الله يحرقهم كلهم !

[engsisi]

احتسب اجرك عند الله يا دكتور فما حدث للسياره نوع من الابتلاء فى المال وفى نفس الوقت بأيد جدا فكرة كاميرا المراقبه حتى نكون ايجابيين وفى نفس الوقت يرتدع من يقوم بمثل هذه السفاهات ويكون عبره لغيره
عن أبي هريرة عن النبي قال ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه
وفي صحيح مسلم من حديث عائشة عن النبي أنه قال لا يصيب المؤمن من شوكة فما فوقها الا رفعه الله بها درجة وحط عنه بها خطيئة
وفي صحيفة عمرو بن شعيب عن أبيه عن جده قال قال رسول الله اذا جمع الله الخلائق نادى مناد أين أهل الصبر فيقوم ناس وهم قليلون فينطلقون سراعا إلى الجنة فتلقاهم الملائكة فيقولون انا نراكم سراعا إلى الجنة فمن أنتم فيقولون نحن أهل الفضل فيقولون ما كان فضلكم فيقولون كنا اذا ظلمنا صبرنا واذا أسيء الينا غفرنا واذا جهل علينا حلمنا فيقال لهم ادخلوا الجنة فنعم أجر العاملين

[sam ram]

معلش يا دكتور .. انا عارف انها حاجه تضايق و تزعل ... لكن هي دي بلدنا ...
تعايش و تناسى ...
عن نفسي اول ما جبت العربيه لقيت واحد حافر لي على الكبوت خطين بالطول و خطين بالعرض .... يعني عمل 9 مربعات
تقريبا كان ناوي يلعب اكس او ( X O ) بس الظاهر ملحقش ... طبعا انا اتنكدت جدا من المنظر ...
بس يظهر انه تاني يوم ندم على غلطته و شطب على اللعبه ... بمسمار ptmnlo123per1147

ده طبعا غير الزلط و السن كل يوم و التاني ...
تلاقي جرار سن و لا قلاب بيجري على الشمال و السن ( زي الزلط كده بس صغير و حوافه حاده ) يتطاير يمينا و يسارا ... و الجدع اللي يهرب منه
تالت كسر في الازاز يتحقن عند دكتور خالد .... ده غير اللي بيجي في الصاج ...


بس اكتر حاجه مضاياقني ليه الناس بتعمل كده ... هل وصلنا لنوع من الغل و الحقد بين الطبقات لدرجه ان في طبقه احساسها بالفشل طاغي عليها ونجاحها الوحيد هو تشويه ممتلكات الاخرين
وان عيل 8 ولا 10 سنين هربان من البيت التعيس او مطرود لعبته مسمار مصدي يجرح بيه صف عربيات
ولما يكبر يبقى سواق قلاب ولا مقطوره محشش يجري على الشمال ويطير على المطبات علشان يوزع جزء من حمولته الغاليه على عربيات الناس

نقول ايه ...حسبنا الله و نعم الوكيل ...و الحمد لله على كل شيء

[sherif_taher]

ربنا يعوض عليك يا دكتور.....انا في واحد خد العربيه من ناحيه الشمال بسن مفتاح ما اول الرفرف اللي ورا لغايه الرفرف اللي قدام كأنها موجه بحر والعربيه لونها اسود...حاجه جميله والناس نصحتني اني ما اعملهاش بقلم عند السمكري لسبين الاول انها هتكرر والتاني ان شكل البويه هيبقى مرقع.......

[نبيل عبدالرحمن]

معلش يا دكتور بولبلان .... ربنا ان شاء الله ها يعوض عليك وأوعى تفتكر إن الله مش هايجيب لك حقك من هذا الجبان ، وربنا ها ينتقم منه ، عموماً حاول تضع غطاء ( قديم ) يخفى السيارة عن أعين الحاقدين وأصحاب العيون المدورة وحسبنا الله ونعم الوكيل

[ah_boba_ly]

الموضوع دا طبعا قمه في الاستهبال والحقد الي جوا الحد المتخلف الي بيعمل كدا .... النهارده روحت اغسل العربيه وبعد العربيه ما نظفت بلف حوليها لقيت واحد بمفتاح ومظبط الفانوس الي قدام
طب ليه ... ايه السبب...استفدت ايه غير حرق دم صاحبها مش اكتر
ف الاخر اقول حسبيا الله ونعم الوكيل ف الي يعمل كدا