ركبة فيات 128

[Mohamed Zaher]

السلام عليكم

عندى عربية 128
روحت عند الميكانيكى ينضف الكاربرتير .. لمح العجله الشمال مرحله لورا نزل تحت العربية بص عليها لقى الركبة الشمال مكسوره خالص مش مجرد شرخ

سؤالى لأهل الخبرة
فى ركبة بتتباع جديدة ولا بتيجى استعمال وتمنها كام ؟
مصنعية تغيير الركبة واعادة العجلة لمكانها الطبيعى ؟

ولكم جزيل الشكر

[next123]

متابع
وياريت رد من اهل الخبره

[elwasty]

يا باشا الركبة ثمنها بسيط المشكلة في مصنعية السمكري اللي هايركبها انا حصلت معايا الركبة الشمال بردو تأثير تساقط مية النار بتاعة البطارية عليها اكلت الحديد والصاج واول فرملة فجأة اتكسرت الركبة ذهبت بيها للسمكري قالي الركبة موجودة جديدة بـ 15 جنيه قلت كويس طب التركيب بكام قالي 100 جنيه عشان بنزل الريدياتير والبطارية ويفك الميزان بمعنى اصح بيفضي الجزء الشمال ده خالص وبيلحمها بالنار بعد ما بيشيل القديمة بالنار ودبسني بعد كدة في عفشجي عشان يفك الميزان ويرجع يربطه لما يخلص لحام ويظبط زوايا بلدي كدة يعني وعاوزله 40 جنيه لوحده انا بعرفك الحوار كله عشان تبقى على نور وربنا معاك ومعانا ويكرمنا ونغيرها بالاحسن

[Mohamed Zaher]

المشاركة الأصلية كتبت بواسطة elwasty يا باشا الركبة ثمنها بسيط المشكلة في مصنعية السمكري اللي هايركبها انا حصلت معايا الركبة الشمال بردو تأثير تساقط مية النار بتاعة البطارية عليها اكلت الحديد والصاج واول فرملة فجأة اتكسرت الركبة ذهبت بيها للسمكري قالي الركبة موجودة جديدة بـ 15 جنيه قلت كويس طب التركيب بكام قالي 100 جنيه عشان بنزل الريدياتير والبطارية ويفك الميزان بمعنى اصح بيفضي الجزء الشمال ده خالص وبيلحمها بالنار بعد ما بيشيل القديمة بالنار ودبسني بعد كدة في عفشجي عشان يفك الميزان ويرجع يربطه لما يخلص لحام ويظبط زوايا بلدي كدة يعني وعاوزله 40 جنيه لوحده انا بعرفك الحوار كله عشان تبقى على نور وربنا معاك ومعانا ويكرمنا ونغيرها بالاحسن

الف شكر يا كبير على الرد

انا روحت لسمكرى قالى هتكلفنى 80 جنيه ال 50 مع انى عارف ان كده غالى بس العربيه تحركاتى كلها بيها وكان لازم اعملها
عملها زرجينه عشان العجله زى ما قلت كانت مرحلة واداها لحام تمام بس مكنش عنده البلاك اللى بيتحط ده عشان يحافظ عليها من الميه وقالى تعالى بكره ولسه مروحتش

انا كنت عايز اغير الركبتين بجداد ولقيتهم فعلا سهرخك رحيص لكن المشكلة فى المصنعيه قالى رقم كبير كده يمكن 400 تقريبا عشان هيفك الجزء ده كله بالقنطرة
قلتله لا خلاص مش دى تمشينى قالى معرفش تقعد معاك اد ايه بس هتتشرخ تانى بسرعه
حسيت انه عايز يعمل شغل على قفايا فاخدت العربيه واتكلت على الله

وربنا يكرمنا جميعا بالاحسن منها

[AMMI]

المشاركة الأصلية كتبت بواسطة Mohamed Zaher انا كنت عايز اغير الركبتين بجداد ولقيتهم فعلا سهرخك رحيص لكن المشكلة فى المصنعيه قالى رقم كبير كده يمكن 400 تقريبا عشان هيفك الجزء ده كله بالقنطرة

400 جنيه مصنعية تغيير ركبتين ده لا مؤاخذه حرامى كبير
متعديش عليه تانى
الركبه بتعملها حوالى من 25 ل 30 جنيه وبيبقى صاجها محمل
بالنسبه لمصنعية التركيب المفرضو ياخد فى الركبتين 100 جنيه
لو زادو ل 120 ماشى

هوه اخره هيشتغل لمدة ساعه ونص متواصل لما ياخد 400 جنيه
يبقى ساعته فوق ال 200 جنيه
عالم حراميه