|
#1
13-12-2009, 02:19 PM
|
||||
|
||||
صيانه ال30000 فى البيت مع تقييم للاداء ولا عزاء للتوكيل
بسم الله الرحمن الرحيم ايه رايكوا فى العنوان غريب صح بس لما تكملوا الموضوع اكيد هاتتاكدوا انى عندى حق نبتدى و نتوكل على الله فى الاول انا اصلا كاره التوكيل لله فى لله يمكن لانى فاهم ايه اللى بيحصل بالظبط فى الصيانه و مستحرم الفلوس اللى بتدفع فى لصيانات الخفيفه دى و علشان كده ماكنتش بروح التوكيل خالص طول الفتره اللى فاتت لان فى ال10000 و ال20000 العربيه الحمد لله ماكنتش محتاجه حاجه غير زى ما الكتالوج كان بيقول تربيط عفشه و الكشف بالكمبيوتر و تغيير زيت و الحمد لله انا كنت بعمل الكلام ده كل خارج التوكيل بحوالى 50 جنيه لكل ده بدون الزيت لكن التوكيل كان بياخد 300 جنيه من غير الزيت طبعا انا استحرمت الحكايه دى و قولت خلينا فى الصيانات التقيله فقط اروح التوكيل احسن و جيه و قت الحسم صيانه ال 30000 و دى بنغير فيها 1- جميع الفلاتر 2/ بنغير زيت 3/ تربيط عفشه 4/ تغيير بوجيهات 5- المراجعه على الحساسات و الكشف عليها بالكمبيوتر 6- تظبيط الفرامل و حصل انه فى يوم نزل اعلان من غبور انه قطع الغيار عليها خصم 70% طبعا ماكدبتش خبر و قولت طير ياواد ياكار على اقرب موزع و اشترى منه حاجات الصيانه الجايه و بالفعل اشتريت فيلتر بنزين و فيلتر هواء و فيلتر زيت و انا كان عندى اصلا طقم بوجيهات فمجيبتهاش نيجى بقى لتفاصيل الصيانه انا كنت حسيت انه من اول 25000 و اداء العربيه مابقاش زى الاول و والدى كان بيقولى كده اصل ابويا غاوى جرى برضو و رجعت الحكايه دى لان البوجيهات خلاص قربت تتغير فقولت استنى لما يجيى ميعادها لكن فى مره اثناء التجول على صفحات المنتديات لقيت موضوع عن تنظيف الحساسات و انها لازم تتنظف كل فتره علشان تفضل محافظ على اداء العربيه طبعا ماكدبتش خبر و شوفت حساسات الفيرنا فين و نزلت فك فيها ملحوظه الحساسات نظفتها قبل تغيير البوجيهات ب 500 كيلو علشان اثناء التنظيف بينزل رواسب داخل المنافولد و طبعا منه الى البوجيهات يبقى بالتالى لو البوجيهات جديده يبقى ولا كانى عملت حاجه فنظفت الاول و مشيت ال500 كيلو دول علشان اى حاجه هاتوسخ البوجيهات تروح معاها فى التغيير نيجى بقى لطريقه تنظيف الحساسات و اسمحولى اقتبس كلامى فى الموضوع القديم عن تنظيف الحساسات طبعا كلنا عارفين ان الحساسان من الاجزا المهمه فى العربيات الحديثه و يجب دائما مراعتها نظيفه علشان اداء العربيه يكون جيد معانا طيب بيتنظفوا كل قد ايه البوابه انا بنظفها كل خمسه الاف كيلو و الحساسات كل 30 الف علشان برضو انا مش بحب العب فيها كتير نيجى بقى للادوات المستخدمه 1 - مفك صليبه 2 - مفتاح عشره بلدى 3- gunk crab medic و اخر حاجه دى اسبراى بنستخدمه فى التنظيف انا جيبته من بنزينه موبيل fji ب 28.5 و هو اصلا بيتباع بحوالى 25 جنيه فى شارع دمشق و دى صورته لازم نكون حذريين جدا فى استخدامه علشان ضار جدا بالعيين و لو جيه على