اورال.... هل له توكيل فى مصر

[luckyman]

المشاركة الأصلية كتبت بواسطة aymanlaw اشكرك واشكر كل من امدونا بمعلومات عن صناعة لم أكن اعلم عنها شىء سوى العربة الزل والكراز الروسى ايام ماكنت فى الجيش ويمكن كنت بشوف المتوسكل ده مع الشرطة العسكرية وطبعاً كنت جاهل بمعرفت امكانياته ,شكراً جزيلاً على المعارف الجميلة دى

انا اللى شاكر حضرتك على ذوقك الاورال هو موتسيكل للحياه يعنى تجيبة متغيرهوش يارب القى اورال كويس هو كمان ينفع للمغامرات انا فى واحد فرنسى معايا فى الشغل لما عرف كمان ان فية اورال فى مصر قديم كان مهتم جدا بالموضوع وعنده استعداد يشيله لانه محبوب جدا فى اسواق زى كندا وامريكا واوروبا لكن حاله عكس الصناعات الروسية هو مش رخيص

[محمدقابل]

السلام عليكم جميعا. اولا عذرا لتأخرى فى الرد عليك نظرا لانشغالى ‘ بالنسبة للموتوسيكل الاورال هو كله على كارونة والكارونة نوعان سريعة وهى فى الوتوسيكل ال 18 بوصة وبطيئة وقوية فى الموتوسيكل ال 19 بوصة حيث انه مجهز لركوب السايد كار وايضا ان اردت الذهاب للميكانيكى الموجود بميت عقبة فاتصل بى على هذا الرقم وسأذهب معك 01000037009 وشكرا

[luckyman]

المشاركة الأصلية كتبت بواسطة محمدقابل السلام عليكم جميعا. اولا عذرا لتأخرى فى الرد عليك نظرا لانشغالى ‘ بالنسبة للموتوسيكل الاورال هو كله على كارونة والكارونة نوعان سريعة وهى فى الوتوسيكل ال 18 بوصة وبطيئة وقوية فى الموتوسيكل ال 19 بوصة حيث انه مجهز لركوب السايد كار وايضا ان اردت الذهاب للميكانيكى الموجود بميت عقبة فاتصل بى على هذا الرقم وسأذهب معك 01000037009 وشكرا

اشكرك جزيل الشكر على الرد ان شاء حيكون بينا اتصال فى القريب
بس انا مستغرب بلد زى مصر الاورال مالهوش سوق ومفيش ناس تعرفه فى الموقع كله الا انت ! انت موافقنى ان موتسيكل الاورال اصلى واصيل واللى بيدوروا على المتانة وموتسيكل العمر والقوة والمتعة الاصلية فى موتسيكل قل ان تجد مثيل له
كان فى سؤال كمان هل البى ام دبليو حتى الان يعتمد على نفس المبدأ؟

[ابن الهيثم]

المشاركة الأصلية كتبت بواسطة luckyman يا اخى الف شكر لك بصراحة الموتسيكل دة انا بعتبرة اسطورة وبلد زى مصر كنت متوقع انه يكون له شعبية كبيره دة موتسيكل جبار للمرح والشغل والجيش وكل حاجة انا نفسى القى واحد يكون بحاله جيدة وممكن بعد كدة اظبط فية بس بالذات الحلو فى الاورال هو المكينة بتاعتة واللى موجود بعربة جانبية ام لا معلش اتقل عليك متعرفش ممكن القية فين وحاجاتة لانى عاشق للموتسيكل دة ياريت لو تعرف تدلنى انا عايزة مزاج

اللموتوسيكل الاورال ده حكايه كبيره اوى..الموتوسيكل ده رهيب جدا عباره عن دبابه روسيه متحركه فى صورة موتوسيكل..اولا هو يستخدم فى روسيا فى الجيش الروسى وبيركب على قاعدته مدفع متحرك سريع الطلقات وكمان منصة صواريخ وممكن تشوف الفيديوهات على اليوتيوب..مميزات الموتوسيكل انه 750 سىسى وعلى عامود كامه وكورونا وبه 2 فتيس (يد وقدم)و2 كاربيريتور وعمة والفتيس اليد فتيس غرز وده للطرق الوعره والصحراء والثلج والغابات
الموتوسيكل ثابت جدا على الارض زى الدبابه مش ممكن يقع ولا يقلب وسرعته وقوته رهيبه جدا وبلاخص لو صولو (فردى بدون سايدكار) وهو رائع الشكل وضخم جدا جدا وصوته احلى واروع من صوت الهارلى..يعنى الاورال هو منافس للهارلى شرس جدا على الطريق وممكن السفر به لاى مكان ..انا امتلك عدد 2 موتوسيكل اورال وللبيع.. م 01227286487ابو الهيثم

[محمدقابل]

فتيس القدم موجود بس فى الموديل ال 19 بوصة وده علشان المارشدير والميزة انه بينقل مارشدير كل السرعات يعنى انت تحول فتيس المارشدير وتبقى عندك 4 نقلات للخلف وده كمان موجود فى بعض سيارت الجيش المصرى القديمة النقل وهى ايضا روسية