مقارنة بين ميسوبيشي لانسر 2010 (الشكل القديم) وبين كيا سيراتو

[bmw7]

والله انا ركبت الانسر 1600 موديل 2007 عربية محترمة جدا من كل حاجة الصراحة ويرده السيراتو كويسة وشكل جديد بس كورى برده مش زى اليابانى

[dr.ahmed lotfy]

انا كنت بقارن زيك بردو مابين اللانسر و السيراتو و اختارت السراتو
1-الانسر مانوال + ABS ثمنها 109000 + 1 airbag و مافيهاش كاسيت حتي و شكل ديم حيتلغي كمان سنه وده كلام من الوكيل طب لييييييه
2- السيراتو اوتوماتيك +جنط16+طاره مالتي + اوكر نيكل و اشارات في المريات + 2 airbag وده من الوكيل 109000
ياجماعه ال ABS+EBD مش موجود غير في أعلي فئه في الاتنين سيراتو 124000 الانسر 130000 تقريبا . و ABS من غير ُEBD فايديته مش محسوسه اوي ودي عن تجربه

انا بالنسبالي شوفت ان السيراتو احسن ودي اراء

[bakka2010]

المشاركة الأصلية كتبت بواسطة seven777 الاستاذ اللى بيقول انه اللانسر 106 غلط اللانسر 122 حصان و السيراتو هى اللى 109 حصان بعدين عيب لما نقارن ميتسوبيشى لانسر بكيا سيراتو لانسر افضل فى كل حاجة

بالنسبه حضرتك لموتور اللانسر فهو 106 حصان ... 122 ده وهو حر مش محمل بوزن العربيه .
الحاجه التانيه مينفعش نقول عربيه من الاتنين افضل فى كل حاجه وعيب نقارنها بالتانيه لان بالتاكيد ان اللانسر مش افضل فى كل حاجه
يعنى مثلا الشكل ازواق لكن اغلب الناس شايفين ان السيراتو شكلها اجمل بكتييييير وكمان أعلى فى الاوبشنز اللى فيها من البومه واوسع ... وفى مقابل كده البومه جودة الخامات المستخدمه فى التابلوه افضل من السيراتو وانتشارها ادى الى انتشار قطع الغيار وتوفرها ببدائل مش اصليه واسعار متفاوته مناسبه لكل المستويات .

[lol64]

ياجماعه الشكل برضه عليه عامل حد يجزم ويااكد هنا ان اللانسر شكلها احلى من السيراتو حتى اللانسر الشارك كانت واقفه جنب السيراتو فى سمير ريان ومحدش بيعبرها
انا مجربتش اللانسر بصراحه لكن جربت السيراتو كتير جدا عربيه زى الفل

[yahia55555]

اليابانى يابانى من يومه
ممكن اضحى انا شويه بالشكل الاحلى مثلا بتاع السيراتوا واضحى بشويه اوبشن فى سبيل عربيه عمليه قويه متعابتش قبل كدة

اقولكم بقى تقريبا للى انتوا بدورا عليه

قارنوا الاسبرانزا 516 والانوس
ايه رآيكم
فى ناس تفضل الشكل والفخامه والوبشن عن العمل وفى ناس العكس
اللى يحدد هذا وذاك المشترى الذى انصحه ان يستخير
لا خاب من استخار