جلدك هايخليك تهرش نههههههه  نيجى بقى للفيديو <EMBED height=350 type=application/x-shockwave-flash width=425 src=http://www.youtube.com/v/GfVqZdmUaBI wmode="transparent"></EMBED> بعد ما ركبت كل حاجه و دورت العربيه مادارتش من اول مره دارت من ثالث مره و ده بسبب انى رشيت من الاسبراى كتير و نزل فى المنافول الى البوجيهات عاوز اقول حاجه لما تدور العربيه بعديها و تلاقيها طلعت دخنه بيضه محدش يقلق هاتكون لفتره بسيطه و تعدى و بعد ما نظفت الحساسات ب 500 كيلو قومت رايح مغير فيلتر الينزين كالتالى و غيرته برضو قبل البوجيهات نقول على طول العده المستخدمه ايه و الفيديو هايعرفنا الطريقه على طول مفتاح 12 بلدى و مفك عادى تعالو بقى نشوف الفيديو <EMBED height=350 type=application/x-shockwave-flash width=425 src=http://www.youtube.com/v/H59uis6b0GA wmode="transparent"> و بعد فيلتر البنزين قومت مغير البوجيهات كالتالى و العده المستخدمه ماسوره بوجيهات مقاس 16 و بيبه 10 علشان نفك بيها الوش البلاستيك ملحوظه بخصوص البوجيهات البوجيهات اللى بتركب للفيرنا بيكون فيها مقاومه كهربائيه يعنى مش اى بوجيهات و السلامه و بيكون مكتوب على العلبه بتاعه البوجيهات كده ريزيستور نيجى بقى للفيديو <EMBED height=350 type=application/x-shockwave-flash width=425 src=http://www.youtube.com/v/uuPVsHgR7sk wmode="transparent"> و طبعا احنا كده فوقنا الموتور و الحمده لله يبقى لازم نظبط الفرامل علشان تمسك العربيه دى و هيه فعلا كانت بقالها فتره معايا و انا حاسس ان الرجلاش عاوز يتظبط و بالتالى قومت عامل الريجلاش برضو و ادى الطريقه هو فكره الرجلاش واحده فى كل العربيات مادام الفرامل اللى وراء طنابير مش سكينه نيجى بقى للادوات المستخدمه كان كل اللى انا محتاجه هو مفك عاده و مفك صليبه و كمان شاكوش لكن انا ما استخدمتش الشاكوش هنا لانى بصراحه نسيته و استبدلته بالصليبه بتاعه العجل نيجى بقى للفيديو <EMBED height=350 type=application/x-shockwave-flash width=425 src=http://www.youtube.com/v/TrShNpG2-gw wmode="transparent"></EMBED> كان فى حاجه مهمه و هى انى افك الرجلاش من جوه عند فرامل اليد الاول و ده كان تم فعلا لكن للاسف اللى كان بيصورنى كان بيصور على الهواء و اكتشفنا كده فى الاخر علشان كده الجزء الخاص الرجلاش الداخلى هنلاقيه فى اخر الفيديو مش اول و هو عموما الجزء بنقسم الى جزئين فك الرجلاش من عند فرامل اليد و بعديها ظبط الرجلاش من عند العجل و بعديها الظبط الاخير من عند الفرامل مره اخرى و بعديها غيرت فيلتر الهواء و روحت غيرت زيت و فيلتر زيت و بعدها قومت وديتها غلست الغفشه بالكامل و رسيت عليها شخم اسبراى و ربطها و عملت روتيشن للكاوتش لانى يعمله كل 10 الاف كيلو و رصصت برضو لانى برصص كل 10 الاف و نصيحه اللى عاوز يرصص الفيرنا صح يرصصها على الحصان و ناقصلى انى اظبط زوايا و بالنسبه للتقييم هو ما اختلفش