عايز اروح مطروح فى العيد

[يسري أبو الخير]

المشاركة الأصلية كتبت بواسطة screamseko وبالنسبه للبنزين اخر السهره عندك 4 بنزينات في شارع واحد عالساعه 3 كده روح حتلاقي عربيتين او تلاته او ممكن متلاقيش خالص يعني متنزلش تمون الساعه 3 الضهر وتقول زحمه لانه طبيعي انها حتبقي زحمه وبالنسبه للشوارع متتوهش لانها مش كبيره اوي والقرار في الاول وفي الاخر يرجعلك بس انا بقولك وجهة نظري

انت كدا طمنتني تاني للطريق .. و شوية اطمئنان عن البنزين و ان الواحد ممكن يمون بعد نصف الليل .. لكن هل حضرتك متأكد أن البنزينات على الطريق البنزين متوفر فيها في أي وقت .. ياريت تطمني على دي كمان .. و بعدين زحمة العيد دي ممكن يتعمل فيها ايه ؟؟ عموما ميعاد سفري قبل العيد يوم الخميس ليلا .. اراجع نفسي و انشأ الله اقدر اخد قرار السفر بالسيارة و الا بالأتوبيس ..

[screamseko]

لو قصدك طريق السفر فالبنزينات ماليه الدنيا
فول قبل متطلع وفول تاني لما توصل العالمين انت مش طالع صحرا متقلقش

[screamseko]

صلي صلاة استخاره كده وشوف ربنا حيهديك لايه وتوكل علي الله

[sayed2077]

خدنى معاك بقى يا استاذ تونسى

ههههههههههههه
علشان انا نفسى اروح


بص يا استذ تونسى انا روحت انا وعيلتى هناك كتير بس كنا بننزل فى فندق فقط فده اللى هقدر افيدك فيه فقط وكانت اخر زيارة سنة 2008

عموما هناك الماية بتاعت الحنفية ديه بتبقى ماية خزانات بتيجى تلاقى عربيات الى لا مؤاخذه بتشيل مياه المجارى هى هى اللى بتجيب مياه غير معلومة المصدر ويعبوها فى خزان الفندق او العمارة والكلام ده فى مرسى مطروح كلها مفيش شقه هناك فيها ماية نضيفه للاسف

المهم حضرتك لازم فى الطبخ والشرب تجيبوا كراتين مياه البركه او حياه او صافى الانواع المعروفه فقط واياك من الانواع الغير معروفه

وفيه هناك جراكن مياه كبيرة 6 و 10 ليتر اياك تجيب منها لان اغلبها مضروب على اخر مره كنا هناك كان الجركن ب ال 6 ليتر ب 4 جنية و ال 10 ليتر كان ب 6 جنية طيب ازاااى يعنى يكون بالرخص ده

فكنا بنجيب كراتين مياه مقفوله وعموما كان كرتونه او 2 بيكفونا طوال اسبوع تقدر تقول يعنى انك تعمل حسابك على 50 جنية مياه شرب وطبعا مياه الحنفية تبقى للاستحمام مع انى اشك انها تنفع للاستحمام اصلا ولغسل الملابس وغسل الاطباق فقط لاغير

وعموما احنا كنا على طول كل ما بننزل زى ما قولت لحضرتك كنا بنروح فندق رويال بلاس جنب مبنى المحافظه قدام البحر وكان بيبقى تابع للشغل بتاع الوالده على طول وبصراحه كان اكثر من رائع بمعنى الكلمه من حيث الخدمه والنضافه و الاكل وكل شىء ولما سألنا عن الاسعار كان اليوم هناك للفرد ب 300 جنية بفطار فقط بدون غداء والغداء بتروح المطعم بتاعهم وبتطلب الى انت عاوزه وبتحاسب عليه

ومتنساش مستنى تليفونك علشان اروح معاك انا مليش دعوه



ههههههههههههههههه

تروح ترجع بالسلامه يا استاذ تونسى

[3bdo]

يا جماعة طب الطريق كام الكيلو
وهل البلد هناك تستاهل انك تروح بعربية عشان متتبهدلش ولا هيا صغيرة والشواطىء مش بعيدة