#1
|
|||
|
|||
استفسار بخصوص دلكسيون فيات 125
السلام عليكم ورحمة الله وبركاته
يا اخوان انا باختصار من اربع شهور اشتريت سيارة فيات 125 موديل 80 العربية حالتها كويسه وانا صرفت عليها ووضبتها خالص بس في مشكلة حصلت معايا من فتره قريبة وهي ان لما بكون علي سرعة اعلي من 70 كيلو في الساعة بيكون الدركسيون خفيف خالص لدرجة ان العربية بتعوم علي الطريق ودي مش مشكلة فيا لان انا بسوق كويس وكمان العربية ماكنتش كده كنت لما بزيد السرعة علي 80 الدركسيون بيتهز جامد رحت رصصت 4 عجلات وظبط زوايا كمان راحت مشكلة هزه الدركسيون بس فاضل موضع عويم العربية علي السرعه اعلي من 70 كيلو الراجل بتاع العفشة قالي كل حاجة متظبطة وانت هتتعود علي الدركسيون كده بس الموضوع من شهر وانا متاكد انه مش موضوع تعود انا حاسس ان في مشكلة في الدركسيون بس للاسف مش عراف اوصلها والي يثبت كلامي ان العربية لما بتكون بسرعة عاليه ( فوق 70) لو الطريق كانت فيها حته مكسرة مثلا بحس انها بتغير مسار العجل لذاك باضطر امسك في الدركسيون قوي عشان كده رجاء خاص الي عنده حل لمشكلتي او تفسير ليها او حتي مجرد فكره يتفضل يساعدني بيها وانا متابع الموضوع باهتمام بالغ معلهش انا طولت عليكم جازكم الله كل خير |
#2
|
رد: استفسار بخصوص دلكسيون فيات 125
مشكلتك حاجه من اتنين
لو الدركسيون فيه بوش يبقي دا العيب و حله يا تربط علي الخزنه شويه يا لو بايظه تتغير الحاجه التانيه ممكن يكون من تيش الدركسيون الطوالي و التيش القصير
__________________
حـازم خـضـر
|
#3
|
|||
|
|||
رد: استفسار بخصوص دلكسيون فيات 125
حازم شكرا لتفاعلك معايا انا مش عارف اودي الجمايل دي فين
علي العموم انا هحاول اعمل الي قلت عليه وربنا يسهل وهتابع معاك النتيجة ان شاء الله |
#4
|
|||
|
|||
رد: استفسار بخصوص دلكسيون فيات 125
اقولك ايه يا حازم كنت عايز اعرف استهلاك البنزين للعربية معدله الطبيعي كام
انا عندي الصفيحة بتعمل 100 كيلو انا حاسس ان ده قليل قوي خاصة ان 100 كيلو دول 90 منهم بيكونو علي طريق سريع ومبقفش اشارات كتير انا اصلا من اسيوط وساكن في بلد جنب مدينة اسيوط علي بعد 25 كيلو بروح واجي كتير بس علي طريق سريع وسرعتي مبتقلش عن 60 كيلو يعني المفروض الصفيحة تعمل علي الاقل 180 كيلو صح الكلام ده ولا لا |
#5
|
رد: استفسار بخصوص دلكسيون فيات 125
بص هي ال 125 خصوصا لو قديمه بتاكل بنزين
ما تحاولش تلعب فيها كتير لاني عملت كل ما تتخيله في عربيتي القديمه و برضه اكلت بنزين عملت عمره و غيرت بساتم اصلاح للكاربيراتير و بعدين غيرت الكاربيراتير بواحد جديد زيرو بكرتونته ب 300 جنيه سنه 94 كانوا طبعا مبلغ مش قليل و برضه فضلت زي ما هي من رأيي تعايش معاها و لحد ما الموتور يوصل لنهايه عمره يبقي تجيب موتور 131 1400 كامه علويه او 1600
__________________
حـازم خـضـر
|
|
|