عربيتى تستهلك بنزين كتير مازدا 323

[مهند سالم]

أنا كان عندي مشكلة كبيرة في استهلاك البنزين بتاع عربيتي المازدا 323، وبعد كذا تجربة، الحمد لله اتأكدت من الكاربيراتير في مركز محترم، وشيكت على التانك عشان كان فيه خرم، واكتشفت برده إن أولسيه العوامة كان فيه مشكلة فكان فيه ترشيح. المهم في النهاية لقيت إن في كثير جدا من هدر البنزين كان بسبب طريقة سواقتي..........طبعا مش مصدق، بس هي دي الحقيقة.
أنا كنت بأحب التسارع جدا، وكنت لما بأدي الغيار بأضغط على الاكسيراتير بشدة وأحرق الغيار لآخره، وبعدين أجيب الثاني وهكذا، كانت رجلي ثقيلة على البنزين، وبأحب التسارع وبأمشي كثير على آخر الغيار.
صدقني لما غيرت طريقتي في السواقة، وبقيت بأخف رجلي على الاكسيراتير، يعني بأسيب العربية تطلع بالراحة من غير ضغط، وأنقل الغيار قبل نهايته، وبطلت أمشي على آخر الغيار. الموضوع ده فرق معايا كثير فعلا، وبقيت الحمد لله بأعمل 28لتر لكل 200 كيلو جوة البلد، مش سفر. وأعتقد ده معدل كويس جدا، يعني الصفيحة حوالي 140- 150 كيلو، ده كويس جدا جوة البلد زي أستاذ حازم خضر ما قال.
عموما اطمن على كل منظومة البنزين، بداية من الكاربيراتير، حضرتك بتقول نظفته، وده مش معناه إنك صلحته، لأن ممكن يكون محتاج أكس وباب أو جوان رش.
واطمن على التانك وكل التوصيلات، ولو بتشم رائحة بنزين جوة الصالون يبقى اكشف على عوامة التانك، وربنا معاك

[mostafakamal]

المشاركة الأصلية كتبت بواسطة مجدى وديع مع انى نظفت الكربراتير وغير طقم كهرباء الا انها بتستهلك حوالى ال 20 لتر داخل البلد بيعملو 143 كيلو فقط اية الحل .

المعدل ده مش وحش داخل البلد

[مجدى وديع]

اشكرك اخى مهند وكل الاخوة اللى اهتمو بالموضوع فعلا طريقة السواقة بتفرق كتير جدا

[semo2002_eg]

انا معاية مازدا 323 موديل 82 و بروح الشغل كل يوم من الهرم (شارع العريش) الى المعادى (شارع النصر) و باخد الدائرى من المريوطية, و بستهلك فى المشوار دة رايح و جاى 10 لتر
هل المعدل دة تمام ولا استهلاكى كدة عالى
الموضوع دة محيرنى جدا ارجو الافادة

[semo2002_eg]

هو محدش سائل فيا لية؟
على العموم انا حسبت المسافة بتاعى من البيت للشغل حوالى 20 كيلو يعنى رايح جاى 40 كيلو دة معناه انى بستهلك حوالى 10 لتر فى ال 40 كيلو
حد من الخبراء يفيدنى