|
#6
03-12-2013, 02:45 AM
|
|||
|
|||
رد: مساعده بعد نص عمره ل مكنه اكسنت 1500 في التليين
يا جدعاااااااااااااااان للاهميه بسرعه ....... العربيه بقالها كده ساعتين دايره ..... و فجاه مسمعتش صوتها .... و فصلت .... نزلت لاقيتها بطلت من نفسها .... فتحت القربه لاقيتها ناقصه شويه .... مرضتش افتح الردياتير .... بس لاقيت تحتها مايه كتير ..... زي متكون خرطوم اتقطه مايه ولا حاجه ...... فدورتها تاني دارت ... خفت..... بطلتها و قلت استني اما تبرد و اشوف موضوع المياه الي ع الارض دي ..... اي نصااااااايح ؟؟؟؟؟؟؟؟ مع العلم ان ف الايام العاديه قبل النص عمره دي .... كانت بتقطع خرطوم كل فتره ... و كل مره خرطوم مختلف ..... ف مش عارف بقي ؟؟؟؟ العيب كده ف الخراطيم ... تكون قديمه ... ولا المكنه فيها مشكله لسه و بتسخن جامد و بتقطع الخراطيم ...... بجد احترت
|
|
#7
03-12-2013, 04:41 AM
|
|||
|
|||
|
رد: مساعده بعد نص عمره ل مكنه اكسنت 1500 في التليين
الحمد لله ..... نزلت دلوقتي بعد ما العربيه بردت ..... بفتح الردياتير لاقيت فبه مايه .... و القربه فيها مايه ... دورت ... و زودت الردياتير .... و قفلت ... اما نشوووف .... هوه عااادي انها تبطل لوحدها ؟؟؟؟؟؟؟ اثناء التليين ؟؟؟؟؟
|
|
#8
03-12-2013, 04:52 AM
|
|||
|
|||
|
رد: مساعده بعد نص عمره ل مكنه اكسنت 1500 في التليين
للمتابعه لو حد رد عليا يعني ....... لاحظت ان المروحه بتشتغل كل حوالي 5 دقايق .... لمده 3 او 4 دقايق .... ده عادي ولا كده العربيه بتسخن ؟؟؟؟؟ مع اعلم اني قافل الكبوووت ... بس الساعه يعني 4 الصبح ... الجو كويس
|
|
#9
03-12-2013, 05:55 AM
|
|||
|
|||
|
رد: مساعده بعد نص عمره ل مكنه اكسنت 1500 في التليين
مش عارف الميه بتسخن و بتغلي فوران جوه القربه و الردياتير و بتتبخر و بتخرج من خرطوم الفايص بتاع القربه و بتنزل تحت العربيه .... و فيه نشع مش عارف مياه ولا زيت من ورا المكنه تحت الانجكشن زي ماهو واضح ف الفيديو .... الي يعرف حل المشكله يساعد
الصور اهي ....:- 1/ دي صوره خرطوم الفايص بتاع القربه و هوه بينزل المياه و بخار المايه  2/ دي صوره النشع الي جاي من المكنه من ورا تحت الانجكشن  3/ دي صوره الميه الي نازله من خرطوم الفايص بتاع القربه  -------------------------------------------------------------------------------- رابط الفيديو
|
|
#10
03-12-2013, 09:04 AM
|
||||
|
||||
|
رد: مساعده بعد نص عمره ل مكنه اكسنت 1500 في التليين
مشكلتك أكيد في مسار دورة التبريد بصفة عامة علي سبيل المثال 1- طلمبة المياة هل جديدة و لا مستعملة و لا في الضياع يعني لو قافشة و مش بتتحرك بسلاسة يبقي أكيد مش هتقلب المياة كويس و بالتالي المياة تفضل في نفس مكانها و مش هتتقلب و هتحس بفوران و غليان و بالتالي نقص منسوب المياة بسبب الغليان 2- في حاجة إسمها ثرموستات الكوعة و دي وظيفتها إنها بتقفل تقليب المياة لو المياة بادرة لحد ما المياة تسخن و بعد كدة تفتح و تعدي المياة طول ما هي سوخنة ثرموستات الكوعة هو عبارة عن "محبس"، موجود ما بين الموتور والرادياتير، مهمته إنه يتحكم في وصول المياه للرادياتير  المحبس ده بيفتح ويقفل بطريقة أوتوماتيكية ومن غير أي تدخل خارجي، يعني ولا حساس ولا كمبيوتر  أول ما بتشغل العربية مية التبريد بتبقى باردة، ولو المية دي راحت على الرادياتير هيبردها أكتر... في الحالة دي الثرموستات بيبقى قافل ويمنع المية تروح الرادياتير عشان الموتور يسخن بسرعة وياخد وضع التشغيل بأسرع وقت، *********** ولما المياه تسخن يبدأ يفتح السكة للرادياتير عشان يبردها... *********** ولو الرادياتير قدر إنه يبرد المية أكتر من اللازم.. الثرموستات هيقفل تاني لحد ما المية توصل للحرارة المطلوبة وبعدين يفتح ... وهكذا وبكده يحافظ على درجة حرارة ثابتة للتشغيل لو الثرموستات دي بايظة يبقي عندك حل من إتنين إما تشتري ثرموستات جديدة أو تشيل القديمة و تلغيها خالص من العربية و لكن يفضل تغييرها أحسن للأمان   
__________________
|
 |
|
|