كتير عن التقييم القديم اللى عملته عند ال24 الف و الحمد لله حتى الان اداء العربيه جيده و راضى بيه تمام و ادى لينك الموضوع القديم ولا اقولكوا التقييم اهو ان شاء الله هاقدملكم تقرير عن الفيرنا بعد استخدام لمد 24 الف كيلو  التقرير ده حاولت اقارن العربيه بمثيلاتها سواء في الفئه او السعر المحرك  و هو 1600 ثنائي الكامه DOHC 106 حصان بيعطى قدره حصانيه (106 على 5800 r bm ) اقوي ما يميز العربيه و نقطه تميزها الرئيسيه عن منافسيها اللانوس و الاسبيرانزا a516 واعتقد انه الي اكسبها شهرتها و انتشارها ايضا " و خصوصا بين الشباب محبي السرعه " لانه فعلا يعطيك اغراء غير طبيعي للجري و ثقه غير طبيعيه انك ممكن تتجاوز اي عربيه ولو لفتره من الوقت " ده بالنسبه للي بيحبو يقولو انهم سبقو بي ام و غيرها من الوحوش الكبيره الي تقريبا تمنها يساوي 6 او 7 عربيات فيرنا " ولو ان السرعه خطر طبعا و رأيي انك قبل ماتفكر تسرع فكر ازاي هتوقفها لو حصل شئ مفاجئ و احتجت تقف انا شايف ان فرامل العربيه جيده جدا حتى 120 و ياسلام لو الواحد واخد حسه العربيه مع الفرامل عمره ما هايشتكى منها ابدا بعكس الاطفال اللى بيركبوها و بيجروا بيها و فى الاخر مش بيعرفوا يوقفوها لان معندهمش سينس للفرامل و لكننا نعود و نقول ان الافضل " من وجهه نظري للسياره دي هو الموتور ال 1500 " هيكون اهدي عليها و مناسب لوزنها اكتر و مناسب لنظام الفرامل بها و هتكون سريعه برضه و مش زي الطلقه كده حتي مننساش ان لوحه العدادات الي بالفيرنا هي الخاصه ب 1500 لان الموتور ال 1600 سرعته القصوي تصل لحوالي 220 و بالبحث في المنتدي هتلاقو فيديوهات كتير لعربيات عدت ال 200 و المؤشر كمل لتحت !!! صوت الموتور نفسه هادي و لكن يظهر صوته في الفيرنا لقله العزل الموجود بالكبوت و الدليل اركب الماتركس و الجتز و مش هتسمعه خالص مع انه نفس موتور لفيرنا تأثير التكييف ممتاز و تاثيره على العربيه بسيط جدا بالمقارنه بعربيات تانيه كتير هو طبيعى انه بياثر على ادء العربيه لكن تقدر و انت مشغل التكييف انك تعمل كل اللى انت عاوزه بعكس عربيات تانيه بتحس انك راكب بطه استهلاك البنزين حوالي 10 كيلو لكل لتر تقريبا بالتكييف و هي نسبه معقوله بالنسبه لعربيه 1600 الفتيس وضعيته مريحه لليد و خصوصا لو العربيه فول اوبشن مع موجود مسند اليد  اول ماستلمت العربيه حسيت فيه بخشونه لكن بالتدريج بقي تمام جدا حبيت بس اذكر المعلومه دي علشان فيه ناس بتقلق من النقطه دي بعد ماتستلم العربيه ملحوظه :العربيه تصل لاحسن اداء ليها علي 5000 كيلو يعني قبل كده ممكن تلاقي حاجات مش مظبطه او الاستهلاك عالي عن المعدل الي كاتبه او الصوت عالي متقلقش زي مالناس فعلا نصحتني و فعلا لقيته ان فعلا العربيه بتبقي حاجه تانيه خاااااااااااالص نظام التعليق هي ممكن تكون طريه شويه بس يعتمد عليها فعلا و ده بسبب اعتمدها على نظام التعليق المنفصل لكل عجله فى الخلف المعروف ب ماكفريسون العفشه فعلا من كلام