البنزين الاسود الذى يقال انه 90

[moh_faheem]

انا ساكن فى محافظة الوادى الجديد
وازمة البنزين وصلت الى حد الكارثة
لايوجد فى المحافظة بالكامل لتر بنزين 90 او 92
ووصل حد الزحام الى طوابير للسيارات وصل طول الطابور الى 200سيارة
وبالرغم من انها محافظة نائية الا انه يوجد عدد كبير من السيارات الملاكى الفارهة
المهم لم استطيع ان اقف فى الطابور واخذت جركن وتوجت به الى البنزنينة الوحيدة التى بها 90 وتم تعبئة الجركن ولكن اخذت الجركن وتم ملاحظة الاتى :ـ
1- لون البنزين على غيرة العادة لونه اسود نعم اسود
2- رائحة البزين مختلفة تماما عن الرائحة المعتادة له فرائحته تشبه الى حد كبير رائحة السولار
3- لا يتطاير بسهولة مثل البنزين المتعارف عليه
4- به نسبة زيت كبيرة
وبالاستفسار عن هذا البنزين قالو لنا انها شحنة اتت من الهند
فهل احد شاهد مثل هذا البنزين طبعا انا خوفت احطه فى العربية
والا احنا اللى هنود

[hossamdoaaaa]

اعتقد انه مغشوش.....

[moca_moca]

انا عندي جركن صغير فيه بنزين 80 لاحظت فعلا انه اسود عن المعتاد بس انا ما شغلتش دماغي وسايبه عندي لحد ما افوق
بس هو فعلا غامق اوي عن الطبيعي

[goudai]

اعتقد ان البنزين سهل جدا انه يتغش لانه بيكسب كتير وخاصة الايام دى لكن فى اعتقادى صعب ان يبقى فى غش فى بنزين 80 لانه حاليا ارخص من اى حاجة ده حتى الجاز اغلى منه & حاول تشوف محطة كويسة معروف عنها عدم الغش

[aass]

بنزين 80 لونه احمر
بنزين 90 لونه اخضر
بنزين 92 لونه اصفر
معرفش ان فيه بنزين لونه اسود ده اكيد مغشوش او ممكن يكون تانك المحطة اللى فى الارض متهالك والبنزين اختلط بيه شوائب من الارض