجي 2010 فتيس أوتوماتيك ستيبترونيك. المشكلة اني اليومين دول لاحظت صوت غريب تقريبا في الفتيس مش عارف. لو أنا واقف مثلا في إشارة والفتيس على D ودايس فرامل بسمع صوت تكة في الفتيس لما امشي، أو مثلا كبست فرامل أوي وبعدين مشيت بسمع نفس صوت التكة. بعض الاصدقاء قالوا: 1. زيت فتيس عايز يتغير: أنا ماشي 35000 وقياس الزيت ولزوجته مضبوطة. 2. تيل الفرامل خلص: لسه عامل صيانة ال 30000 ومجبوش سيرة تيل. 3. عادي ده غيار الفتيس وده طبيعي أنت مركز أوي معاه. انتم رأيكم ايه، أنا مش عايز اروح التوكيل علشان هاتنفخ ومش هايكون فيه حاجة بس هما هايطلعوا مليون حاجة

ياباشا أنا حصللي نفس الموضوع انا معايا سيراتو 2010 وكيل ولسه عامل صيانة 30000 وقالولي ان الموضوع عادي صوت التكه اللي في عصاية الفتيس بتاع ال lock بتاع الفتيس بيفتح ويقفل لما تدوس فرامل سواء العربية واخده P أو واخده D وبتتحرك في السلنسيه