اصدقاء كثيريين معهم السياره منذ فتره كبيروه و قطعوا بيها كيلو مترات عده يعتمد عليها بجداره لكن ما يعيبنا هنا هو ان العربيه منخفضه و سهله الحك في اي مطب لو كان حد قاعد علي الكنبه و ده سببه الشكمان المصري المنتج بمصانع ابو اليزيد و الي منجحش من وجهه نظري يصمم شكمان كمثيله الكوري بحيث يكون صغير الحجم و بالتالي يقل الاحتكاك في المطبات (و ده بسبب ان عفشتها الخلفيه طريه جدا مما يسبب انخفاض السياره ) لكن برضه ولله الحمد الفيرنا مصفحه من اسفل فمتقلقش اوي من الاحتكاك مش هيضر بالعربيه ارجحها في قوه العفشه عن اللانوس و اللاسبيرانزا لكنها من حيث موضوع ارتفاعها عن الارض و الحك و حلافه الافضليه للانوس و الاسبيرانزا الباور هيدروليك متوسط النعومه يتيح لك التحكم بكفائه في السياره الفرامل هي لا تتتناسب مع الموتور ال 1600 و قوته الصراحه لكن ادائها معقول (لكن فى سرعات حتى 120 جيده و الاداء متميز فى الفرامل احسن من الانوس بكثير و يمكن ملاكها نفسهم اشتكوا منها كتير لكن بعد 120 سيئه )ياسلام لو الواحد واخد حسه العربيه مع الفرامل عمره ما هايشتكى منها ابدا بعكس الاطفال اللى بيركبوها و بيجروا بيها و فى الاخر مش بيعرفوا يوقفوها لان معندهمش سينس للفرامل الثبات بعكس مايقال عن السياره اري ان ثباتها معقووووووول جدا حتي 120 و بعد كده يأخد في الانخفاض و اعتقد انه بيبقي في الضياع بعد ال 150 بس ممكن حد يقولي ايه الطريق الي يتمشي فيه علي اكتر من 120 في بلدنا و متلاقيش فيه نئره و لا مطب و لا حد بيعدي الشارع ادامك المناوره بالعربيه و التحكم رائع حتي سرعه ال 100 و يأخد في الانخفاض بعد ذلك و لازم نحط في الاعتبار ان دي سياره مدينه لا هي سياره طرق سريعه و لا سياره سباقات فمش مطلوب منها اكتر من كده و عامه الي عاوز يجري اكتر من كده يا يجنط و تأثير التجنيط حلو جدا مع الي جنطو خصوصا جنوط 15يا يركب عربيه اكبر الابعاد العربيه سهله القياده جدا و ابعادها واضحه الكبوت مرئي للسائق و كذلك الشنطه عامه ابعادها من السهل جدا جدا التعود عليها و مش هتاخد وقت فيها و اعتقد انها افضل من اللانوس و الاسبيرانزا في النقطه دي الوسع الداخلي في الامام مفيش مشاكل واسعه و وضعيه قياده مريحه الخلف يعبيها الضيق " مقارنه باللانوس و الاسبيرانزا" هي تشيل 3 اه بس مش هيكونو مرتاحين المقاعد  مصريه و مش مريحه اوي لكنها تعطي وضعيه قياده جيده و بالطبع مزوده بامكانيه تعديل مستوي الظهر و مستوي بعد الكرسي عن عجله القياده ( لكن قعدتها اريح من الانوس و الاسبرنزا بشهاده من ملاك السياره نفسهم ) الشنطه امكانيه فتح الشنطه و التانك من الداخل بالفول اوبشن   واسعه جدا اوسع من شنطه اللانوس " تشعر ان مصمم الفيرنا اهتم بالشنطه علي حساب الكنبه و مصمم اللانوس اهتم بالعكس " يوجد ذراع فتح الشنطه من الداخل في الفول اوبشن و لايوجد في الهاف و يمكن ثني الكنبه الخلفيه لتوسيع الشنطه الاستبن و الكوريك في مكانهم المعتاد اسفل السجاده