محتار بين اللوجان واسبرانزا516

[maz_2006]

المشاركة الأصلية كتبت بواسطة corsair بلاش سوء النية يا بشمهندس ممكن اللي دخل موضوعك ميكونش قادر يفيدك مش احسن ما حد يدخل يفتي بص يا غالي اللوجن لسه مكملتش سنتين في السوق وعربية جميلة واصحابها بيشكروا فيها ونادرة المشاكل لكن يعبها غلاء قطع غيارها وعدم توافرها خارج التوكيل اما الاسبيرانزا هيه من 2007 موجوده وعربية كأوبشن جميل جدا بس يعبها حاجه واحده فقط انها عامله زي البطيخة يا تطلع حمرا وتريحك العمر كله ومتحسش بيها يا تطلع قرعه وتبهدلك وتطلع عنيك يعني من الاخر انتا وحظك وانا ليا اصدقائي العربية معاهم من 2007 وبيشكروا فيها جدا وفي ناس لسه جايبها زيرو ودايخين بيها في التوكيل وربنا يوفقك لما فيه الخير وتقبل تحياتي

شكرا يا با شا على الرد.........جزاك الله خير

[osa92003]

الاثنين نفس المستوى تقريبا اللوجان تتفوق فى موضوع العفشه شويه لكن قطع غيار مولعه نار الاسبرنزا تتفوق فى الشكل الكماليات الوسع الداخلى موتور احدث DOHC لكن خلينى صريح معاك ولازم تعرف الموضوع ده كل طائفه العربيات فئه 70000 جنيه ( فيرنا-لانوس-اسبرنزا-لوجان -BYD)مش بتاع تحمل ومتانه وشغل 24 ساعه كل يسنغل معك بس مع المراعاه والصيانه

[وليد الأسوانى]

المشاركة الأصلية كتبت بواسطة maz_2006 انا ان شاء الله نويت اشترى عربيه ومحتار بين اللوجان واسبرانزا516 ممكن تسعدونى فى الاختيار

هات اللوجان ومش حتندم .... الصينى بصراحة مايطمنش ... واسأل

[M.3laa]

اللوجان اقل ف الكماليات من الاسبرانزا بس اللوجان انتشرت جامد جداااااااا لقوة الصاج و التوكيل المحترم جداا ف التعامل مع ملاكها و مع انتشارها ده قطع الغيار ابتدت تتوفر خارج التوكيل و بدات اعادة البيع تبقى احسن من الاول

[ayman1204]

اللوجان اوربي ومعمر اكتر من الصينى والكورى واليابانى ودى حاجة معروفة
هات اللوجان واتوكل على الله
قطع الغيار مش غالية ولا حاجة انا جبت الفانوس اللى قدام ب 300 جنية وكان تركى الاصلى وكان فانوس الانوس ب 150 جنية بس فانوس الانوس صينى وقطع الغيار بقت موجودة فى كل حتة وفى التوقفيقية كمان