سؤال بخصوص صيانه ال1000 كم للبيكانتو

[mokhtar872000]

ازيكم يا جماعه وحشتونى جدا انا غايب عن المنتدى من فتره كبيره بس والله الوقت ضيق جدا
يا جماعه انا عايز مساعده واستشاره عاجله من مالكى البيكانتو خصوصا اللى لسه جايبنها
ان من دمياط وواحد صاحبى اشترى بيكانتو 2010 هاف اوبشن وبقاله حوالى 3 شهورعمل تقريبا 1500 كم او اكتر بحاجه بسيطه وهو استخدامه قليل جدا لانه دكتور ومش بيحب يركبها كتير ولا بيحب يسافر بيها يعنى باختصار مشوار الصيانه ده عامله ازمه فانا عايز اعرف
1.هل فيه مركز خدمه لتوكيل كيا او حتى تابع له فى المنصوره مثلا اللى هى اقرب مكان لدمياط 60 كم او بورسعيد 45 كم عشان يعمل صيانه ال1000 وتغيير الزيت
2. صيانه البيكانتو ال1000 كم بيتعمل فيها تغيير زيت وايه تانى وبكام ولو ماغيرش الزيت فى ال1000 يحصل ايه
3.هل ممكن انه يغير زيت فى اى مكان هنا فى بنزينه او مركز صيانه ويكبر دماغه من الصيانه الدوريه خصوصا انها لسه فى الاول وده يفرق فى ايه من حيث الضمان يعنى عدم ذهابه للصيانه يلغى الضمان لانهفعلا مش بتاع سفر خاص واهون عنده يسيب العربيه ومايركبهاش على انه يضرب بيها 500 كم رايح جاى عشان الصيانه
ياريت يا جماعه تفيدونى بسرعه وشكرا للجميع

[mokhtar872000]

مفيش اى حد معاه بيكانتو زيرو وبيروح التوكيل

[mokhtar872000]

يا جماعه ياريت اللى يعرف حاجه فى الوضوع ده يفيدنى مش معقول المنتدى كله مافيهوش حد مامعهوش بيكانتو

[pro mada]

المشاركة الأصلية كتبت بواسطة mokhtar872000 1.هل فيه مركز خدمه لتوكيل كيا او حتى تابع له فى المنصوره مثلا اللى هى اقرب مكان لدمياط 60 كم او بورسعيد 45 كم عشان يعمل صيانه ال1000 وتغيير الزيت مفيش يا باشا فرع لتوكيل كيا في بورسعيد اما المنصوره فمعرفش بس اعتقد ان فيها 2. صيانه البيكانتو ال1000 كم بيتعمل فيها تغيير زيت وايه تانى وبكام ولو ماغيرش الزيت فى ال1000 يحصل ايه صيانه الالف بتغير فيها الزيت و الفلتر و بكده تضمن افضل اداء للمحرك و اطول عمر افتراضي له 3.هل ممكن انه يغير زيت فى اى مكان هنا فى بنزينه او مركز صيانه ويكبر دماغه من الصيانه الدوريه خصوصا انها لسه فى الاول وده يفرق فى ايه من حيث الضمان يعنى عدم ذهابه للصيانه يلغى الضمان لانهفعلا مش بتاع سفر خاص واهون عنده يسيب العربيه ومايركبهاش على انه يضرب بيها 500 كم رايح جاى عشان الصيانه ممكن يغير الزيت و الفلتر و بنزينه محترمه و بلاها التوكيل الحراميه و بصراحه انا معتقدش ان ممكن الضمان يتلغي عشان مرحش صيانه الالف

الرد في الاقتباس بالازرق

[asaadte]

عدم المواظبة على تغيير الزيت فى الضمان يطلع العربية من الضمان
الالف فيها تربيط عفشة وتشييك على العربية كلها
ممكن تتصل ب 19542 تسال على مركز معتمد فى المنصورة
بس مش فاكر اسمه