|
تعديل السيارات العــام منتدى تعديل السيارات والاكسسوارات والسانود سيستمCar Tuning - Pimp My CaR!!!!! |
|
أدوات الموضوع |
#6
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
رد: عايز اعمل تعديلات ... وعايز اعرف التكاليف .. ولكم جزيل الشكر
الزينون بيكون مرتبط بنوع اللمض مش بنوع السياره
يعني الفوانيس الاصليه للبوما بيركبلها لمبه واحده زينون عالي وواطي وممكن يكون اصفر وزيينون علشان لو داخل على لجنه وكداا انت هتعوز طقم تقريبا h4 علشان هوه عالي وواطي والزينون الاجهزه بتكون 35 وات و 55 وات والصين ما شاء الله نزلت 75 وات و 100 و 150 وات bosch ودول اضائتهعم اقوى بكثير من ال 35 وات وال 55 وات طبعا بس لازم لمض ال 75 وال100 يركبوا بس اللي ماشي في مصر ويونيفيرسال 35 وات وكل اللي مركب مركب 35 وفيه ناس مركبه 55 وات الاسعار عندك ال hid صيني ممكن الطقم عالي وواطي يعمل 250-300 جنيه فيه فيلبيس وبوش بيغلوا بس من كلام تاجر حتى الاماني اصلا صيني !!!! ومكتوب على الكرتونه كدا دي درجه الاضائه ال 6000 كيلفن ده ابيض ثلجي وال 8000 كلفن ده ابيض مائل للازرقاء يعني ازرق وخلاص ال 10000 وانت طالع من بنفسجي للبينك وال4300 كيلفن ده الي زي الاصفر كدا وفعلا ارخص مكان التوفيقيه يعني خد القرار هتشتري طقم ايه واطلع على التوفيقيه هتلاقيه ارخص وربنا معاك بالنسبة للجنوط العرض ال 215 ممكن يحك في الرفارف من عندك وتحتاج انك تنتيله شفة ! الاهم من ان عربيتك تستحمل الجنط ال 17 ولا لاء انت مقاس الاستوك عندك كام ؟ يفضل دايما انك تزود نمرة واحدة يعني لو الاستوك بتاع عربيتك جنط 16 حط 17 لو 15 حط 16 بعدين انت لو استخدمت جنط 16 مع بروفايل قليل زي 195/50/16 هيبقى شكله جااامد وقريب من ال 17 ! انا عملت كدة عندي عشان اريح دماغي من من قصة البلالين ! ال 17 مشكلته هينشفلك العفشة زيادة الى غير انك اي مطب او نقرة او بلاعة هتلبسها ممكن تطيرلك فردة الكاوتش لو هتسوق على الهادي وتاخد بالك من النقر والمطبات والبلاعات يبقى ال 17 مش هيعمل معاك مشاكل بس تكون جاطط في دماغك انك لو لاقدر الله لبست مطب او حفرة ممكن تبقى محتاج تغيير فردة الكاوتش ! الستوك بتاع البومة 1600 بيكون 15 - 55 - 195 و أنا حسبتها على الويب سايت اللي بيعرف فرق قراية العداد و فرق السرعة القصوى و العزوم و بالأرقام المقاسات دي كلها مناسبه : 16 - 50 - 205 16 - 45 - 215 17 - 40 - 215 هنقول إن الأخير ده بلاش منه علشان 40 ده قليل و ممكن يبوظ الكاوتش بسرعة فعلا ده ويب سايت فيع أداة من الأدوات اللي بتساعد في حساب الفروق : Tire Size Calculator دلوقتي مقاس الستوك عندي 15 - 55 - 195 لو خلينا الجديد 16 - 50 - 205 هيكون الفرق 2.67% لو خليناه 16 - 50 - 215 هيكون الفرق 4.35% لو خليناه 16 - 45 - 215 هيكون الفرق 0.74% لو خليناه 16 - 45 - 225 هيكون الفرق 2.25% يبقى كده الجنوط الـ 16 أحسن مقاس كاوتش فيهم هيكون 16 - 45 - 215 كده العربية إجمالا في فرق العداد و فرق العزم و برضه فرق الارتفاع بالنسبة للعفشة مع مراعاة الوزن هيكون مناسب جدا بالنسبة لمقاسات الـ 17 بوصه طبعا هيكون الاختيار دايما بالنسبة لفرق الارتفاع عن الأرض مش هيكون ابدا مناسب اكتر من 40 و ده كل الناس بتحذر منه علشان البلالين و عمر الكاوتش الافتراضي وده سايت لاختيار الشكل الحلو للجنط علي العربية من غير فك ولا تركيب وكمان تقدر تعرف منه الاوفيست وحاجات تانية كثير http://www.tirerack.com/wheels/MiniW...d=true&sw=1280 http://www.tirerack.com/upgrade_garage/Garage.jsp وهنا لو عاوز تعدل اللانسر بومه لانسر شارك و من هنا بقى بداءت مرحلة دهان السيارة _________ بعد الانتهاء من دهان السيارة و خروجها الى عالم السيارات _________________________ _________________________ ______________________ بعض التغيرات التى حدثت للسيارة بعد الانتهاء منها شهر فبراير - تم تغير الكبوت الخاص بالسيارة - تم تعديل الكسحات الجانبية - تم تعديل الاكصدام الخلفى - تعديل شكل الكشاف الامامى - تغير اللون الاسود فى الاكصدام الامامى و الخلفى للسيارة الى اللون الرمادى - تركيب كشفات ضباب - تهبيط السيارة دركسيون مومو ميلنيم ( من سيارة ايفو 7 )- ساوند سيستم جديد بالنسبه للاسبويلر العربيه مجهزه ليه ياعنى لما تفتح الشنطه هتلاقى مكان الاخرام بتاعه الاسبويلر وحتى الفابريقه بيكون مخروم فى الشنطه الاسبويلر فى ثلاث انواع منة خلى بالك من الغش واحد بتاع التوكيل ودة زى الاوريجنال بيعمل حوالى 1200 جنية بالدهان ونوع صينى اقل منة فى الخامة ونوع لمبة الاستوب خفيف شوية ودة بيعمل حوالى 400 جنية بالدهان والنوع الاخير للاسف المصرى ودة التقليد التعبان اوى اوى بيعمل حوالى 100 جنية بس شكلة غلط والستاير الكبس ممكن تجيبها وهى على فكرة مش ممنوعة بالنهار وممنوعة باليل فقط عشان الرؤية وثمنها حسب نوع العربية يعمل فى حدود 100 الى 120 جنية بس خلى بالك الاسعار دى من حوالى سنتين بس قولت اقولك فكره برده وبالنسبة للاكصدامات لازم تشوف حد بتاع فيبر يبقى متخصص اوى فى الحاجات دى وبالتوفيق باذن الله |
#7
|
||||
|
||||
رد: عايز اعمل تعديلات ... وعايز اعرف التكاليف .. ولكم جزيل الشكر
اكصدامين اسبور امامى وخلفى
بص اكصدامين سبور الحاجات الاوريجنال تمنها خيالى والحاجات الصينى التقليد خامتها وحشة فالاحسن انك تعمله تفصيل على الاكصدام الاصلى مع عتب اسبور السبويلر هتجيبه جاهز مفيش مشاكل ويركب مع العتب وباقى شغل الفيبر قبل ما ترش العربيه والموضوع ده تعملة ميزانية فى حدود الف ونص والدهان هيبقى مابين 2 - 3 الاف يعنى نقدر نقول ان التعديل الخارجى عايز ميزانية فى حدود 5 الاف طقم جنوط اسبور 17 " + كوتش دول تكلفتهم متغيرة بشكل كبير حسب نوع الجنوط والكاوتش ومقاس الكاوتش ونقشته صعب احدد متوسط تغيير لون السياره بالكامل = داخل حسبة التعديل الخارجى عده صوت محترمه = برضو حسب الانواع وحسب ما اذا كنت هتستخدم حاجة من السماعات القديمة ولا هتركب كله جديد وحسب ما اذا كنت هتركب بازوكا او صب او لاء ممكن تعمل طقم بالفين جنية وممكن بعشرة زينون محترم للفوانيس الاماميه والفوجات + رنجات = دول فيه حاجات اقتصادية تلم الموضوع كله فى حسبة 500 - 600 جنية او اقل وفيه حاجات تبداء من الف وشوية زى الفيلبس ترجع لميزانيتك تعديل داخلى فى شكل الفوانيس الاماميه والخلفيه = ديه بسيطة مش هتزيد عن 200 - 300 جنية وعايز اعمل نور تحت العربيه زى الى فى الصوره كده = ديه بسيطة برضو زى اللى فاتت يعنى ميزانية تظبيط الاضائه كلها ممكن تتلم فى حسبة 1000 جنية بالكتييير اوى 2000 وعايز اعرف الابواب علشان تتعمل كده .. ممكن تتكلف اد ايه ... ولو حد عنده فكره بتتعمل ازاى الابواب حطلها ميزانية 2000 جنية السؤال الاهم بقى ممكن اشترى الحاجات ديه منين؟؟؟ .... واعمل التعديلات ديه فين ؟؟ خد بالك انت نسيت تظبيط الفرش بتاع الصالون كراسى وكنبة وارضيات واذا كان فيه مشاكل فى تنجيد الابواب هتظبطها معاك وده عايز ميزانية فى حدود 1500 الحاجات ديه تجيبها منين اطقم الصوت موجودة فى كل حتة الفيبر اعمله فى الحرفيين هو تعديل الفوانيس بس فاصل للصبح وخد سعر من كذا واحد الدهان اسأل اوتوباينت هيدوك اسعار وخصم كويس باقى الاكسسوارات والفرش اسأل سبير كار خاماتهم ممتازة وشغلهم كمان معلش انا عارف انى طولت عليكم ... اعذرونى ... ولكم جزيل الشكرمقدما ولا يهمك بس هو زى ما قال الاخوة كل حاجة من دول يتعمل فيها مواضيع لوحدها وتحت امرك فى اى استفسار تانى وفكرنى لو كنت نسيب حاجة |
#8
|
|||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||
رد: عايز اعمل تعديلات ... وعايز اعرف التكاليف .. ولكم جزيل الشكر
الف شكر يحيى باشا
|
#9
|
||||
|
||||
رد: عايز اعمل تعديلات ... وعايز اعرف التكاليف .. ولكم جزيل الشكر
الف شكر يا استاذ وائل .. على رد حضرنك
انا حاطت فى الميزانيه 20 الف .... بس اعتقد ممكن الموضوع كله يخلص على 15 وان شاء الله .. بعد ما اخلص تظبيط هعمل تقرير جامد .. عن الموضوع كله |
|
|