التكييف ممتاز جدا في تبريده طبعا بكر مش تاتش بكل الخصائص العاديه دوره هواء مفتوح ام مغلقه بارد/ساخن الهواء للوجه او للوجه و الارجل و هكذا التأثير علي السحب بسيط لقوه الموتور الاضائه الداخليه عدد مصباح واحد في منتصف السقف متوسطه القوه و غير مزود بمصابيح للقرائه في الهاف و مزود ه بها في الفول اوبشن مساحه التخرين الداخليه عدد 2 درج بالتابلوه و 3 بالهاف اوبشن اذا حسبنا مكان ساعه التابلوه مساحه تخرين النظام الصوتي  الهاف اوبشن كاسيت شرايط ماركه رودستار متوسط الجوده الفل ابشن سي دي رودستار متوسط الجوده ايضا الكاسيتات دي طبعا مصريه التقفيل السماعات انتاج شركه جولد ي تقريبا هي عامه مصريه و بصراحه غير جيده العزل متوسط الكفائه بالنسبه لعزل الطريق لكن صوت الموتور مسموع بوضوع لضعف عزل الموتور الاطارات اما اطارات نسر مصري او لاسا تركي و انصح بتغييرها غير جيده المشكلات التي واجهتني علي مدار سنتين من الاستخدام من يناير 2008 الطنابير اتغيرت فى الضمان سوسته الشكمان و غيرتها ب 60 جنيه و مصنعيه 30 (باظت بسبب خبطه الشكمان فى الرصيف اثناء رجوعى للخلف مميزات اضافيه الفول اوبشن بتنزل بمفتاح ريموت و كمان نور الصالون لما بتغلق العربيه بالريموت بينطفى تدريجيا و دى بصراحه ميزه لذيذه ايضا لو بليل و ركنت العربيه و النور شغال بمجرد ما انك تشيل المفتاح من الكونتاكت النور ينطفى تلقائيا و ايضا بمجرد ما تشيل المفتاح من الونتاكت كل ماهو شغال بالكهرباء ينغلق اتوماتكيا امكانيه تعديل وضع عجله القياده موجوده فى الفول اوبشن ايضا فتح الشنطه و التانك من الداخل برضو موجوده فى الفول اوبشن فقط فتح الشنطه على الكنبه الخلفيه فى الفول اوبشن و دى بتدى مساحه تخزين رهيبه  <!-- / message --><!-- sig --> </EMBED>
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
التعديل الأخير تم بواسطة AHMEDCAR ; 14-12-2009 الساعة 02:21 PM 
|
|
#2
13-12-2009, 03:35 PM
|
|||
|
|||
|
رد: صيانه ال30000 فى البيت و تقييم للاداء ولا عزاء للتوكيل
يا جامد يا قرصان يا جامد
قولتلك نفتح مركز صيانة ........ ماسمعتش كلامى والله نكسب دهب
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#3
14-12-2009, 10:51 AM
|
||||
|
||||
|
رد: صيانه ال30000 فى البيت و تقييم للاداء ولا عزاء للتوكيل
الله ينور يا أحمد باشا
موضوع مميز كما عودتنا
__________________
 إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
|
|
#4
14-12-2009, 12:26 PM
|
|||
|
|||
|
رد: صيانه ال30000 فى البيت و تقييم للاداء ولا عزاء للتوكيل
شكرا بجد الموضوع جامد اوى
__________________
|
|
#5
14-12-2009, 12:35 PM
|
||||
|
||||
|
رد: صيانه ال30000 فى البيت و تقييم للاداء ولا عزاء للتوكيل
الحمد لله ان الموضوع عجبكوا
و ان شاء الله انتظروا المزيد
__________________
سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
 |
| أدوات الموضوع | |
|
|
